UP Alliance of Students Unified for Sociology

In the relentless pursuit of knowledge, the UP ASUS undoubtedly defeated every hurdles and sleepless nights that came our way. Through grit, commitment, perseverance, and excellence, we have proven that hard work truly bears fruit.

𝙐𝙋 𝘼𝙎𝙐𝙎 𝙥𝙧𝙤𝙪𝙙𝙡𝙮 𝙥𝙧𝙚𝙨𝙚𝙣𝙩𝙨 𝙩𝙝𝙚 𝘼𝙘𝙖𝙙𝙚𝙢𝙞𝙘 𝘼𝙘𝙝𝙞𝙚𝙫𝙚𝙧𝙨 𝙛𝙤𝙧 𝙩𝙝𝙚 𝙎𝙚𝙘𝙤𝙣𝙙 𝙎𝙚𝙢𝙚𝙨𝙩𝙚𝙧 𝙤𝙛 𝘼𝙔 2025–2026! 💚🤍

Today, we celebrate not only your academic success but also the determination and resilience that brought you here. Your achievements inspire the entire organization to continue striving for excellence.

Continue pursuing excellence and reaching greater heights while serving the people. 𝙒𝙚 𝙖𝙧𝙚 𝙥𝙧𝙤𝙪𝙙 𝙤𝙛 𝙮𝙤𝙪! 🙌🏻

𝗔𝗡𝗚 𝗔𝗥𝗔𝗪 𝗡𝗚 𝗞𝗔𝗦𝗔𝗥𝗜𝗡𝗟𝗔𝗡 𝗔𝗬 𝗣𝗔𝗚-𝗔𝗟𝗔𝗟𝗔 𝗡𝗔 𝗜𝗣𝗔𝗚𝗣𝗔𝗧𝗨𝗟𝗢𝗬 𝗔𝗡𝗚 𝗟𝗔𝗕𝗔𝗡

Sa pagtingin sa kasalukuyang reyalidad ng ating bayan, maaari ba nating sabihin na tayo'y tunay na malaya?

Bukod sa mga tanikala ng mga dayuhang mananakop, nagkaroon na rin ng mga bagong anyo ang pang-aapi sa masang Pilipino. Mula sa estruktura ng lipunan hanggang sa mga institusyon na dapat naglilingkod sa ating mga karapatan, bakas ang pagkakagapos ng nakararami at paghahari ng iilan.

Mapanghamon ang katotohanan ng kalayaan, at ang panawagan nito ay isang matapang na pagharap sa kasalukuyan. Mula sa mga taniman at kabundukan hanggang sa mga kalsada ng lungsod, mataas pa rin ang mga harang. Upang makamit ang tunay na kalayaan, kinakailangan nating buong tapang na buwagin ang mga ito.

𝗟𝗨𝗠𝗔𝗬𝗔 𝗠𝗨𝗟𝗔 𝗦𝗔 𝗠𝗔𝗣𝗔𝗡𝗚-𝗔𝗣𝗜𝗡𝗚 𝗦𝗜𝗦𝗧𝗘𝗠𝗔
Hindi natatapos ang kolonyalismo sa paglisan ng mga banyaga, nagpapatuloy ito sa sistemang sumasakal sa mga sektor na siyang buhay ng bansa. Ang ating mga manggagawa ay nananatiling alipin ng sahod na hindi angkop sa halaga ng buhay, at pang-aabuso mula sa malalaking korporasyon. Sa kanayunan, dugo’t buhay ng mga katutubo ang nagiging kapalit ng pagtatanggol sa kanilang lupa laban sa pang-aagaw at militarisasyon. Samantala, sa West Philippine Sea, ang mga mangingisdang Pilipino ay pinagkakaitan ng karapatang pakinabangan ang sariling likas-yaman. Isang malaking insulto ang patuloy na pagyurak ng dayuhang kapangyarihan sa ating soberanya. Paano natin sasabihing malaya ang bayan kung ang mga nagpapakain at bumubuhay rito ang siyang pinagkakaitan ng karapatan?

