Domus vox

Í Stúlknakór Reykjavíkur 4 fá stúlkur á aldrinum 12 - 16 ára einstakt tækifæri til að vaxa og dafna í hlýju og hvetjandi umhverfi.

Kórinn fær mikla æfingu í framkomu og tekur reglulega þátt í fjölbreyttum verkefnum.

Staðfest verkefni á næsta skólaári verða meðal annars: Norrænt samstarfsverkefni í Norðurljósasal Hörpu, fernir jólatónleikar með Sinfóníuhljómsveit Íslands auk minni viðburða.

Gestakennarar koma í heimsókn og halda örnámskeið í leiklist, dansi og raddþjálfun.

Grunnatriði í tónfræði og nótnalestur er kennt á fimmtudögum.

VERTU MEÐ Í VETUR - skráning er inn á abler.

Domus vox - þar sem röddin þín hljómar!

RADDPRUFUR - AURORA!!

Raddprufur AURORA fyrir haustið 2026 fara fram í lok júní!

aldursviðmið = 17 - 30 ára

Gerð er krafa um fyrri kórreynslu og færni í nótnalestri. Kórinn æfir á mánudögum og fimmtudögum.

Aurora er hluti af einsöngsdeild Söngskólans Domus vox og gefst kórfélögum þannig tækifæri á að stunda einsöngsnám upp að framhaldsstigi. Flestir kórfélagar hafa nýtt sér það tækifæri og er söngur því orðinn stór þáttur í lífi þeirra.

Kórinn tekur að sér ýmis samstarfsverkefni og hefur margoft tekið þátt í tónleikum með Sinfóníuhljómsveit Íslands og fjölmörgum leikhúsuppfærslum í samstarfi við Borgarleikhúsið, nú síðast í Söngleiknum 9 líf (2020 – 2024).

Einnig hefur verið leitað til kórsins þegar kemur að hljóðupptökum fyrir kvikmyndir eða hljómplötur.
Kórinn söng í Eldborg á tónleikum hjá GDRN í Maí 2024, KK og Sinfó 2025 og Caroline Shaw 2026.

Una Stefánsdóttir samdi fyrir kórinn 10 sönglög við texta Huldu og var kórinn að ljúka við hljóðupptökur fyrr í maí.

Í gær áttum við dýrmæta stund í sönghúsinu okkar .
Tilefnið var 70 ára afmæli Möggu Pálma!!!

Árið 2000 stofnaði Margrét í félagi við aðra sönghúsið Domus vox í Reykjavík sem sameinar undir einu þaki söngskóla og kórastarfsemi.

Margrét hefur unnið frumkvöðla- og hvatningarstarf í þágu stúlkna- og kvennakóra á Íslandi og hlaut fyrir það Riddarakross hinnar íslensku Fálkaorðu árið 2004. Þá sæmdi Karl Gustav XVI, konungur Svía, Margréti Riddarakrossi hinnar konunglegu Norðurstjörnu í opinberri heimsókn sinni í september 2004.

Það var einstök upplifun að koma saman, syngja, gleðjast og þakka fyrir það mikla framlag sem Margrét hefur gefið tónlistarlífinu og öllum þeim kórfélögum sem hafa sungið undir hennar leiðsögn.

HÚRRA fyrir Möggu!!

Dásamleg æfing í dag þar sem Stúlknakór Reykjavíkur og æfðu fyrir tónleikana sem verða haldnir þann 10. maí í Langholtskirkju kl. 15:00!

Miðasala er enn í fullum gangi og nokkrir lausir miðar!

Sjáumst í Langholtskirkju 15:00 þann 10. maí!