The UPLB Pre-Law Society Official

𝗣𝗮𝗴𝗴𝘂𝗻𝗶𝘁𝗮 𝘀𝗮 𝗶𝗸𝗮-𝟭𝟮𝟴 𝗻𝗮 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗔𝗿𝗮𝘄 𝗻𝗴 𝗞𝗮𝗹𝗮𝘆𝗮𝗮𝗻

Tuwing ika-12 ng Hunyo, taon-taon na nagiging masigla ang buong Pilipinas sa mga masisiglang pagdiriwang habang ginugunita ng mga Pilipino ang Araw ng Kalayaan. Ang pambansang okasyong ito ang nagmamarka ng anibersaryo ng pagpapahayag ng kalayaan ng bansa mula sa pananakop ng mga Espanyol noong 1898. Ngunit higit pa sa mga pagdiriwang, ang araw na ito ay isang malalim na paalala ng mayaman na kasaysayan, dibersong kultura, at matatag na samahan ng bansa. Sa panahon ngayon, tunay pa rin nga ba nating natatamasang mga Pilipino ang kasarinlan sa pang-araw-araw nating pamumuhay?

Ang pakikibaka para sa kalayaan ng Pilipinas ay naging mahaba at mahirap. Noong ika-12 ng Hunyo, 1898, ipinahayag ni Heneral Emilio Aguinaldo ang kalayaan ng Pilipinas mula sa pananakop ng mga Espanyol sa Kawit, Cavite. Doon iwinagayway ang watawat ng Pilipinas at unang narinig ang pagtugtog ng pambansang awit. Sa kasamaang palad, naging panandalian lamang ang kalayaang ito dahil sa sumunod na pananakop ng mga Amerikano. Gayunpaman, ang petsang ito ay nananatiling isang mahalagang yugto sa kasaysayan ng Pilipinas.

Sa kasalukuyang panahon, ang hamon ng Araw ng Kalayaan ay nag-iiba ng anyo. Hindi na lamang ito tungkol sa paglaya mula sa mga dayuhang mananakop, kundi maging sa pagharap sa mga panloob na isyung patuloy na sumusubok sa ating panlipunang kasunduan at demokratikong kalagayan. Sa gitna ng mabilis na pagbabago sa ating socio-political landscape—kabilang ang panlilinlang na nagmamanipula sa atensyon ng publiko, kawalan ng pananagutan sa mga institusyon, at ang unti-unting paglimot sa mga katutubong halaga tulad ng tunay na respeto sa kapwa at karapatang pantao. Tayo ay patuloy na hinahamon na magbantay at manindigan para sa katotohanan.

Sa pagdiriwang ng Araw ng Kalayaan ng Pilipinas, ang The UPLB Pre-Law Society ay naniniwalang hindi lamang ito paggunita sa pampulitikang kalayaan; ito rin ay isang pagdiriwang ng kultura at pagkakakilanlang Pilipino. Kasama sa mga pagdiriwang ang mga parada, paputok, at mga pagtatanghal na nagtatampok sa tradisyonal na musika, sayaw, at kasuotang Pilipino. Naniniwala kami na panahon din ito para parangalan ng mga Pilipino ang kanilang pamana at ipasa ang mga kwento ng kanilang mga ninuno sa mga susunod na henerasyon.




ᴍɢᴀ sᴀɴɢɢᴜɴɪᴀɴ:

Araw ng kasarinlan. (n.d.). CulturEd: Philippine Cultural Education Online. from https://philippineculturaleducation.com.ph/araw-ng.../

Fajutag, J. (2024, June 12). Philippine Independence Day: Freedom, culture, and language. Globalization Partners International. https://www.globalizationpartners.com/.../philippine.../

Its a wrap! 📝✨

As the academic year comes to a close, The UPLB Pre-Law Society proudly recognizes our Resident Associates for their achievements during the second semester of AY 2025-2026.🥳🎉

Despite the challenges that came with the semester, this stands as a reflection of your dedication and this milestone deserves to be celebrated. 🎊

May you continue striving for excellence and remain grounded in pursuing your goals. Padayon, future Attorneys! ⚖️

Veritas Omnia Vincit, Fiat Justitia.