𝗟𝗨𝗠𝗔𝗬𝗔 𝗦𝗔 𝗛𝗔𝗠𝗢𝗡 𝗡𝗚 𝗘𝗗𝗨𝗞𝗔𝗦𝗬𝗢𝗡
Ang kawalan ng katarungang pang-ekonomiko ay direktang sumasalamin sa loob ng mga silid-aralan. Ang sankaestudyantehan ay humaharap sa iba't ibang hamon gaya ng nagtataasang matrikula, matinding kakulangan sa pasilidad, at isang sistemang neoliberal na nagdidisenyo sa kanila upang maging lakas-paggawa lamang para sa ibang bansa. Tila nawala ang laya sa paghubog ng kritikal na pag-iisip at pagmamahal sa sariling bayan. Ginawang pribilehiyo ang pagkamit ng karunungan, habang milyun-milyon ang napipilitang huminto sa pag-aaral upang kumayod. Dahil sa mga hamong ito, ang edukasyong mapagpalaya ay naging isa pang pader na nagpapanatili sa marami sa ilalim ng kahirapan.

𝗟𝗨𝗠𝗔𝗬𝗔 𝗦𝗔 𝗗𝗜𝗦𝗞𝗥𝗜𝗠𝗜𝗡𝗔𝗦𝗬𝗢𝗡
Kasabay ng pagkakait sa karapatang matuto ay ang pagkakait sa karapatang maging totoo at magmahal nang malaya. Sa kabila ng mga pagbabago, marami pa ring miyembro ng LGBTQIA+ community ang nabubuhay sa takot at diskriminasyon. Itinakwil sa sariling tahanan, pinagkaitan ng disenteng trabaho, at naging biktima ng mararahas na krimen dahil lamang sa kanilang pagkakakilanlan. Sa gitna ng paniniil, matayog ang pangarap hindi lamang para sa simpleng pagtanggap, kundi para sa kalayaang mamuhay nang buo, magmahal nang walang kondisyon, at makilahok sa lipunan nang may pantay na proteksyon at walang bahid ng kahihiyan.

𝗟𝗨𝗠𝗔𝗬𝗔 𝗦𝗔 𝗞𝗢𝗥𝗔𝗣𝗦𝗬𝗢𝗡 𝗔𝗧 𝗣𝗔𝗦𝗜𝗦𝗠𝗢
Marahil, ang pinakamabigat na tanikala ay ang mismong kamay ng pamahalaan na dapat sana ay nagtatanggol sa mamamayang Pilipino. Mula sa nakaw na yaman at Martial Law sa ilalim ni Marcos Sr. hanggang sa kasalukuyang administrasyon ni Bongbong Marcos, nananatili ang pasakit na korapsyon. Ang tunggalian sa kapangyarihan ay lalo pang nabunyag sa kontrobersyal na confidential funds ni Sara Duterte, habang ang kanyang amang si Rodrigo Duterte ay nag-iwan ng madugong war on drugs na kumitil sa mahigit 20,000 Pilipino, isang pasismong patuloy na ipinagtatanggol ni Bato dela Rosa sa Senado.

​Idagdag pa ang mga manipulasyon at pagiging ganid sa kapangyarihan ni Alan Peter Cayetano, at ang pananatili sa pwesto ng mga may bahid ng korapsyon tulad ni Jinggoy Estrada, na siyang mga patunay na ang gobyerno ay ginagawang kasangkapan para sa kapritso ng iilan. Mula sa pinakamababang yunit ng barangay hanggang sa pinakamataas na luklukan, ang abuso sa kapangyarihan ay patuloy na tumatapak sa ating mga demokratikong karapatan.

Bagamat nakasulat na sa kalendaryo ang araw ng ating kasarinlan, ang kalayaan ay hindi natatapos sa pagmamarka ng isang petsa sa kasaysayan dahil ito ay isang nagpapatuloy at buhay na pakikipaglaban.

Hangga’t may manggagawang ninanakawan ng dangal sa barya-baryang sahod, hangga’t may katutubong pinapalayas sa kanilang lupang ninuno, at hangga't may mga Pilipinong pinatatahimik ng pasismo at diskriminasyon, walang dahilan upang hindi mag-alab ang mga lansangan. Tuloy ay panawagan na singilin ang mga naghaharing-uri, at lansagin ang mga pader na nagkukulong sa masa.

