Sakura Sisters Japanese Language Centre

窓(まど)ガラスを流(なが)れる雨(あめ)のせいで、
မှန်ပြတင်းပေါက်ပေါ် စီးကျနေတဲ့ မိုးရေစက်တွေကြောင့်
外(そと)の景色(けしき)がぼやけて見える。
အပြင်က မြင်ကွင်းတွေက ဝါးတားတားကြီး ဖြစ်နေတယ်။
まるで、私(わたし)の記憶(きおく)の中(なか)の君(きみ)みたいに。
တစ်ကယ့်ကိုမှ ငါ့အမှတ်တရထဲက နင့်ပုံရိပ်တွေလိုမျိုးပေါ့။
あの頃(ころ)は、
အဲ့တုန်းကတော့
相合傘(あいあいがさ)で近(ちか)すぎるくらいの距離(きょり)だったのに、
ထီးတစ်ချောင်းတည်း အတူဆောင်းပြီး ပုခုံးချင်းထိလုနီးပါး ရင်ခုန်ခဲ့ရတဲ့ အကွာအဝေးမှာ ရှိခဲ့ကြတာ...
今(いま)は
အခုတော့လည်း
もう、ストーリーの足跡(あしあと)すらつかない他人(たにん)。
Story တောင် ဝင်မကြည့် (ခြေရာတောင် မချန်) တော့တဲ့ သူစိမ်းသက်သက်ကြီး ဖြစ်သွားခဲ့ပြီ။
雨(あめ)が洗(あら)い流(なが)してくれたらいいのに。
ဒီမိုးတွေက အကုန်လုံးကို ဆေးကြောပေးသွားရင် သိပ်ကောင်းမှာပဲ ....
君(きみ)の匂(にお)いも、優(やさ)しさも、全部(ぜんぶ)さぁ ...
နင့်ဆီကရတဲ့ အနံ့အသက်တွေ၊ နင့်ရဲ့ ကြင်နာမှုတွေ... အကုန်လုံးကိုပေါ့ဟာ...

(ဒါနဲ့နေပါဦး... အဲ့တုန်းက နင့်ဆီကရတဲ့အနံ့က ရေမချိုးလို့ ထွက်တဲ့အနံ့လား၊ ရေမွှေးနံ့လားတော့ အခုထိ သဲသဲကွဲကွဲ မသိသေးဘူး 笑 )

💡 စာသားထဲက စိတ်ဝင်စားစရာ ဂျပန်အသုံးအနှုန်းလေးများ
相合傘 (Aiaigasa): ထီးတစ်ချောင်းတည်းကို နှစ်ယောက်တူတူ ဆောင်းတာကို ခေါ်တာပါ။ ဂျပန်မှာတော့ ဒါဟာ ချစ်သူတွေ၊ ဒါမှမဟုတ် တစ်ယောက်ခွင့်ပြုချက်နဲ့ တစ်ယောက် အနီးကပ်ရှိနေတဲ့ အရမ်းရိုမန်တစ်ဆန်တဲ့ အခိုက်အတန့်ကို ကိုယ်စားပြုပါတယ်။

ストーリーの足跡 (Sutōrī no ashiato): တိုက်ရိုက်ပြန်ရင် "Story ရဲ့ ခြေရာ" လို အဓိပ္ပာယ်ရပြီး၊ တကယ်တော့ Instagram သိုမဟုတ် Facebook ရဲ့ "Story View List" ကို ဆိုလိုတာပါ။ Gen Z လူငယ်တွေကြားမှာ အသုံးများတဲ့ အသုံးအနှုန်းလေး ဖြစ်ပါတယ်။


#‌မိုးအေးအေးလေးနဲ့ဂျပန်လိုရည်းစားဟောင်းကိုလွမ်းကြမယ်

N3 Kanji Quiz - Part (3)

N3 ဖြေကြမယ့် ကျောင်းသား/သူလေးတို့အတွက် JLPT လဲနီးလာပြီဆိုတော့ Kanji Quiz လေးကို အပတ်စဉ် တင်ပေးသွားမယ်နော် 😍

