DepEd Belvedere Elementary School

𝗔𝗟𝗦 𝗚𝗥𝗔𝗗𝗨𝗔𝗧𝗜𝗢𝗡 𝗗𝗔𝗬 𝟮𝟬𝟮𝟲 ✨

Isang taos-pusong pagbati sa ating mga nagsipagtapos sa Belvedere Elementary School—Alternative Learning System (ALS)!

Ngayong araw ay ating ipinagdiriwang ang tagumpay ng ating 40 ALS learners na matagumpay na nakatapos ng kanilang pag-aaral—10 Elementary ALS Graduates at 30 Junior High School ALS Graduates. Ang kanilang pagtatapos ay bunga ng pagsisikap, tiyaga, determinasyon, at hindi pagsuko sa kabila ng mga hamon sa buhay.

Lubos nating pinasasalamatan ang ating panauhing pandangal, 𝗠𝗮𝘆𝗼𝗿 𝗟𝘂𝗶𝘀 “𝗝𝗼𝗻-𝗝𝗼𝗻” 𝗔. 𝗙𝗲𝗿𝗿𝗲𝗿 𝗜𝗩, sa kanyang pagbibigay-inspirasyon at suporta sa mga mag-aaral ng ALS. Gayundin, ang taos-pusong pasasalamat sa ating mahusay na ALS Teacher, 𝗚. 𝗠𝗮𝘁𝗿𝗼𝗻𝗶𝗹𝗹𝗼 𝗠. 𝗖𝗮𝗿𝗽𝗶𝗼 at sa ating Punongg**o III, 𝗚. 𝗝𝗼𝗻𝗮𝘁𝗵𝗮𝗻 𝗘. 𝗙𝘂𝗲𝗻𝘀𝗮𝗹𝗶𝗱𝗮, sa kanilang walang sawang paggabay at pagsuporta upang maabot ng ating mga mag-aaral ang mahalagang tagumpay na ito.

Nawa’y magsilbi itong panibagong simula tungo sa mas mataas pang mga pangarap at oportunidad. Patuloy na mangarap, magsikap, at magtagumpay.

Mabuhay ang Batch 2026 ALS Graduates! 🎉

PAALALA | 𝗦𝗔𝗙𝗘𝗧𝗬 𝗔𝗡𝗗 𝗦𝗘𝗖𝗨𝗥𝗜𝗧𝗬 𝗖𝗛𝗘𝗖𝗞𝗦

Bilang bahagi ng ating patuloy na pagsisikap na mapanatili ang isang ligtas, maayos, at positibong kapaligiran sa pagkatuto, ang Belvedere Elementary School ay magsasagawa ng Safety and Security Checks sa mga mag-aaral at iba pang pumapasok sa paaralan.

Layunin ng gawaing ito na higit pang mapangalagaan ang kapakanan ng bawat Batang Belvederean, maiwasan ang pagdadala ng mga ipinagbabawal o mapanganib na bagay, at mapanatili ang kaayusan, disiplina, at seguridad sa loob ng paaralan.

Ang mga pagsusuring ito ay isasagawa nang may paggalang sa dignidad, karapatan, at kapakanan ng bawat mag-aaral, alinsunod sa DepEd Order No. 006, s. 2026 (Guidelines on Ensuring a Safe and Motivating Learning Environment).

Sa pamamagitan ng pagtutulungan ng paaralan, mga magulang, at mga mag-aaral, sama-sama nating maisusulong ang isang kapaligirang ligtas, malinis, maayos, at positibo para sa lahat.

PRESS RELEASE

𝟮𝟬𝟮𝟲–𝟮𝟬𝟮𝟳 𝗥𝗘𝗚𝗜𝗢𝗡𝗔𝗟 𝗙𝗘𝗗𝗘𝗥𝗔𝗧𝗘𝗗 𝗦𝗘𝗟𝗚 𝗘𝗟𝗘𝗖𝗧𝗜𝗢𝗡

June 22, 2026—Isang karangalan para sa Belvedere Elementary School ang paglahok ni 𝗝𝗮𝗰𝗼𝗯 𝗝𝗵𝘂𝗻 𝗠𝗮𝗿𝗰𝗲𝗹 𝗘. 𝗕𝗲𝗹𝗶𝗻𝗮𝗿𝗶𝗼, Division Federated SELG President ng SDO General Trias City, sa isinagawang 2026–2027 Regional Federated SELG Election ng CALABARZON na ginanap sa Rizal Province ngayong araw. Siya ay ginabayan ng Division Youth Formation Coordinator na si 𝗠𝗮'𝗮𝗺 𝗥𝗲𝗻𝗰𝗶𝗲 𝗢. 𝗠𝗮𝗷𝗶𝗹𝗹𝗼.