𝗜𝗣𝗔𝗚𝗟𝗔𝗕𝗔𝗡 𝗔𝗡𝗚 𝗞𝗔𝗟𝗔𝗬𝗔𝗔𝗡!
𝗜𝗣𝗔𝗚𝗟𝗔𝗕𝗔𝗡 𝗔𝗡𝗚 𝗠𝗚𝗔 𝗣𝗜𝗟𝗜𝗣𝗜𝗡𝗢!

𝗕𝗔𝗥𝗢𝗚, 𝗚𝗘𝗡𝗦𝗔𝗡!

Standing Together to Help General Santos City Recover.

The UP Mindanawans is calling for your support for the victims of the magnitude 7.8 earthquake that struck Mindanao on June 8, 2026. Every peso counts and will go a long way in helping affected individuals and families in General Santos City. 𝗔𝗹𝗹 𝗺𝗼𝗻𝗲𝘁𝗮𝗿𝘆 𝗱𝗼𝗻𝗮𝘁𝗶𝗼𝗻𝘀 𝗰𝗼𝗹𝗹𝗲𝗰𝘁𝗲𝗱 𝘄𝗶𝗹𝗹 𝗯𝗲 𝗳𝗼𝗿𝘄𝗮𝗿𝗱𝗲𝗱 𝘁𝗼 𝘁𝗵𝗲 𝗚𝗲𝗻𝗲𝗿𝗮𝗹 𝗦𝗮𝗻𝘁𝗼𝘀 𝗖𝗶𝘁𝘆 𝗝𝘂𝗻𝗶𝗼𝗿 𝗢𝗳𝗳𝗶𝗰𝗶𝗮𝗹𝘀 (𝗚𝗦𝗖𝗝𝗢) 𝘁𝗼 𝗲𝗻𝘀𝘂𝗿𝗲 𝗽𝗿𝗼𝗽𝗲𝗿 𝗰𝗼𝗼𝗿𝗱𝗶𝗻𝗮𝘁𝗶𝗼𝗻 𝗮𝗻𝗱 𝗱𝗶𝘀𝘁𝗿𝗶𝗯𝘂𝘁𝗶𝗼𝗻 𝗼𝗳 𝗮𝘀𝘀𝗶𝘀𝘁𝗮𝗻𝗰𝗲 𝘄𝗶𝘁𝗵𝗶𝗻 𝘁𝗵𝗲 𝗮𝗳𝗳𝗲𝗰𝘁𝗲𝗱 𝗰𝗼𝗺𝗺𝘂𝗻𝗶𝘁𝗶𝗲𝘀.

For monetary donations, you may scan the QR code provided.

For inquiries and coordination, you may contact our resident member, Zyan Bisnar, through Messenger at Zyan Lisbo Bisnar.

Together, let us extend our support and solidarity to our fellow Mindanawans in this time of need💙.

𝘚𝘢𝘣𝘢𝘺-𝘴𝘢𝘣𝘢𝘺 𝘮𝘶𝘣𝘢𝘳𝘰𝘨 𝘱𝘢𝘳𝘢 𝘴𝘢 𝘎𝘦𝘯𝘴𝘢𝘯🤝!

You may access the tracking of donations through this link:
https://docs.google.com/spreadsheets/d/1T8oPBO6r6APZgyWAGo6I1p3D2HWA381JKtMG8rx_GrQ/edit?usp=sharing

𝗞𝗨𝗦𝗢𝗚 𝗦𝗔 𝗞𝗔𝗧𝗔𝗪𝗛𝗔𝗡: 𝗧𝗔𝗕𝗔𝗡𝗚 𝗣𝗔𝗥𝗔 𝗦𝗔 𝗦𝗢𝗦𝗬𝗢-𝗗𝗔𝗗

The recent earthquake caused widespread devastation, deeply affecting the lives of students, families, and communities beyond the physical damage it left behind.

In partnership with other organizations and drives, the Sociology Students' Society extends its help through this fund-raising initiative to garner donations and support for those affected during these troubling times.

You may donate thru:
• GCash: 09166297803
• Paymaya: 09261713050
• Maribank: 16969002597
• In-kind Donations: Alyssa Glyn Gea Antenor
• Contact Person: Alyssa Glyn Gea Antenor

With every penny spent and every relief good delivered, rest assured that these efforts are meant to reach the people and communities who desperately need help right now.

