Healing Through Ruqya & Hijama

ގައިގައި ނުފިލާ ހުންނަ ތަދުތަކަށް ކުރެވިދާނެ ރުޤުޔާއެއް

މިއީ ވަރަށް މުހިންމު އަދި އެހާމެ ފުން ފިލާވަޅެއް އެކުލެވޭ ޢިބްރަތުން ފުރިގެންވާ ތެދު ބަސްފުޅެކެވެ. އިމާމް އިބްނު ޢުޘައިމީން (ރަޙިމަހުއްﷲ) މި ބަޔާންކޮށްދެއްވަނީ ޙަސަދަވެރިވުމުގެ ނުބައިކަން ހަމައެކަނި އިންސާނުންގެ މެދުގައި އޮންނަ ހިތްނުބައިކަމަކުން ނުނިމޭކަމެވެ. އޭގެ ބަދަލުގައި، އެއީ ސީދާ ﷲ ތަޢާލާގެ ނިންމެވުމާއި އެކަލާނގެ މިންވަރުފުޅަށް އިއުތިރާޟުކުރުން ކަމެވެ.

މި ބަސްފުޅުން ލިބޭ މުހިންމު އިރުޝާދުތައް:

1. ޤަދަރަށް ރުހުމަކީ އިމާންކަމުގެ ބައެއްކަން
• ޙަސަދަވެރިޔާ ނުރުހުންވަނީ ﷲ މީހަކަށް ދެއްވި ނިޢުމަތަކަށެވެ.
• އެހެންކަމުން، އޭނާ އެ ނުރުހެނީ ސީދާ ﷲ ތަޢާލާގެ ބެއްސެވުމާއި މިންވަރުފުޅަށެވެ.

2. ނިޢުމަތްތަކަކީ އިމްތިޙާނެއް
• މުދާ، އަނބިދަރިން، އަދި ޢިލްމަކީ ﷲ އިރާދަކުރެއްވި އަޅަކަށް ދެއްވާ ތަކެއްޗެވެ.
• އަނެކާއަށް ލިބޭ ކާމިޔާބީއަށް ހިތްހަމަނުޖެހުން ފާޅުކުރުމަކީ ﷲ ގެ ޙިކުމަތްވަންތަކަމާ މެދު ސުވާލުއުފެއްދުމެވެ.

3. ހިތް ސާފުކުރުމުގެ މުހިންމުކަން
• މުއުމިނެއްގެ ސިފައަކީ އަނެކާއަށް ލިބޭ ކޮންމެ ނިޢުމަތަކަށް ﷲ އަށް ހަމްދުކޮށް ޝުކުރުވެރިވުމެވެ.
• ތިމާއަށް އެފަދަ ނިޢުމަތެއް ބޭނުންނަމަ، ޙަސަދަވެރިވުމުގެ ބަދަލުގައި ﷲ ގެ ފަޟްލުވަންތަކަމުން ދެއްވުމަށް އެދި ދުޢާކުރުމެވެ.

އަނގަތެރެ ފާރުވެ ނުވަތަ އަނގަތެރޭގައި ފޮޅުނަގާނަމަ ކުރެވިދާނެ ރުޤްޔާއެއް.

ޕެލްޕިޓޭޝަން އަކީ ނަފްސާނީ އަދި ޖިސްމާނީ ބައްޔަކުން ވެސް ދިމާވެދާނެ ކަމެއް. ނަމަވެސް އެސްފީނާ، ހަސަދަ ނުވަތަ ސިޙުރުގެ ސަބަބުންވެސް މިކަން ދިމާވޭ. މިފަދަ ކަމެއް ދިމާވާނަމަ ރޫޙާނީ ގޮތުން އެއްވެސް ބައްޔެއް ހުރިތޯ ބަލާލުމަކީ ވަރަށް ބޮޑަށް އެދެވިގެންވާ ކަމެއް.