𝗛𝗶𝗻𝗱𝗶 𝗸𝗿𝗶𝗺𝗲𝗻 𝗮𝗻𝗴 𝗺𝗮𝗴𝗺𝗮𝗵𝗮𝗹. 𝗛𝗶𝗻𝗱𝗶 𝗸𝗮𝘀𝗮𝗹𝗮𝗻𝗮𝗻 𝗮𝗻𝗴 𝗺𝗮𝗴𝗶𝗻𝗴 𝘁𝗼𝘁𝗼𝗼 𝘀𝗮 𝘀𝗮𝗿𝗶𝗹𝗶. 🏳️‍🌈

Marami pa rin sa bansa ang kailangang magtago, manahimik, at magtiis upang tanggapin dahil sila ay parte ng LGBTQIA+ community. Sa loob ng tahanan kung saan dapat ligtas, may ilan na itinatakwil. Sa paaralan kung saan dapat nahuhubog ang pangarap, may ilan na tinutukso at pinapatahimik. Sa mga lugar ng trabaho, may mga napagkakaitan ng oportunidad dahil lamang sa kanilang identidad.

Sa kabila ng malinaw na prinsipyo ng pagkakapantay-pantay na itinataguyod ng ating Saligang Batas, nananatiling laganap ang diskriminasyon laban sa LGBTQIA+ na madalas nararanasan sa paaralan, sa lugar ng trabaho, sa serbisyong pangkalusugan, at maging sa loob ng sariling tahanan. Ang kawalan ng sapat na proteksiyong legal at malinaw na polisiya ay naglalagay sa marami sa alanganin, tahimik na nagtitiis sa pang-aabuso, pangungutya, at pagkitil sa kanilang mga oportunidad.

Hindi hiwalay ang usapin ng SOGIE sa mas malawak na laban para sa karapatang pantao at katarungang panlipunan. Ang lipunang pumipili kung sino lamang ang karapat-dapat igalang ay lipunang may depekto sapagkat ang karapatan ay hindi premyo, kundi likás na dapat matamasa ng bawat isa.

Ang Pride Month ay hindi lamang tungkol sa makukulay na parada o simbolikong pagwagayway ng watawat. Ito ay pagkilala sa bawat Pilipinong bumoboses at nagsusulong sa mas inklusibong lipunan. Lipunang hindi namimili kung sino ang karapat-dapat igalang, at hindi nagtatakda ng hangganan sa karapatan batay sa identidad.Ito ay buwan ng paninindigan para sa mga patuloy na nagmamahal kahit paulit-ulit na sinasabihang mali sila.

Gayundin, ang usapin ng SOGIE at pagkakapantay-pantay ay hindi espesyal na pribilehiyo. Ito ay simpleng pag-amin na ang bawat Pilipino—anumang kasarian, identidad, o ekspresyon—ay may karapatang mabuhay nang may dignidad, respeto, at proteksyon sa ilalim ng batas.

Hindi natin kailangang maunawaan ang bawat karanasan upang igalang ang bawat tao. Ang kailangan lamang ay pagkilala na ang karapatan ay hindi dapat pinagdedebatehan bagkus ito ay iginagalang.

Kaisa ang the UPLB Pre-Law Society sa paninindigan para sa isang Pilipinas na tunay na kumikilala at nagtatanggol sa karapatan ng lahat. Manindigan tayo para sa isang Pilipinas na hindi lamang mapagmahal sa salita, kundi makatarungan sa gawa. Isang bansang walang kailangang magtago upang mabuhay. Sapagkat ang tunay na dangal ng bayan ay nasusukat sa kung paano nito pinapangalagaan ang mga nasa laylayan.