During times like these, we stand for each other — reaching our hands through any means possible to those who need to be seen, heard, and supported.

Sabay-sabay tayong magsumikap upang makaahon sa mga pagsubok na ating hinaharap. Nawa’y magpatuloy tayong magbigay liwanag sa ating kapwa na may bukas na isip at puso.

As always, stay safe! 💛🙏

𝘼𝙩 𝙙𝙞𝙩𝙤 𝙣𝙖𝙜𝙩𝙖𝙩𝙖𝙥𝙤𝙨 𝙖𝙣𝙜 𝙖𝙩𝙞𝙣𝙜 𝙢𝙖𝙠𝙖𝙗𝙪𝙡𝙪𝙝𝙖𝙣𝙜 𝙥𝙖𝙜𝙩𝙖𝙝𝙖𝙠 ⛔

Bago tuluyang magsara ang kabanata ng TAHAK 2026, nais ng UP Alliance of Students Unified for Sociology ☘ na ipaabot ang taos-pusong pasasalamat sa lahat ng sponsors at organisasyong naging katuwang at bahagi ng gawaing ito.

Labis ang pasasalamat sa 𝙐𝙋 𝙋𝙝𝙤𝙩𝙤𝙜𝙧𝙖𝙥𝙝𝙚𝙧𝙨’ 𝙎𝙤𝙘𝙞𝙚𝙩𝙮, 𝙐𝙋𝙇𝘽 𝘿𝙚𝙥𝙖𝙧𝙩𝙢𝙚𝙣𝙩 𝙤𝙛 𝙎𝙤𝙘𝙞𝙖𝙡 𝙎𝙘𝙞𝙚𝙣𝙘𝙚𝙨, 𝙖𝙩 𝙎𝙬𝙚𝙚𝙩 𝙆𝙚𝙞𝙨𝙝 𝘾𝙖𝙛𝙚. Salamat sa inyong pakikiisa at pagtitiwala na naging daan upang maisakatuparan at mairaos ang isang matagumpay na UPLB Sociology Week.

Maaaring nagwakas na ang pagdiriwang, ngunit ang mga yapak na sama-sama nating iniwan ay habambuhay na mananatili. 👣

𝗔𝗡𝗚 𝗟𝗔𝗡𝗦𝗔𝗡𝗚𝗔𝗡 𝗔𝗬 𝗟𝗨𝗚𝗔𝗥 𝗡𝗚 𝗣𝗔𝗚𝗚𝗔𝗪𝗔!
𝗔𝗡𝗚 𝗟𝗔𝗡𝗦𝗔𝗡𝗚𝗔𝗡 𝗔𝗬 𝗟𝗨𝗚𝗔𝗥 𝗡𝗚 𝗣𝗔𝗞𝗜𝗞𝗜𝗕𝗔𝗞𝗔!

Ang Mayo Uno ay hindi lamang paggunita sa mga manggagawang nagbibigay-buhay sa malalaking makinarya at matatayog na gusali. Ito ay pagpupugay rin sa bawat pawis na dumidilig sa lansangan. Ang ilan sa mga mukha ng paggawa ay hindi naka-uniporme. Kadalasan, sila ay nakasuot ng kupas na kamiseta, bitbit ang mabibigat na basket, at lakas-loob na hinaharap ang tirik na araw.

Bukod sa mga sasakyan, sila ay nakikipagpatintero rin sa iba’t ibang hamon ng buhay.

Naroon si Nanay, 55 taong gulang at isang stroke patient. Ang kanyang pagtitinda ay hindi lamang simpleng hanapbuhay kundi isang araw-araw na pakikipag-agawan ng hininga sa karamdaman. Dito, ang bawat piraso ng kakanin ay katumbas ng gamot na nagsisilbing kanyang dugtong-buhay.

Hindi rin matatawaran ang sakripisyo ni Kuya na dalawampung taon nang binabaybay ang Calamba hanggang sa malalayong bayan ng Laguna, bitbit ang mga butil ng mais na pampaaral sa kanyang dalawang anak. Ngunit sa bawat pagtaas ng presyo ng langis, tila lumalayo ang distansya ng kanyang mga pangarap at unti-unting lumiliit ang kanyang ruta.

