English with Mrs.Khawla Naji

جمعة مباركة 🌸

ماشاء الله حتى يوم الجمعة قاعد التسجيل مستمر في كورس المعلمات 🥰

ونعلمكم انه حيقعد التسجيل مفتوح ليوم غداً السبت ⏳ ومن بعده حنبدو الكورس 😍📚
استعداداً لنقطة بداية لكل المشتركات في مشوارهم العملي 🥰

المعلم الممتاز مش الشاطر فالجانب الاكاديمي بس، المعلم الممتاز هو اللي يكون شاطر فالجانب التربوي مع الطلبة، في مواقف ماتستحقش انك تكون شاطر ف قرايتك بش تحلها.
خاصةً في تعليم الأطفال، محتاجين نكونو أمهات واخوات قبل مانكونو معلمات، وهذا اللي يميز كل خريجين كليات التربية 😍 أغلبهم ولو مش كلهم تبارك الله بصمتهم واضحة واسمهم يلمع في المحيط العلمي

حب الطلبة للمعلم مايقتصرش على انه يقري كويس، الطلبة يحبو المعلم اللي يسهل عليهم الدرس، يحبو اللي يعطيهم افكار حلوة، يحبو اللي يخليهم يتعلمو من غير مايحسو انهم دارو مجهود كبير 😍

وهذا اللي نهدفله في كورس المعلمين، نعطي فالجانب التربوي مع الاكاديمي 🥰

بفضل الله كل الاطفال اللي اشتركو معاي السنوات اللي فاتو مازالو معاي ولو بمكالمة مرة مرة، حتى فالطريق لو شفتهم اول شي يجو يسلمو ويقولو استاحشناك يا مس 🥰

انك تزرع حب في قلوب صغيرين ساهل، لكن انك تخليهم ماينسوكش هذا مش ساهل بكل 😍

هادو صور مجموعة بسيطة من صغاري فالكورسات 😍
أُمهات شاركونا بلُطفكم 🌸⭐️

الفيديو هذا صورته يوم كملت تصوير كل كورسات الاونلاين 😊 صورته وكُلّي تعب وارهاق بعد مايقارب شهر تصوير ، صوّرته وكُلّي امتنان لله على القدرة والصبر، وصوّرته وكُلّي سعادة ورضا بالنقطة اللي وصلتلها 🥰

الحمدلله دائماً وأبداً
ولله الفضل والمنّة أغلب المشتركات في كورس المعلمات المجموعات اللي فاتت منطلقين ف أعمالهم ويأدو فيها على أكمل وجه ⭐️
اكثر من 35 أُم اشتركت بش تقري صغارها
أكثر من 25 طالبة جامعية اشتركت بش تشتغل فالصيف
اكثر من 30 معلمة لغة انجليزية اشتركت لتطوير نفسها ولغتها وتهدف انها تحسن من عطاءها

مشتركات من كل مدن ليبيا
زليتن ، الزاوية، الجبل الاخضر، بنغازي، سرت، سبها، الجغبوب، صبراتة،الجفرة، غريان، مصراتة واكيد من طرابلس 😍✌🏻

الحمدلله ❤️

ونعلمكم مرة ثانية ان كورس المعلمات مازال التسجيل مفتوح فيه والبداية يوم 20/6/2026 بعون الله

ولأن هلبا هلبا أولياء أمور قاعدين يطالبو بتسجيل أطفالهم في جولي فونكس الأطفال اونلاين 📚✌🏻

قررنا الآتي 🥰

حيقعد التسجيل مفتوح لأقصى حد 18/6/2026

الاشتراك بدفع القيمة كاش او حوالة مصرفية وسيتم انضمامك فورياً للقناة 📚⭐️

5 أيام فقط ✌🏻📚
وينطلق كورس جولي فونكس للمعلمات

ومقاعد محدودة مازالت للتسجيل 👌🏻
للتذكير بمحتوى الكورس :
1- جولي فونكس بمستوياته التلاثة
2- محتوى جولي فونكس مع طرق التدريس المختلفة لمختلف الأعمار مع مراعات الفروق الفردية
3- الوسائل التعليمية التقليدية والحديثة لمختلف الأعمار
4- كيفية تنسيق الانشطة والاختبارات لكل مستوى مع مراعاة اختلاف الاعمار والفروقات الفردية
5- وسائل تعليمية مرئية مجانية لكل مشتركة

الدفع متوفر كاش او حوالة مصرفية
للاستفسار على خاص الصفحة او واتس اب الرقم 0910568281

الخاص فيه هلبا أسئلة ✌🏻
شن رايكم لو نديروهم في بوست سؤال وإجابة؟ 🤨⁉️

بناءاً على التعليقات يتم تجهيز البوست 📚💪🏻

اللهم بارك 🌸

ثاني مشتركة في كورس المعلمات تنطلق وتبدا رحلتها 😍😍😍
مبسوطة جداً بكل العلم والاساليب اللطيفة اللي قاعدة تنتشر ويتعلموها الاطفال ❤️📚

موفقة جداً الله ينفع بيك ويبارك فيك 🌸

أقل من 12 الساعة تفصلنا على انتهاء التسجيل في كورس جولي فونكس بداية افضل كورس لصغاركم 🥰

جولي فونكس اونلاين 📚

شن السبب اللي مايخليكش تسجليهم فيه؟

س/ المكان بعيد💔؟
ج/ لا، طبعاً لأن وفرناه نسخة اونلاين وتقدرو تشوفوه وين ماكنتو 😍

س/ ماعندهمش طرق دفع الا كاش🥲؟
ج/ لا، وفرنا الدفع حتى بالحوالة المصرفية، ولو تبي الدفع كاش وماتقدريش توصلي فينا متوفر مندوب🏍️ يجيك لعندك ويستلم القيمة ✌🏻

س/ موعد الحصة مش مناسبني🙃؟
ج/ لا بصراحة هكي هلبا، لأن المس وفرت الحصص مسجلة بش نشوفوها مع صغارنا ف اي وقت يناسبنا ونقدرو نعاودوها اكثر من مرة للمراجعة

س/ باهي ومادام الحصص مسجلة، كيف بتقيميهم🤨؟
ج/ اييييي حتى التقييم مانسيناش برنامجه، مدايرين حصة تفاعلية كل اسبوع للانشطة والتقييم 😍

الكورس يبدا غدوة لحقو معش مازال وقت 😍

س/ باهي استني شوية، مس خولة كيف نوصلو فيها؟
ج/ ساهلة، ابعتولها عالصفحة ، ولا على رقمها 0910568281
🥰✌🏻📚💪🏻