ᴍɢᴀ sᴀɴɢɢᴜɴɪᴀɴ:

Commission on Human Rights of the Philippines. (2023, June 15). CHR backs passage of ‘long overdue’ SOGIESC bill. Philstar.com. https://www.philstar.com/headlines/2023/06/15/2274104/chr-backs-passage-long-overdue-sogiesc-bill
Commission on Human Rights of the Philippines. (2025, June 6). CHR urges Congress to prioritize SOGIESC and anti-discrimination bills during Pride Month. Diskurso PH. https://www.diskurso.ph/en/news/2025/06/06/chr-urges-congress-to-prioritize-sogiesc-anti-discrimination-bills
House Bill No. 134, 18th Congress, Republic of the Philippines (2019). An act prohibiting discrimination on the basis of sexual orientation, gender identity or expression (SOGIE) and providing penalties therefor. Legislative Reference Bureau (Philippines). https://ldr.senate.gov.ph/bills/house-bill-no-134-18th-congress-republic
Lopez, V. (2025, June 30). Southern Tagalog Pride march condemns 25th year without SOGIE equality law. Rappler. https://www.rappler.com/philippines/luzon/southern-tagalog-pride-march-condemns-25-years-no-sogie-equality-law/

🌊✨ 𝘼𝙣𝙙 𝙟𝙪𝙨𝙩 𝙡𝙞𝙠𝙚 𝙩𝙝𝙖𝙩… 𝙬𝙚 𝙨𝙖𝙞𝙡𝙚𝙙 𝙩𝙝𝙧𝙤𝙪𝙜𝙝 𝙖𝙣𝙤𝙩𝙝𝙚𝙧 𝙪𝙣𝙛𝙤𝙧𝙜𝙚𝙩𝙩𝙖𝙗𝙡𝙚 𝙘𝙝𝙖𝙥𝙩𝙚𝙧. ✨🌊

Last May 9, the organization came together to celebrate its 5𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆: 𝗡𝗮𝘃𝗶𝗴𝗮𝘁𝗶𝗻𝗴 𝗛𝗮𝗹𝗳 𝗮 𝗗𝗲𝗰𝗮𝗱𝗲 𝗔𝗰𝗿𝗼𝘀𝘀 𝘁𝗵𝗲 𝗪𝗮𝘃𝗲𝘀 🐚, a night that brought to shore our first 𝘈𝘭𝘶𝘮𝘯𝘪 𝘏𝘰𝘮𝘦𝘤𝘰𝘮𝘪𝘯𝘨 and annual 𝘗𝘓𝘚𝘪𝘬𝘩𝘢𝘺𝘢𝘯 𝘈𝘸𝘢𝘳𝘥𝘪𝘯𝘨. From familiar faces and stories shared once again to moments of recognition, laughter, and reconnection, 🌺 the night became a celebration of the people and memories that shaped our five years together. 💙

Thank you for sailing back with us ⛵ and making this milestone one we’ll carry long after the tides settle.

As we close this chapter and set course for new horizons 🌅, we carry with us the laughter, stories, and reminders that no matter how far we go, there will always be a shore to return to.

𝘜𝘯𝘵𝘪𝘭 𝘵𝘩𝘦 𝘯𝘦𝘹𝘵 𝘵𝘪𝘥𝘦, 𝘴𝘦𝘦 𝘺𝘰𝘶 𝘢𝘨𝘢𝘪𝘯.💙✨

𝗕𝗨𝗟𝗪𝗔𝗚𝗔𝗡 𝗡𝗚 𝗕𝗔𝗧𝗔𝗦 𝗢 𝗣𝗘𝗥𝗬𝗔 𝗡𝗚 𝗠𝗚𝗔 𝗠𝗔𝗞𝗔𝗣𝗔𝗡𝗚𝗬𝗔𝗥𝗜𝗛𝗔𝗡?

Sa mga nagdaang araw, mistulang ginawang sirko ang Senado—hindi para pag-usapan ang hinaing ng mamamayan, kundi upang magtanghal ng drama, sigawan, at garapalang pagtatanggol ng mga kaalyado. Nang lumabas ang usapin ukol sa 𝙬𝙖𝙧𝙧𝙖𝙣𝙩 𝙤𝙛 𝙖𝙧𝙧𝙚𝙨𝙩 𝙡𝙖𝙗𝙖𝙣 𝙠𝙖𝙮 𝙎𝙚𝙣. 𝙍𝙤𝙣𝙖𝙡𝙙 “𝘽𝙖𝙩𝙤” 𝙙𝙚𝙡𝙖 𝙍𝙤𝙨𝙖 kaugnay ng imbestigasyon ng International Criminal Court (ICC), biglang umugong ang galit, drama, at pagpapakitang-tao sa Senado na tila ang tunay na biktima rito ay ang mga nasa poder at kaalyado nila.

