Sisyphus A.K

Амьдралыг утга учраас нь илүү хайрла. Учир нь жаргал үргэлж чамтай хамт алхахгүй, амжилт үргэлж чиний хаалгыг тогшихгүй.

Бид амьдралынхаа ихэнх хугацааг “нэг өдөр” гэдэг үгийн араас хөөцөлдөж өнгөрөөдөг байжээ. Нэг өдөр илүү их мөнгөтэй болохоороо жаргалтай болно. Нэг өдөр бүх асуудал шийдэгдэхээр амарна. Нэг өдөр хүссэн газраа хүрэхээрээ амьдрал эхэлнэ гэж өөртөө хэлдэг.

Гэвч тэр “нэг өдөр”-ийг хүлээх зуур өнөөдрийн инээд, өнөөдрийн нар, хайртай хүмүүсийн дэргэд байх энгийн мөчүүд чимээгүйхэн өнгөрсөөр байдаг. Амьдралын утга учир ч бас заавал агуу хариулттай байх албагүй бололтой.

Хорвоо биднээс “чи хэдэн удаа бусдаас илүү байсан бэ?” гэж асуухгүй байх.

Хүн чинь тэгээд давруу шүү дээ. Сайн хандахаар сул дорой гэж бодно. Эелдэг хандахаар өөрөөсөө доор гэж эндүүрнэ. Туслахаар үүрэг мэт хүлээж аваад, нэг өдөр туслахаа болиход нь гомдоллоно. Өгснийг чинь санахгүй мөртлөө өгөөгүйг чинь тоолж сууна. Үнэн үг хэлсэн хүнийг дайсан мэт үзэж, худал сайхан үг хэлсэн нэгэнд амархан итгэнэ.

Хамт байх тусам бид илүү дотно болж, нэгнээ ойлгож, заримдаа зэмлэж, ихэнхдээ урам өгнө. Амьдралын жижигхэн зүйлсийг ч хайрлаж сурна. Өглөөний цайны үнэр, үүдэнд үлдсэн гутлын мөр, оройн намуун яриа, нүдний харцан дахь итгэл. Түүний гар миний гарт байхад, би дэлхий дээрх хамгийн тайван хүн байхсан.

𝐒𝐄𝐑𝐔

Хүн болгонд сайхан хандана гэж бодож явсан чинь, зарим нь тэр сайханд чинь сууж аваад, дээрээс нь алхах гээд сурчихсан байдаг юм билээ. “Сайн байна” гэх тусам тэд “өөр юу авч болох вэ?” гэж бодож эхэлдэг. Уучилдаг болгонд дахиад л уучлуулах арга хайдаг. Зөөлөн занд нь нуугдаж, өөрийнх нь бурууг хүртэл хүлээлгэх гэж оролддог.

Амьдрал надад нэг үнэнийг зааж өгсөн. Юу ч мөнх биш. Хүмүүс өөрчлөгдөнө. Замууд сална. Зарим нь буцаж ирэхгүйгээр холдоно. Нэг л өдөр бид бүгдээрээ урт аяллынхаа төгсгөлд ирнэ. Тэр үед хичнээн их мөнгө олсон, хичнээн өндөрт хүрснээ биш, харин хэнийг хайрласан, хэн биднийг хайрласан, ямар мөр үлдээж чадсанаа л дурсах байх.

SERU

Хүмүүст сайхан харагдах гэж бус, өөртөө тайван амьдрах гэж л хичээж яваа. Хувцаслалт, үг яриа, инээмсэглэл, шийдвэр бүр минь "хэн нэгний сэтгэлд нийцэх үү?" гэхээс илүү "өөрийгөө гомдоохгүй байна уу?" гэж асуусан хариу.

Өнөөдөр зарим нь гэр бүлийг түрээсийн байр шиг үздэг болж. Хэцүү санагдвал гарчихдаг, өөр сонголт таалагдвал солиод явчихдаг. Энэ бүхэн тоглоом биш, харин амьдрал, хүний сэтгэл, ирээдүйн хувь заяа. Хүндлэлгүй, хариуцлагагүйгээр бий болсон харилцаа хэзээ ч удаан тогтдоггүй.