Kasabay nila si Tatay, na ang tinitindang melon juice ay timpla ng diskarte at dangal. Subalit sa pagpait ng presyo ng asukal, napipilitan siyang magbawas ng sangkap. Isa itong paalala na ang krisis sa ekonomiya ay hindi lamang numero sa balita kundi isang direktang dagok sa sikmura ng mga manggagawang pilit na bumabangon sa araw-araw.

Ang kanilang mga kuwento ay sumasalamin sa 𝗽𝗿𝗲𝗰𝗮𝗿𝗶𝘁𝘆 𝗻𝗴 𝗽𝗮𝗴𝗴𝗮𝘄𝗮 sa Pilipinas. Madaling maapektuhan ng pagtaas ng presyo ng bilihin, walang kasiguraduhan sa kita, at umaasa sa araw-araw na benta para magkalaman ang sikmura. Buhay na buhay ang ating mga lansangan dahil sa kanilang pagsusumikap habang sila mismo ay nananatiling nasa laylayan at pinagkakaitan ng mga batas na dapat ay nagsisilbi nilang proteksyon. Dulot ito ng sistematikong pagkalimot ng estado na bigyang-halaga ang impormal na sektor.

Kaya’t ngayong Mayo Uno, ang hamon sa atin ay hindi lamang ang lumingon kundi ang kumilos. Kilalanin natin ang mga tinig na matagal nang nalulunod sa ingay ng lipunan. Ipaglaban ang kanilang karapatan at itaguyod ang mga patakarang tunay na tutugon sa kanilang pangangailangan.

𝗚𝗮𝘄𝗶𝗻𝗴 𝗹𝘂𝗻𝘀𝗮𝗿𝗮𝗻 𝗻𝗴 𝗽𝗮𝗸𝗶𝗸𝗶𝗯𝗮𝗸𝗮 𝗮𝗻𝗴 𝗯𝗮𝘄𝗮𝘁 𝗹𝗮𝗻𝘀𝗮𝗻𝗴𝗮𝗻𝗴 𝗯𝗶𝗻𝗶𝗯𝗶𝗴𝘆𝗮𝗻𝗴-𝗯𝘂𝗵𝗮𝘆 𝗻𝗴 𝗮𝘁𝗶𝗻𝗴 𝗺𝗴𝗮 𝗺𝗮𝗻𝗴𝗴𝗮𝗴𝗮𝘄𝗮. Sapagkat ang tunay na lakas ng bayan ay hindi nagmumula sa kaitaasan ng mga gusali. Ito ay nagmumula sa mismong pawis at pag-asang iniaalay ng mga taong bumubuhay sa ating lipunan.

𝑵𝒂𝒊𝒔𝒖𝒍𝒂𝒕 𝒏𝒂 𝒂𝒏𝒈 𝒌𝒂𝒑𝒂𝒍𝒂𝒓𝒂𝒏!✍🏻

Ipinagmamalaki ng UP Alliance of Students Unified for Sociology ang mga natatanging manunula at manunulat ng kasalukuyan para sa PAGITAN: The Sociological Imagination Through Poetry. 📝

Nasasalamin sa mga tulang ito ang patuloy na umiiral na krisis at ang mga epekto nito hindi lamang sa iilan, kundi sa nakararami.

Ating bigyang-pagkilala ang mga nagwagi sa pagsulat ng tula:
🥇1st Place - Devoted Wheels ni James Paul Aquino
🥈2nd Place - Masusunog ang Habi ni John Kerbee de Leon
🥉3rd Place - Init ng Kasalukuyang Panahon ni Zimea Azores

Pagbati mula sa UP ASUS!❤️‍🔥

Endorsed by:
UPLB Department of Social Sciences

Co-presented by:
Sweet Keish

In cooperation with:
UP Photographers' Society

𝗬𝗔𝗣𝗔𝗞 𝗪𝗜𝗡𝗡𝗘𝗥𝗦 𝗥𝗘𝗩𝗘𝗔𝗟?!👀🤳🏻

Ang UP Alliance of Students Unified for Sociology ay malugod na ibinabahagi ang mga nagtagumpay sa pagyapak at pagpitik ng mga kasalukuyang danas para sa YAPAK: Capturing Marginalized Filipino Narratives in Crisis.👣📱