Maanghang ang pagbibitaw ni Sen. Bato ng mga pahayag sa nakaraang plenaryo, ngunit mas malakas ang tanong ng mamamayan: 𝙗𝙖𝙠𝙞𝙩 𝙠𝙖𝙞𝙡𝙖𝙣𝙜𝙖𝙣𝙜 𝙝𝙖𝙣𝙖𝙥𝙞𝙣 𝙖𝙣𝙜 𝙞𝙨𝙖𝙣𝙜 𝙨𝙚𝙣𝙖𝙙𝙤𝙧 𝙣𝙖 𝙝𝙞𝙣𝙙𝙞 𝙥𝙪𝙢𝙖𝙥𝙖𝙨𝙤𝙠 𝙜𝙖𝙮𝙤𝙣𝙜 𝙩𝙪𝙣𝙜𝙠𝙪𝙡𝙞𝙣 𝙣𝙞𝙮𝙖𝙣𝙜 𝙢𝙖𝙜𝙨𝙞𝙡𝙗𝙞 𝙖𝙩 𝙢𝙪𝙡𝙖 𝙨𝙖 𝙗𝙪𝙬𝙞𝙨 𝙣𝙜 𝙩𝙖𝙪𝙢𝙗𝙖𝙮𝙖𝙣 𝙣𝙖𝙣𝙜𝙜𝙖𝙜𝙖𝙡𝙞𝙣𝙜 𝙖𝙣𝙜 𝙠𝙖𝙣𝙞𝙮𝙖𝙣𝙜 𝙨𝙖𝙝𝙤𝙙? Higit sa lahat, bakit tila mas matindi ang pagprotekta ng Senado sa isang opisyal na iniimbestigahan kaysa sa patuloy na panawagan ng hustisya para sa libu-libong inosenteng buhay na nawala sa madugong drug war?

Nasaan ang parehong urgency noong may mga anak na umuuwi nang bangkay ang mga magulang? Nasaan ang galit ng Senado noong sunud-sunod ang extrajudicial killings? Nasaan ang tapang nilang ipaglaban ang karapatang pantao ng ordinaryong Pilipino?

Nakatatakot isipin na ang mga taong gumagawa ng batas ay tila takot na takot sa pananagutan sa ilalim ng korte.

At habang lumalala ang tensyon sa loob mismo ng Senado—na nauwi pa sa karahasan at putukan—lalong lumilinaw kung gaano kabulok ang kulturang politikal na pinapayagan nating manaig. Ang Senado ay hindi entablado para sa ego, sigawan, pagbabanta, at pagpapakitang makapangyarihan. Ito ay institusyong dapat nagsisilbi sa mamamayan sa pamamagitan ng paggawa ng batas na tunay na tumutugon sa hinaing ng sambayanan, pagpapanagot sa mga opisyal na lumalabag sa tiwala ng bayan, at paninindigan para sa katotohanan at hustiya sa lahat ng matuturingang may sala. 𝗔𝗻𝗴 𝗦𝗲𝗻𝗮𝗱𝗼 𝗱𝗮𝗽𝗮𝘁 𝗮𝘆 𝘀𝗲𝗿𝗯𝗶𝘀𝘆𝗼𝗻𝗴 𝗽𝘂𝗯𝗹𝗶𝗸𝗼 𝗮𝘁 𝗵𝗶𝗻𝗱𝗶 𝗸𝗮𝗻𝗹𝘂𝗻𝗴𝗮𝗻 𝗻𝗴 𝗺𝗴𝗮 𝗸𝗼𝗿𝗮𝗽 𝗮𝘁 𝗮𝗯𝘂𝘀𝗮𝗱𝗼𝗻𝗴 𝗽𝘂𝗹𝗶𝘁𝗶𝗸𝗼.

Bilang isang pre-law organization, naninindigan kami na ang hustisya ay hindi dapat eksklusibo lamang para sa makapangyarihan. Ang batas ay hindi dapat ginagamit bilang panangga ng mga nasa puwestohabang patuloy na ipinagkakait sa ordinaryong mamamayan ang katotohanan at pananagutan.