އާދަޔާ ޚިލާފަށް ގެސްޓްރިކް ވޭތަ؟ މިފަރުވާއިން ތިކަމަށް ހައްލު ލިބިދާނެ. އިންޝާﷲ.

އެއްވެސް މެޑިކަލް ސަބަބެއް ނެތި، ނިދާ ހޭލެވޭއިރު، ނުވަތަ ފާޚާނާއަށް ވަދެ ނިކުންނައިރު، ގައިގެ އެކި ތަންތަނުގައި ވަކި އަޅާފައި ހުރުން ނުވަތަ ގައިގެ އެކި ތަންތަން ރަތްވެފައި ހުރުމަކީ ޖިންނި ހަށިގަނޑަށް އެކި ގޮތްގޮތުން ބީހި ގެއްލުންދޭ ކަމުގެ ޢަލާމާތެއް.

މިފަދައިން ތަކުރާރުކޮށް ދިމާވާނަމަ ޝަރުޢީ ރުޤްޔާގެ އެހީގައި ރޫޙާނީ އެއްވެސް ބައްޔެއް ހުރިތޯ ދެނެގަތުމަކީ ވަރަށް މުހިއްމު ކަމެއް. ސިޙުރުން ނުވަތަ ޙަސަދައިގެ ސަބަބުން ނުވަތަ ޖިންނި އަކަށް ގޯނާކުރެވިގެންވެސް މިގޮތަށް ދިމާވެދާނެ.

ކިޑްނީގައި އުފެދޭ ހިލަ ބޭހަކާނުލާ ނައްތާލެވިދާނެ އިންޝާﷲ

ބޯފެނަށް ތިރީގައިވާ ރުޤްޔާ ކިޔަވާށެވެ.

- ސަލަވާތް
- ސޫރަތުލް ފާތުޙާ
- އާޔަތުލް ކުރުސި
- ސޫރަތުލް ޝަރަޙް ( އަލަމް ނަޝްރަޙް )
- ސޫރަތުލް އިޚްލާސް
- ސޫރަތުލް ފަލަޤް
- ސޫރަތުއް ނާސް

މި ރުޤްޔާ އޮނަހިރި އަދަދަކަށް ( 7 ނުވަތަ 21 ) ފަހަރު ކިޔަވާށެވެ. އެޔަށްފަހު އާއްމުކޮށް މި ފެނުން ބުއިމަށް ބޭނުންކުރާށެވެ. އިންޝާﷲ ހިލަ ކުދިވެ ބޭރުވެގެންދާނެއެވެ.

ބަރާއު ބިން ޢާޒިބު ރަޟިޔަﷲ ޢަންހު ރިވާކުރެއްވިއެވެ. ރަސޫލާ ﷺ ޙަދީޘްކުރެއްވިއެވެ:

"ހަމަކަށަވަރުން މި ދުވަހު (ޢީދު ދުވަހު) ތިމަންބޭކަލުން އެންމެ ފުރަތަމަ ފަށާނެ ކަމަކީ (ޢީދު) ނަމާދު ކުރުމެވެ. އެއަށްފަހު އެނބުރި ގޮސް (އުޟުޙިޔާ) ކަތިލުމެވެ. އެގޮތަށް ކަންތައް ކޮށްފިމީހާ، ތިމަންކަލޭގެފާނުގެ ސުންނަތާ އެއްގޮތަށް ޢަމަލުކޮށްފިއެވެ. އަދި ނަމާދުގެ ކުރިން ކަތިލައިފި މީހާ (ދަންނާށެވެ!) އެއީ އޭނާގެ އަހުލުވެރިންނަށް އަވަސްކޮށްލި މަހެކެވެ. އޭގެން އަޅުކަމުގެ އެއްވެސް ބައެއް ނުވެއެވެ." (ޞަޙީޙް ބުޚާރީ: 5545 / ޞަޙީޙް މުސްލިމް: 1961)