Ang mga larawan at istorya na ito ay hindi basta-basta lamang, ito ay tunay na nararanasan ng bawat mamamayang Pilipino. Ang mga ganitong klaseng naratibo ay mahalaga upang mas maging mulat tayo sa mga katotohanan sa ating lipunan. At isa itong paalala na ang krisis ngayon ay malaking isyu para sa sangkatauhan, ano man ang iyong katayuan sa buhay.

Kaya't ating kilalanin ang mga nasa likod ng mga nagtagumpay na larawan...🥁🥁🥁
🥇1st Place - Nasa Hukay na ang Buhay ni Maverick Guerrero
🥈2nd Place - Padyak ni Lance Lanceras
🥉3rd Place - Inda ng Huling Piyesa ni Donald Corona

Isang mainit na pagbati mula sa UP ASUS.🫡🎊

Endorsed by:
UPLB Department of Social Sciences

Co-presented by:
Sweet Keish

In cooperation with:
UP Photographers' Society

🚦𝙍𝙚𝙙 𝙡𝙞𝙜𝙝𝙩! 𝗡𝗮𝗿𝗶𝘁𝗼 𝗻𝗮 𝗮𝗻𝗴 𝗺𝗴𝗮 𝗻𝗮𝗴𝘄𝗮𝗴𝗶 𝘀𝗮 𝗦𝗜𝗥𝗜𝗕 2026

Matapos ang dikdikan ng mga kaalaman, ang UP ASUS ay nagagalak na ipakilala ang mga nagwagi sa SIRIB: The Battle of Soksay Wits 2026.🧠🪄

Ating kilalanin ang mga nagwagi:
🥇1st Place - Pangatlong Gulong
🥈2nd Place - Weltanschauung
🥉3rd Place - Raymundo Holdapers Club

Sa dulo ng pautakan na ito, ipinakita ng mga magagaling na Iskolar ng Bayan ang kanilang angking galing, at talas sa mga katanungang akademiko at kaganapang panlipunan.🫡

Pagbati mula sa UP ASUS!🎖️🙌🏻

Endorsed by:
UPLB Department of Social Sciences

Co-presented by:
Sweet Keish

In cooperation with:
UP Photographers' Society

𝗠𝗮𝘆 𝗽𝘂𝘀𝗼 𝗯𝗮 𝗮𝗻𝗴 𝘀𝗼𝘀𝘆𝗼𝗹𝗼𝗵𝗶𝘆𝗮? 𝗠𝗮𝘆 𝗱𝗶𝘄𝗮 𝗯𝗮 𝗮𝗻𝗴 𝗮𝗴𝗵𝗮𝗺 𝗽𝗮𝗻𝗹𝗶𝗽𝘂𝗻𝗮𝗻? 𝗔𝗻𝗼 𝗻𝗴𝗮 𝗯𝗮 𝗮𝗻𝗴 𝗮𝗻𝗮𝘁𝗼𝗺𝗶𝘆𝗮 𝗻𝗴 𝗶𝘀𝗮𝗻𝗴 𝗜𝘀𝗸𝗼𝗹𝗮𝗿 𝗻𝗴 𝗕𝗮𝘆𝗮𝗻?