ဒီ Card လေးတွေထဲက Kanji လေး ၅ လုံးကို comment မှာထပ်ပြီးဖြေကြည့်ခဲ့ကြပါဦးနော်

Part - (1) Link 👇🏻
https://www.facebook.com/share/p/18sNEaqb6E/

Part - (2) Link 👇🏻
https://www.facebook.com/share/p/1KsT1TXczk/

"အိမ်ထဲဝင်ရင် ဖိနပ်ချွတ်ရုံနဲ့ မပြီးသေးဘူး? ဂျပန်တွေ ဖိနပ်ချွတ်ရခြင်းရဲ့ တကယ့် အကြောင်းရင်း" 👀👟

ဂျပန်ဇာတ်ကားတွေ၊ အန်နီမေးတွေကြည့်ရင် ဂျပန်လူမျိုးတွေ အိမ်ထဲဝင်ခါနီး "Tadaima!" (ပြန်ရောက်ပါပြီ) လို့ အော်ပြီး Genkan (အိမ်ရှေ့ တံခါးဝ) မှာ ဖိနပ်လေးတွေ သေသပ်စွာ ချွတ်ခဲ့ကြတာကို အားလုံး မြင်ဖူးကြမှာပါနော်။ 😉
"အော်... သူတို့က သန့်ရှင်းရေး ကြိုက်လို့ နေမှာပေါ့" လို့ပဲ အလွယ်တွေးမိရင်တော့ သင် မှားသွားပါလိမ့်မယ်!
တကယ်တော့ ဂျပန်နိုင်ငံမှာ ဖိနပ်ချွတ်တဲ့ ယဉ်ကျေးမှုဟာ ကျန်းမာရေးနဲ့ သန့်ရှင်းရေးအပြင် "နက်ရှိုင်းတဲ့ ရှေးဟောင်း ယုံကြည်မှုတွေ" ပါ ရောနှောနေလို့ပါ။ ဘာတွေဖြစ်မလဲ ဆိုတာ အတူတူ ကြည့်လိုက်ရအောင်။ 👇

၁။ အိမ်ပြင်က "နိမိတ်ဆိုး" တွေ သယ်မလာဖို့ ⛩
ဂျပန်လူမျိုးတို့ရဲ့ ရိုးရာ Shinto (ရှင်တို) ဘာသာအယူအဆအရ "အိမ်" ဆိုတာ သန့်ရှင်းစင်ကြယ်တဲ့ နယ်မြေ ဖြစ်ပြီး၊ "အိမ်ပြင်" ဆိုတာကတော့ မသန့်ရှင်းတဲ့အရာတွေ၊ ရောဂါဘယတွေနဲ့ "နိမိတ်ဆိုး" (Kegare) တွေ ရှိတဲ့နေရာလို့ သတ်မှတ်ပါတယ်။
ဒါကြောင့် အပြင်က ပြန်လာတဲ့အခါ ဖိနပ်ကို ချွတ်လိုက်ခြင်းက အပြင်က ကပ်ပါလာနိုင်တဲ့ အညစ်အကြေးနဲ့ နိမိတ်ဆိုးတွေကို အိမ်ထဲကို သယ်မလာမိအောင် ဖြတ်တောက်လိုက်တဲ့ သဘောပဲ ဖြစ်ပါတယ်။

၂။ Tatami ဖျာတွေ ပျက်စီးမှာ စိုးလို့ 🌾
ဂျပန်ရိုးရာ အိမ်တွေမှာ ကြမ်းပြင်ကို ကောက်ရိုးနဲ့ ပြုလုပ်ထားတဲ့ "Tatami" (တာတာမီ) ဖျာတွေ ခင်းထားလေ့ ရှိပါတယ်။ ဒီဖျာတွေက အရမ်း နူးညံ့ပြီး လေဝင်လေထွက် ကောင်းသလို၊ အစိုဓာတ်ကိုလည်း ထိန်းပေးပါတယ်။ ဒါပေမဲ့ ဖိနပ်စီးပြီး နင်းရင်တော့ ချက်ချင်း စုတ်ပြတ် ပျက်စီးသွားနိုင်လို့ "ဖိနပ် လုံးဝ စီးခွင့်မရှိတဲ့ နေရာ" အဖြစ် သတ်မှတ်ထားတာပါ။