Labis na kahihiyan ang ipinapakita ng pamahalaan sa sambayanang Pilipino sapagkat malinaw na hindi ordinaryong mamamayan ang kanilang ipinaglalaban, kundi ang kapakanan ng kanilang mga sarili at ng kanilang mga kaalyado. Sa halip na tugunan ang panawagan para sa hustisya, mas inuuna pa ang pagligtas sa mga makapangyarihang sangkot sa malawakang paglabag sa karapatang pantao.

Ang ICC ay hindi dapat binabalewala o ginagawang katawa-tawa ng mga opisyal ng gobyerno. Ang usapin ng warrant of arrest laban kay Sen. Ronald “Bato” dela Rosa kaugnay ng kaniyang umano’y papel bilang accomplice sa madugong kampanya ni dating Pangulong Rodrigo Duterte ay seryosong usaping legal at moral na nangangailangan ng pananagutan, at hindi pagtatanggol. May legal na batayan ang hurisdiksyon ng ICC sapagkat saklaw pa rin ng imbestigasyon nito ang mga krimeng naganap noong panahong kasapi pa ang Pilipinas sa Rome Statute, lalo na ang mga alegasyon ng crimes against humanity kaugnay ng malawakang extrajudicial killings sa ilalim ng war on drugs. Ang pananagutan sa ilalim ng internasyonal na batas ay hindi nawawala dahil lamang sa paghawak ng posisyon o kapangyarihan.

Kung tunay na walang kasalanan, bakit takot sa imbestigasyon? Kung tunay na para sa bayan, bakit tila mas handang ipaglaban ang mga nasa kapangyarihan kaysa sa mga pamilyang nawalan ng mahal sa buhay?

𝗔𝗻𝗴 𝗵𝘂𝘀𝘁𝗶𝘀𝘆𝗮 𝗮𝘆 𝗵𝗶𝗻𝗱𝗶 𝗱𝗮𝗽𝗮𝘁 𝗽𝗶𝗻𝗶𝗽𝗶𝗹𝗶. 𝗔𝘁 𝗮𝗻𝗴 𝗯𝗮𝘁𝗮𝘀 𝗮𝘆 𝗵𝗶𝗻𝗱𝗶 𝗱𝗮𝗽𝗮𝘁 𝗹𝘂𝗺𝘂𝗹𝘂𝗵𝗼𝗱 𝘀𝗮 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻.

Sa nalalapit na USC-CSC Elections, buong pagkakaisa at paninindigang ipinapahayag ng The UPLB Pre-Law Society ang aming suporta kay Justin Tulalian—isang lider-estudyanteng naniniwala na ang tunay na pamumuno ay nakaugat sa hustisya, pananagutan, at paglilingkod sa mamamayan.

Bilang isang organisasyong humuhubog ng mga iskolar na nagnanais gamitin ang batas bilang kasangkapan para sa makatao at makamasang paglilingkod, naninindigan ang UPLB Pre-Law Society sa kahalagahan ng pagkakaroon ng mga lider na handang magsulong ng tama, makinig sa hinaing ng estudyante, at kumilos para sa kapakanan ng nakararami. Sa iba’t ibang pagkakataon, ipinakita ni Justin ang kaniyang kakayahang mamuno nang may integridad, malasakit, at malinaw na pagpapahalaga sa katarungan at karapatan ng bawat isa.

Naniniwala ang aming organisasyon sa ang konsehong tunay na naglilingkod ay binubuo ng mga lider na may prinsipyo, may malasakit sa bayan, at hindi natatakot manindigan para sa kung ano ang makatarungan. Sa panahong higit na kailangan ang mga kinatawang may malasakit at tunay na koneksyon sa masa, buo ang aming tiwala na magiging makabuluhan ang pamumuno ni Justin para sa sangkaestudyantehan.

Kaya naman, hinihikayat namin ang buong komunidad na maging mapanuri, makilahok, at gamitin ang kanilang boto para sa mga kandidatong may tunay na layuning maglingkod at magsulong ng hustisya para sa lahat. Bumoto, at magpaboto!