Sa kanyang matatag na paninindigan, husay sa pamumuno, at taos-pusong paglilingkod sa kapwa mag-aaral, matagumpay niyang naipakita ang kakayahan ng Bataang Belvederean sa antas rehiyon. Bilang pagkilala sa kanyang dedikasyon at potensyal bilang lider, siya ay napabilang bilang 𝗕𝗼𝗮𝗿𝗱 𝗠𝗲𝗺𝗯𝗲𝗿 𝗻𝗴 𝗥𝗲𝗴𝗶𝗼𝗻𝗮𝗹 𝗙𝗲𝗱𝗲𝗿𝗮𝘁𝗲𝗱 𝗦𝗘𝗟𝗚 para sa S.Y. 2026–2027.

Ang tagumpay na ito ay sumasalamin sa kanyang malasakit, determinasyon, at hangaring maging boses ng mga mag-aaral sa mas mataas na antas ng pamumuno. Nawa’y magsilbi siyang inspirasyon sa kapwa kabataan na patuloy na mangarap, mamuno, at maglingkod nang may integridad at kahusayan.

Buong pagmamalaking binabati ng Belvedere Elementary School Family si Jacob sa panibagong yugto ng kanyang paglalakbay bilang isang natatanging lider.

SELG Adviser: 𝗠𝗮𝗿𝗹𝗼𝗻 𝗔. 𝗚𝗼𝗻𝘇𝗮𝗹𝗲𝘀
School Head: 𝗝𝗼𝗻𝗮𝘁𝗵𝗮𝗻 𝗘. 𝗙𝘂𝗲𝗻𝘀𝗮𝗹𝗶𝗱𝗮
PSDS: 𝗗𝗿. 𝗗𝗼𝗻𝗮𝗵 𝗝𝗲𝗮𝗻 𝗦. 𝗦𝗮𝗹𝗲𝘀

𝗕𝗘𝗟𝗩𝗘𝗗𝗘𝗥𝗘 𝗘𝗦 𝗖𝗢𝗡𝗗𝗨𝗖𝗧𝗦 𝗙𝗟𝗔𝗚 𝗥𝗔𝗜𝗦𝗜𝗡𝗚 𝗖𝗘𝗥𝗘𝗠𝗢𝗡𝗬

June 22, 2026—Nagkaisa ang mga mag-aaral, g**o, at kawani ng Belvedere Elementary School sa isinagawang Flag Raising Ceremony bilang pagsisimula ng panibagong linggo ng pagkatuto at paglilingkod.

Ang gawaing ito ay nagsilbing pagkakataon upang muling pagtibayin ang pagmamahal sa bayan, disiplina, at pagpapahalagang gumagabay sa bawat Batang Belvederean sa kanilang pang-araw-araw na gawain. Sa pamamagitan ng sama-samang pakikilahok, naipakita ng buong komunidad ng paaralan ang kanilang pagkakaisa at dedikasyon sa pagtataguyod ng isang ligtas, maayos, at makabuluhang kapaligiran para sa pagkatuto.

Maraming salamat sa ating masisipag na mga Officers ng SELG, YES-O, at BSP sa pangunguna sa gawaing ito sa paggabay ni G. Marlon A. Gonzales (Sir M).

📷 𝗟𝗲𝗵𝗰𝗶𝗺 𝗠𝗶𝗼𝗹𝗶𝗻𝗼𝗿 𝗖. 𝗠𝗮𝗻𝗶𝗻𝗴𝗼
SELG Protocol Officer / Photojournalist

BASAHIN | 𝗕𝗜𝗕𝗟𝗘 𝗩𝗘𝗥𝗦𝗘 𝗢𝗙 𝗧𝗛𝗘 𝗪𝗘𝗘𝗞
📅𝗝𝘂𝗻𝗲 𝟮𝟮-𝟮𝟲, 𝟮𝟬𝟮𝟲

𝗣𝗿𝗼𝗷𝗲𝗰𝘁 𝗩.𝗘.𝗥.𝗦.𝗘 | 𝗩alue the word of God by 𝗘mbracing, 𝗥eflecting, and 𝗦haring His teachings to 𝗘nrich our Love of others.

𝗣𝗵𝗶𝗹𝗶𝗽𝗽𝗶𝗮𝗻𝘀 𝟮:𝟭𝟰
“Do everything without complaining.”

𝗣𝗔𝗟𝗜𝗪𝗔𝗡𝗔𝗚 | Itinuturo sa atin ng talatang ito na gawin ang ating mga gawain nang may mabuting kalooban at walang reklamo. Bilang mga mag-aaral, maaari natin itong isabuhay sa pamamagitan ng pagsunod sa mga alituntunin ng paaralan, paggawa ng ating mga takdang-aralin, at pagtulong sa iba nang masaya at kusang-loob. Kapag iniiwasan natin ang pagrereklamo at pinipili nating maging positibo, naipapakita natin ang pagiging mabuti, masunurin, at mapagpasalamat. Sa ganitong paraan, nagiging mabuting halimbawa tayo sa ating kapwa at nagbibigay-lugod sa Diyos.