၃။ ကြမ်းပြင်ပေါ်မှာပဲ အိပ်၊ ကြမ်းပြင်ပေါ်မှာပဲ စားလို့ 🍱
ဂျပန်တွေက ရှေးကတည်းက ကြမ်းပြင်ပေါ်မှာပဲ အစားစားတယ် (Chabudai စားပွဲဝိုင်းတိုလေးတွေနဲ့)၊ ကြမ်းပြင်ပေါ်မှာပဲ Futon (မွေ့ရာ) ခင်းပြီး အိပ်ကြတာပါ။ ကြမ်းပြင်ဟာ ကျွန်တော်တို့ အိပ်ရာလိုမျိုး အမြဲ သန့်ရှင်းနေဖို့ လိုအပ်တဲ့အတွက် ဖိနပ်ချွတ်ရခြင်း ဖြစ်ပါတယ်။

💡 အိမ်တင်မကဘဲ ဘယ်နေရာတွေမှာပါ ဖိနပ်ချွတ်ရသေးလဲ?
ဂျပန်မှာ အိမ်တင်မဟုတ်ဘဲ အောက်ပါ နေရာတွေ ရောက်ရင်လည်း ဖိနပ် (သို့မဟုတ်) ခြေအိတ်တွေကို သတိထား ချွတ်ရပါမယ်။
စာသင်ကျောင်းများ
ကျောင်းပေါက်ဝမှာ သီးသန့် ဖိနပ်အကန့် (Uwabaki Locker) တွေ ရှိပြီး အပြင်စီးဖိနပ်ကို ချွတ်၊ ကျောင်းတွင်းစီး ဖိနပ်အပါး (Uwabaki) လေးတွေ ပြောင်းစီးရပါတယ်။

ရိုးရာ စားသောက်ဆိုင်များ (Izakaya/Ryokan)
ဖျာခင်းထားတဲ့ အခန်းတွေထဲ ဝင်ရင် ဖိနပ်ချွတ်ပြီး ဆိုင်ကပေးတဲ့ ဖိနပ် အိမ်တွင်းစီး သီးသန့် ပြောင်းစီးရလေ့ ရှိပါတယ်။

ဘုရားကျောင်းများနှင့် ပြတိုက်အချို့
သမိုင်းဝင် အဆောက်အအုံတွေရဲ့ ကြမ်းပြင်ကို ထိန်းသိမ်းဖို့အတွက် ဖိနပ်ချွတ်ပြီး ပလတ်စတစ်အိတ်ထဲ ထည့်သယ်သွားရတဲ့ နေရာမျိုးတွေ ရှိပါတယ်။

ဂျပန်အိမ်တွေမှာ "အိမ်သာ" ထဲ ဝင်ရင် သုံးဖို့ Toilet Slippers ဆိုပြီး သီးသန့် ဖိနပ် ရှိပါသေးတယ်။ အိမ်သာထဲက မသန့်ရှင်းမှုကို အိမ်ခန်းထဲ ပြန်မသယ်လာအောင် ခွဲခြားထားတာပါ။ (သတိမထားမိဘဲ အဲ့ဒီ အိမ်သာစီး ဖိနပ်ကြီး စီးပြီး ဧည့်ခန်းထဲ ပြန်ထွက်လာရင်တော့ အိမ်ရှင်က လန့်သွားလိမ့်မယ်နော် 🤣)

ကဲ... ဂျပန်ရဲ့ စည်းကမ်းသေဝပ်မှုနောက်ကွယ်က ဒီလို စိတ်ဝင်စားဖို့ကောင်းတဲ့ ယဉ်ကျေးမှုကို သူငယ်ချင်းတွေ သိအောင် Share ပေးလိုက်ပါဦးနော်။ 🇯🇵✨

📢 အသိပေးကြေညာချက်

မနက်ဖြန် လှည်းတန်းရုံးခွဲ ကို နေ့တစ်ဝက်ပိတ်ထားမည်ဖြစ်ပါသည်။

🕐 နေ့လည် ၁:၀၀ နာရီမှစ၍ ပုံမှန်အတိုင်း ပြန်လည်ဖွင့်လှစ်၍ ဝန်ဆောင်မှုများ ဆက်လက်ဆောင်ရွက်ပေးသွားမည် ဖြစ်ပါသည်။

အဆင်မပြေမှုများအတွက် နားလည်ပေးကြပါရန် မေတ္တာရပ်ခံအပ်ပါသည်။

ကျေးဇူးတင်ရှိပါသည်။ 🌸