Sa Pilipinas, matagal nang pilit na binabawian ng esensya ang agham panlipunan. Sa ilalim ng mapanlinlang na dikta ng pagiging praktikal, madalas itong itinuturing na pasanin o kursong walang patutunguhan. Sa tuwing may estudyanteng nais mag-aral ng social sciences, palaging ang tanong tungkol sa seguridad sa trabaho at kita ang isinasampal sa kanilang mukha. 𝙉𝙜𝙪𝙣𝙞𝙩 𝙨𝙖 𝙠𝙖𝙨𝙖𝙡𝙪𝙠𝙪𝙮𝙖𝙣𝙜 𝙚𝙨𝙩𝙖𝙙𝙤 𝙣𝙜 𝙗𝙖𝙣𝙨𝙖 𝙠𝙪𝙣𝙜 𝙨𝙖𝙖𝙣 𝙣𝙖𝙣𝙖𝙣𝙖𝙩𝙞𝙡𝙞 𝙩𝙖𝙮𝙤𝙣𝙜 𝙡𝙪𝙜𝙢𝙤𝙠 𝙨𝙖 𝙢𝙖𝙥𝙖𝙣𝙜-𝙖𝙥𝙞𝙣𝙜 𝙨𝙞𝙨𝙩𝙚𝙢𝙖, 𝙞𝙩𝙤 𝙣𝙖 𝙢𝙞𝙨𝙢𝙤 𝙖𝙣𝙜 𝙣𝙖𝙜𝙞𝙜𝙞𝙣𝙜 𝙩𝙪𝙬𝙞𝙧𝙖𝙣𝙜 𝙢𝙖𝙣𝙞𝙥𝙚𝙨𝙩𝙖𝙨𝙮𝙤𝙣 𝙠𝙪𝙣𝙜 𝙗𝙖𝙠𝙞𝙩 𝙠𝙖𝙞𝙡𝙖𝙣𝙜𝙖𝙣 𝙣𝙖𝙩𝙞𝙣 𝙖𝙣𝙜 𝙙𝙞𝙨𝙞𝙥𝙡𝙞𝙣𝙖. Hindi natin masisisi ang kabataan — ang mga iskolar ng bayan — kung bakit pinipili nilang tahakin ang landas na ito; hindi sapat ang intindihin lamang ang lipunan, kailangan itong baguhin.

Sa kabilang banda, ang maging Iskolar ng Bayan ay isa sa pinakamabigat na karangalang bitbit ng isang mag-aaral. Taon-taon, libo-libong mag-aaral ang dumadaan sa UPCAT upang kumapit sa katiting na pag-asang makatawid sa pintuan ng pamantasan, ngunit iilan lang ang pinapalad. Dahil dito, madalas na ikinukulong ang pagiging Iskolar ng Bayan sa sukat ng akademiko at indibidwal na katalinuhan. Ngunit ‘di dapat dito nagtatapos ang galing ng isang iskolar, sapagkat sa likod ng katalinuhan, may malalim na tungkulin. 𝙄𝙩𝙤 𝙖𝙮 𝙖𝙣𝙜 𝙥𝙖𝙜𝙨𝙪𝙨𝙪𝙢𝙞𝙠𝙖𝙥 𝙣𝙖 𝙞𝙥𝙖𝙜𝙡𝙖𝙗𝙖𝙣 𝙖𝙣𝙜 𝙠𝙖𝙩𝙖𝙧𝙪𝙣𝙜𝙖𝙣 𝙖𝙩 𝙢𝙖𝙜𝙨𝙚𝙧𝙗𝙞𝙨𝙮𝙤 𝙨𝙖 𝙢𝙖𝙨𝙖, 𝙞𝙨𝙖𝙣𝙜 𝙩𝙪𝙣𝙜𝙠𝙪𝙡𝙞𝙣 𝙣𝙖 𝙝𝙞𝙣𝙙𝙞 𝙙𝙖𝙥𝙖𝙩 𝙠𝙞𝙣𝙪𝙠𝙪𝙡𝙤𝙣𝙜 𝙨𝙖 𝙖𝙥𝙖𝙩 𝙣𝙖 𝙨𝙪𝙡𝙤𝙠 𝙣𝙜 𝙨𝙞𝙡𝙞𝙙-𝙖𝙧𝙖𝙡𝙖𝙣.

Ngunit paano nga ba lumalabas ang isang iskolar sa silid-aralan? Paano nagkakaroon ng laman ang mga tuyot na konsepto?

Ano ang gagawin ng mga magsasaka sa commodity fetishism ni Karl Marx? Masarap itong basahin — punong-puno ng mapangil na pananaw. Ngunit ito ay pasibong pagtahak sa kasalukuyan. Dinig lamang ang alingawngaw ng teorya sa mga lecture hall. Danas ang praktika ng masang anakpawis. Habang nagluluksa sa gilid ang teorya, tumitindig sa lansangan ang praktika.