𝗔𝗻𝗴 𝗠𝗮𝗹𝗮𝘆𝗮𝗻𝗴 𝗣𝗿𝗲𝘀𝘀 𝗮𝘆 𝗛𝗮𝗹𝗶𝗴𝗶 𝗻𝗴 𝗞𝗮𝘁𝗮𝗿𝘂𝗻𝗴𝗮𝗻: 𝗡𝗮𝗻𝗶𝗻𝗶𝗻𝗱𝗶𝗴𝗮𝗻 𝗔𝗻𝗴 𝗧𝗵𝗲 𝗨𝗣𝗟𝗕 𝗣𝗿𝗲-𝗟𝗮𝘄 𝗦𝗼𝗰𝗶𝗲𝘁𝘆 𝗣𝗮𝗿𝗮 𝘀𝗮 𝗞𝗮𝗹𝗮𝘆𝗮𝗮𝗻 𝗻𝗴 𝗣𝗮𝗺𝗮𝗺𝗮𝗵𝗮𝘆𝗮𝗴

Ang kalayaan sa panunuri ang puso ng pamamahayag. Sa gitna ng krisis at banta, tungkulin ng midya na maging boses ng katotohanan at hindi manahimik sa harap ng intimidasyon. 𝗧𝘂𝘄𝗶𝗻𝗴 𝗶𝗸𝗮-𝟯 𝗻𝗴 𝗠𝗮𝘆𝗼, 𝗴𝗶𝗻𝘂𝗴𝘂𝗻𝗶𝘁𝗮 𝗻𝗮𝘁𝗶𝗻 𝗮𝗻𝗴 𝗪𝗼𝗿𝗹𝗱 𝗣𝗿𝗲𝘀𝘀 𝗙𝗿𝗲𝗲𝗱𝗼𝗺 𝗗𝗮𝘆 𝘂𝗽𝗮𝗻𝗴 𝗶𝘁𝗮𝗮𝘀 𝗮𝗻𝗴 𝗲𝘁𝗶𝗸𝗮 𝗻𝗴 𝗽𝗿𝗼𝗽𝗲𝘀𝘆𝗼𝗻 𝗮𝘁 𝗸𝗶𝗹𝗮𝗹𝗮𝗻𝗶𝗻 𝗮𝗻𝗴 𝗺𝗴𝗮 𝗺𝗮𝗺𝗮𝗺𝗮𝗵𝗮𝘆𝗮𝗴 𝗻𝗮 𝗻𝗮𝗴𝗯𝘂𝘄𝗶𝘀 𝗻𝗴 𝗯𝘂𝗵𝗮𝘆 𝗽𝗮𝗿𝗮 𝘀𝗮 𝗺𝗮𝗹𝗮𝘆𝗮𝗻𝗴 𝗱𝗮𝗹𝗼𝘆 𝗻𝗴 𝗶𝗺𝗽𝗼𝗿𝗺𝗮𝘀𝘆𝗼𝗻.

Mula sa "Legal Weaponization" gaya ng cyber libel at Anti-Terror Law, hanggang sa pag-block sa mga alternatibong midya gaya ng Bulatlat, patuloy ang sistematikong harassment upang patahimikin ang mga kritikal na boses. Ang mga atakeng ito ay hindi lamang ginagawa sa loob ng korte kundi pati sa marahas na panunupil, gaya ng pagpaslang kay Percy Lapid, na nagpapatunay sa matinding panganib na kinakaharap ng mga naglalakas-loob na magsiwalat ng katotohanan.

