Skálholt

Í dag eru tvær guðsþjónustur í kirkjunum okkar í Skálholtsprestakalli.

Kl 11 leiðir Bergþóra djákni í Skálholtsdómkirkju.

Kl 14 messar sr. Kristín Þórunn í Miðdalskirkju í Laugardal. Kaffisopi og aðalsafnaðarfundur eftir messu.

Jón Bjarnason leikur undir og leiðir safnaðarsöng.

Innilega velkomin.

Í dag verða tónleikar með fiðluleikaranum Katherine Gilger, trompetleikaranum David Dash, og píanistanum Michael Spiroff kl 17.

Á tónleikunum verður frumflutningur á verki Spiroffs "What Light we Forget" sem er skrifað fyrir tríóið sem kemur fram í dag.

Einnig verða leikin verk eftir ameríska tónskáldið Eric Ewazen og okkar eigin Jórunni Viðar.

Aðgangur er ókeypis. Innilega velkomin!

Sunnudaginn 21. júní kl. 11:00 verður Guðsþjónusta í Skálholtsdómkirkju.

Bergþóra Ragnarsdóttir djákni í Skálholtsprestakalli þjónar, organisti er Jón Bjarnason.

Verið öll hjartanlega velkomin!

Á sunnudaginn fáum við góða gesti í heimsókn, frá Útskálaprestakalli. Messan okkar er kl 11, sr. Sigurður Grétar Sigurðsson prédikar og kór Útskálakirkju undir stjórn Arons Axels Cortes syngur!

Meistarar úr vesturbæ Reykjavíkur komu við í dómkirkjunni okkar. Takk fyrir ykkur ♥️🏆🇮🇸

Hvítasunnan er ein af stórhátíðum kirkjunnar. Í Skálholtsprestakalli er löng hefð fyrir að fermingarbörn vetrarins játist Jesú Kristi sem leiðtoga lífs síns í messu safnaðarins. Um helgina verða þrjár messur í prestakallinu á þessari hátíð heilags anda.

Í Miðdalskirkju í Laugardal fermast þrír drengir á hvítasunnudag kl. 11. Sr. Kristín Þórunn Tómasdóttir þjónar og Jón Bjarnason leikur á orgel og leiðir safnaðarsöng. Meðhjálpari er Ragnheiður Hilmarsdóttir.

Í Skálholtsdómkirkju fermast 10 börn í hátíðarguðsþjónustu kl. 14 á hvítasunnudag. Þar þjóna sr. Kristín Þórunn Tómasdóttir sóknarprestur og Bergþóra Ragnarsdóttir djákni. Hinn frábæri Skálholtskór syngur undir stjórn Jóns Bjarnasonar. Hátíðartón Bjarna Þorsteinssonar, sem er ómissandi á öllum stórhátíðum verður sungið.

Á annan hvítasunnudag verður fermingarguðsþjónusta í Mosfellskirkju í Grímsnesi kl. 13. Þar þjóna sr. Kristín Þórunn Tómasdóttir og Jón Bjarnason pumpar orgelið. Meðhjálpari er Hörður Óli Guðmundsson.

Gleðilega hvítasunnuhátíð!

Barnamenningardagur var haldinn í Skálholti 10. maí! Fjölskyldumessa, fornleifaskóli barnanna, langspilsvinnusmiðja og leiðsögn um Skálholtsstað með Úlfi og Eddu!