Sa kanilang maikling engkwentro sa Jena, nasilayan ni Hegel ang weltgeist, ang diwa ng mundo, kay Napoleon — napagtanto ng isa sa mga mukha ng ideyalismo na ang gawa ng tao ang nagpapaandar ng kasaysayan, na hindi lamang ang mga ideya ang tunay na ugat ng pagbabago sa lipunan. Kung si Napoleon ang diwa ng mundo para kay Hegel, sina Alyssa at ang 18 pang nasawi sa Toboso ang diwa ng agham panlipunan — ang nagpapagalaw at nagbibigay balat sa kalansay ng teorya. Pinapatibok nila ang puso ng sosyolohiya.

Marahil binigyang buhay rin ni Alyssa sa dulo ang anatomiya ng isang iskolar ng bayan: 𝙪𝙩𝙖𝙠 𝙣𝙖 𝙠𝙧𝙞𝙩𝙞𝙠𝙖𝙡, 𝙗𝙖𝙡𝙖𝙩 𝙣𝙖 𝙢𝙖𝙥𝙖𝙜𝙢𝙖𝙝𝙖𝙡 𝙨𝙖 𝙩𝙞𝙧𝙞𝙠 𝙣𝙜 𝙖𝙧𝙖𝙬, 𝙖𝙩 𝙥𝙪𝙨𝙤𝙣𝙜 𝙥𝙞𝙣𝙖𝙥𝙖𝙩𝙞𝙗𝙤𝙠 𝙣𝙜 𝙖𝙩 𝙩𝙪𝙢𝙞𝙩𝙞𝙗𝙤𝙠 𝙥𝙖𝙧𝙖 𝙨𝙖 𝙢𝙖𝙨𝙖.

Kaya naman, hindi tayo mananahimik.

Ang panawagan ng UP Alliance of Students Unified for Sociology ay hustisya para kay Alyssa at sa lahat ng mga Iskolar ng Bayan na pinatahimik ng pasistang estado. Hindi kailanman magiging makatarungan ang pagkitil sa buhay ng mga nagnanais lamang ng mas makataong lipunan.

Ang mga komunidad na pinaglilingkuran ng mga iskolar at aktibista ay hindi lona ng digmaan kundi tahanan ng masang nagugutom at mga maralitang ninakawan ng karapatan. Kung karapatan ang kalayaang mag-aral at tuklasin ang mga teorya, bakit kamatayan ang nagiging kabayaran sa pagsasabuhay nito?

Nagkakamali ang estado kung akala nila’y matitiris nila ang ating diwa sa pagitan ng kanilang mga daliri. Maaaring mapatigil ng dahas ang tibok ng isang puso, subalit walang anumang porma ng panunupil ang makapaghihiwalay sa mga iskolar sa kanilang tunay na anatomiya. 𝘼𝙣𝙜 𝙗𝙖𝙬𝙖𝙩 𝙗𝙖𝙡𝙖 𝙖𝙮 𝙝𝙞𝙣𝙙𝙞 𝙩𝙪𝙡𝙙𝙤𝙠 𝙣𝙖 𝙩𝙪𝙢𝙖𝙩𝙖𝙥𝙤𝙨 𝙨𝙖 𝙖𝙩𝙞𝙣𝙜 𝙡𝙖𝙗𝙖𝙣, 𝙞𝙩𝙤 𝙖𝙮 𝙞𝙨𝙖𝙣𝙜 𝙢𝙖𝙙𝙪𝙜𝙤𝙣𝙜 𝙠𝙪𝙬𝙞𝙩 𝙣𝙖 𝙣𝙖𝙜𝙙𝙪𝙙𝙪𝙜𝙩𝙤𝙣𝙜 𝙨𝙖 𝙖𝙩𝙞𝙣 𝙨𝙖 𝙢𝙖𝙨 𝙢𝙖𝙡𝙖𝙬𝙖𝙠 𝙣𝙖 𝙥𝙖𝙠𝙞𝙠𝙞𝙗𝙖𝙠𝙖. Ang realidad ng gutom, ng pang-aapi, at ng pagsasamantala ay hindi nalilibing kasabay ng isang bangkay; ito ay lalong nabubuhay sa bawat iskolar ng bayan na inaalay ang kanilang sarili para sa tunay na kalayaan.