✍️𝗔𝗻𝗴𝗲𝗹𝗶𝗻𝗮 𝗖𝗮𝗿𝗹𝗶𝗲 𝗕𝗲𝗹𝗹𝗲 𝗔. 𝗕𝗮𝗹𝗮𝘁𝗶𝗰𝗼, 𝗦𝗘𝗟𝗚 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁

SELG Adviser: 𝗠𝗮𝗿𝗹𝗼𝗻 𝗔. 𝗚𝗼𝗻𝘇𝗮𝗹𝗲𝘀 (Sir M)
School Head: 𝗝𝗼𝗻𝗮𝘁𝗵𝗮𝗻 𝗘. 𝗙𝘂𝗲𝗻𝘀𝗮𝗹𝗶𝗱𝗮
PSDS: 𝗗𝗿. 𝗗𝗼𝗻𝗮𝗵 𝗝𝗲𝗮𝗻 𝗦. 𝗦𝗮𝗹𝗲𝘀

𝗕𝗘𝗟𝗩𝗘𝗗𝗘𝗥𝗘 𝗘𝗟𝗘𝗠𝗘𝗡𝗧𝗔𝗥𝗬 𝗦𝗖𝗛𝗢𝗢𝗟 𝗠𝗨𝗟𝗧𝗜𝗣𝗨𝗥𝗣𝗢𝗦𝗘 𝗛𝗔𝗟𝗟 𝗥𝗘𝗡𝗢𝗩𝗔𝗧𝗜𝗢𝗡

Isang malaking hakbang tungo sa mas ligtas, maayos, at komportableng kapaligiran para sa ating mga Batang Belvedereans at buong komunidad ng Belvedere Elementary School ang matagumpay na pagsasaayos ng ating Multipurpose Hall.

Taos-puso pong nagpapasalamat ang pamunuan ng paaralan sa pangunguna ng ating Punongg**o III, 𝗚. 𝗝𝗼𝗻𝗮𝘁𝗵𝗮𝗻 𝗘. 𝗙𝘂𝗲𝗻𝘀𝗮𝗹𝗶𝗱𝗮, sa ating masisipag na 𝗦𝗣𝗧𝗔 𝗢𝗳𝗳𝗶𝗰𝗲𝗿𝘀 𝗦.𝗬. 𝟮𝟬𝟮𝟱–𝟮𝟬𝟮𝟲 sa pamumuno ng ating SPTA President, Kagawad ng Barangay, at Chairperson ng Komite sa Edukasyon, 𝗞𝗴𝗴. 𝗘𝗿𝗹𝗶𝘇𝗮 “𝗔𝘁𝗲 𝗟𝗶𝘇𝗮” 𝗘. 𝗔𝗹𝗮𝗿𝗰𝗼𝗻, gayundin sa lahat ng mga magulang at tagapag-alaga na naging bahagi ng proyektong ito.

Lubos din po ang aming pasasalamat sa Barangay Council ng Pasong Kawayan II sa pamumuno ni 𝗞𝗮𝗽𝗶𝘁𝗮𝗻 𝗠𝗮𝗿𝗶𝗼 𝗖. 𝗔𝗺𝗮𝗻𝘁𝗲 sa kanilang walang sawang suporta at pagbibigay ng pondo upang maisakatuparan ang proyektong ito.

Ang inyong malasakit, pagkakaisa, at pakikiisa ay patunay na sa pamamagitan ng pagtutulungan, mas marami pa tayong magagawang makabuluhang pagbabago para sa ating paaralan at sa kinabukasan ng ating mga mag-aaral.

Maraming salamat sa inyong dedikasyon at patuloy na pagsuporta sa pagpapaunlad ng edukasyon at kapakanan ng bawat Batang Belvederean!

PAANYAYA | 𝗖𝗟𝗜𝗘𝗡𝗧 𝗦𝗔𝗧𝗜𝗦𝗙𝗔𝗖𝗧𝗜𝗢𝗡 𝗠𝗘𝗔𝗦𝗨𝗥𝗘𝗠𝗘𝗡𝗧 (𝗖𝗦𝗠)

Mahalaga po sa amin ang inyong opinyon at karanasan sa mga serbisyong ibinibigay ng Belvedere Elementary School. Inaanyayahan po namin ang lahat ng mga magulang, mag-aaral, at iba pang kliyente ng paaralan na maglaan ng ilang minuto upang sagutan ang aming Client Satisfaction Measurement (CSM) lalo na sa tuwing kayo ay may transaksyon sa paaralan.

Sa pamamagitan ng inyong tapat na puna at mungkahi, mas mapapabuti pa natin ang kalidad ng serbisyo at programang hatid ng paaralan para sa ating mga Belvederean.

📱 I-scan lamang ang QR Code upang makilahok o i-click ang link na ito https://tinyurl.com/BelvedereESCSM

Ang inyong boses ay mahalaga. Makinig tayo, makiisa, at sama-samang umunlad.