𝗟𝗮𝗹𝗼𝗻𝗴 𝗻𝗮𝗯𝗮𝗯𝗮𝗵𝗮𝗹𝗮 𝗮𝗻𝗴 𝗮𝘁𝗶𝗻𝗴 𝗵𝗮𝗻𝗮𝘆 𝘀𝗮 𝗹𝘂𝗺𝗮𝗹𝗮𝗹𝗮𝗻𝗴 𝗿𝗲𝗱-𝘁𝗮𝗴𝗴𝗶𝗻𝗴 𝘀𝗮 𝗺𝗴𝗮 𝗲𝘀𝘁𝘂𝗱𝘆𝗮𝗻𝘁𝗲 𝗮𝘁 𝗺𝗮𝗺𝗮𝗺𝗮𝗵𝗮𝘆𝗮𝗴 𝘀𝗮 𝗸𝗼𝗺𝘂𝗻𝗶𝗱𝗮𝗱, partikular na ang patuloy na detensyon ni Frenchie Mae Cumpio. Ang ganitong mga hakbang ay bahagi ng pag-aalinlangan na layuning lumikha ng pansawata sa pag-uulat ng katotohanan. 𝗔𝗻𝗴 𝗽𝗮𝗻𝘂𝗻𝘂𝗽𝗶𝗹 𝘀𝗮 𝗽𝗿𝗲𝘀𝘀 𝗮𝘆 𝗶𝘀𝗮𝗻𝗴 𝗺𝗲𝗸𝗮𝗻𝗶𝘀𝗺𝗼 𝗻𝗴 𝗸𝗮𝗽𝗮𝗻𝗴𝘆𝗮𝗿𝗶𝗵𝗮𝗻 𝘂𝗽𝗮𝗻𝗴 𝗶𝘁𝗮𝗴𝗼 𝗮𝗻𝗴 𝗺𝗴𝗮 𝘀𝗼𝘀𝘆𝗼-𝗲𝗸𝗼𝗻𝗼𝗺𝗶𝗸𝗼𝗻𝗴 𝗸𝗮𝘄𝗮𝗹𝗮𝗻 𝗻𝗴 𝗸𝗮𝘁𝗮𝗿𝘂𝗻𝗴𝗮𝗻 𝘀𝗮 𝗮𝘁𝗶𝗻𝗴 𝗹𝗶𝗽𝘂𝗻𝗮𝗻.

𝗦𝗮 𝗽𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗪𝗼𝗿𝗹𝗱 𝗣𝗿𝗲𝘀𝘀 𝗙𝗿𝗲𝗲𝗱𝗼𝗺 𝗗𝗮𝘆❟ 𝗻𝗮𝗸𝗶𝗸𝗶𝗶𝘀𝗮 𝗮𝗻𝗴 𝗧𝗵𝗲 𝗨𝗣𝗟𝗕 𝗣𝗿𝗲-𝗟𝗮𝘄 𝗦𝗼𝗰𝗶𝗲𝘁𝘆 𝘀𝗮 𝘀𝗮𝗺𝗯𝗮𝘆𝗮𝗻𝗮𝗻 𝘀𝗮 𝗽𝗮𝗴𝘁𝗮𝘁𝗮𝗻𝗴𝗴𝗼𝗹 𝘀𝗮 𝗺𝗮𝗹𝗮𝘆𝗮𝗻𝗴 𝗽𝗮𝗺𝗮𝗺𝗮𝗵𝗮𝘆𝗮𝗴 𝗯𝗶𝗹𝗮𝗻𝗴 𝗶𝘀𝗮 𝘀𝗮 𝗺𝗴𝗮 𝗽𝗶𝗻𝗮𝗸𝗮𝗺𝗮𝘁𝗶𝗯𝗮𝘆 𝗻𝗮 𝗵𝗮𝗹𝗶𝗴𝗶 𝗻𝗴 𝗱𝗲𝗺𝗼𝗸𝗿𝗮𝘀𝘆𝗮 𝗮𝘁 𝗸𝗮𝘁𝗮𝗿𝘂𝗻𝗴𝗮𝗻𝗴 𝗽𝗮𝗻𝗹𝗶𝗽𝘂𝗻𝗮𝗻. Ang pag-atake sa press ay direktang pag-atake sa karapatan ng bawat Pilipino na malaman ang katotohanan. Tiyakin nating ang pagsulat ay mananatiling malaya, mapanuri, at laging kumikiling sa interes ng mga inaapi at pinagsasamantalahan.





ᴍɢᴀ sᴀɴɢɢᴜɴɪᴀɴ:

Buenaluz, C. L. (2020, May 4). The power of a free press. UPLB Perspective. https://uplbperspective.wordpress.com/2020/05/05/the-power-of-a-free-press/

World press freedom day. (2012, May 2). CMFR. https://cmfr-phil.org/worldpressfreedomday/