DAMLAY PUP Sta.Mesa

𝑾𝒂𝒍𝒂𝒏𝒈 𝑲𝒂𝒍𝒂𝒚𝒂𝒂𝒏 𝑲𝒖𝒏𝒈 𝑾𝒂𝒍𝒂𝒏𝒈 𝑷𝒊𝒏𝒂𝒈𝒍𝒂𝒃𝒂𝒏
‎
‎Ngayong araw, ating ginugunita ang Ika-128 Anibersaryo ng Opisyal at Pambansang Pagdiriwang ng Araw ng Kalayaan. Isang makasaysayang tagumpay na sumisimbolo sa katapangan, pagkakaisa, at walang humpay na pakikibaka ng mga Pilipinong tumindig para sa ating bayan.
‎
‎Kaugnay ng temang “𝐊𝐚𝐥𝐚𝐲𝐚𝐚𝐧. 𝐊𝐢𝐧𝐚𝐛𝐮𝐤𝐚𝐬𝐚𝐧. 𝐊𝐚𝐬𝐚𝐲𝐬𝐚𝐲𝐚𝐧.”, nawa’y magsilbing paalala ang pagdiriwang na ito na ang kalayaang ating tinatamasa ngayon ay bunga ng mga sakripisyo ng nakaraan. Dahil dito, tungkulin nating pahalagahan ang ating kasaysayan at gamitin ang mga aral nito sa paghubog ng isang mas maayos at makatarungang kinabukasan.
‎
‎Huwag hayaang manatili lamang sa mga pahina ng kasaysayan ang diwa ng kalayaan. Isabuhay natin ito sa ating mga paninindigan at pagmamalasakit sa bayan.
‎
‎Sapagkat ang tunay na diwa ng kalayaan ay hindi nagtatapos sa paggunita sa nakaraan, kundi nagpapatuloy sa bawat pagkilos na humuhubog sa ating kinabukasan.

𝗣𝗔𝗚𝗧𝗔𝗧𝗔𝗣𝗢𝗦 𝗡𝗚 𝗣𝗔𝗚𝗕𝗢𝗧𝗢, 𝗦𝗜𝗠𝗨𝗟𝗔 𝗡𝗚 𝗣𝗔𝗡𝗜𝗕𝗔𝗚𝗢𝗡𝗚 𝗬𝗨𝗚𝗧𝗢

Mula sa masusing pagsusuri at mainam na pagkilatis, dumating na ang araw na masisinagan ang bagong yugto na magpapakilala sa mga susunod na magtataguyod ng adhikain ng kapisanan at magpapatuloy ng mga nasimulan.

Bilang pagkilala sa kahusayan ng mga tumanggap ng hamon sa halalan, patunay ang bawat FL sa pamamagitan ng kanilang pagboto ang mga karapatdapat na mamuno at maging sandigan ng mga ka-FL.

Sikapin natin na maging gabay ang bawat isa upang maging saksi sa progresibong pagsulong ng organisasyon.

Maraming salamat sa patuloy na pakikiisa para maisakatuparan ang hangarin ng DAMLAY tungo sa pag-unlad ng samahan!

“𝘚𝘢 𝘗𝘢𝘨𝘴𝘪𝘬𝘥𝘰 𝘯𝘨 𝘋𝘢𝘮𝘥𝘢𝘮𝘪𝘯, 𝘒𝘪𝘬𝘪𝘣𝘰 𝘢𝘯𝘨 𝘔𝘢𝘭𝘢𝘺”

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚 𝐍𝐚𝐠-𝐢𝐢𝐬𝐚𝐧𝐠 𝐊𝐚𝐥𝐢𝐡𝐢𝐦 𝐧𝐠 𝐃𝐀𝐌𝐋𝐀𝐘, 𝐉𝐡𝐮𝐧 𝐙𝐚𝐫𝐜𝐞𝐧𝐨!

Sa araw na ito, nais naming ipagdiwang hindi lamang ang iyong kaarawan kundi pati ang iyong walang sawang dedikasyon at paglilingkod sa DAMLAY. Lagi kang handang magbahagi ng iyong talento, tumulong sa oras ng pangangailangan, at umalalay sa bawat gawain ng samahan nang may sipag at tiyaga. Tunay na kahanga-hanga ang iyong pagiging maaasahan at ang puso mong laging handang maglingkod para sa kapakanan ng lahat.

Kaya naman sa espesyal na araw na ito, hangad naming mapuno ka rin ng pagmamahal, saya, at pag-aarugang palagi mong ibinibigay sa iba. Nawa’y patuloy kang pagpalain, gabayan, at maging matagumpay sa bawat landas na iyong tatahakin.

Muli, maligayang kaarawan sa ating Kalihim — G. Jhun Zarceno!

𝗧𝗜𝗡𝗚𝗡𝗔𝗡 | Unang Bugso ng Botohan

May natitira pang oras para maipahayag ang inyong tinig at maging bahagi ng pagpili ng mga lider na magsisilbi sa ating kapisanan sa susunod na termino. Para sa mga hindi pa nakakaboto, bukas pa rin ang pagkakataon upang gampanan ang inyong responsibilidad bilang kasapi ng komunidad.

Huwag hayaang masayang ang pagkakataong ito. Ang bawat boto ay may halaga at maaaring maging daan sa mga pagbabagong nais nating makita para sa DAMLAY PUP–Sta. Mesa.

Hanggang bukas, 11:59 ng gabi na lamang ang botohan. Kaya naman, suriin nang mabuti ang mga kandidato, pakinggan ang kanilang mga plataporma, at iboto ang mga pinaniniwalaan ninyong tunay na karapat-dapat mamuno at maglingkod.

Bumoto. Makilahok. Magpasiya. Para sa DAMLAY, para sa mga ka-FL, at para sa kinabukasan ng ating kapisanan.

“𝘚𝘢 𝘱𝘢𝘨𝘴𝘪𝘬𝘥𝘰 𝘯𝘨 𝘥𝘢𝘮𝘥𝘢𝘮𝘪𝘯, 𝘬𝘪𝘬𝘪𝘣𝘰 𝘢𝘯𝘨 𝘮𝘢𝘭𝘢𝘺.”

𝗦𝗮 𝗽𝗮𝗴𝗽𝗶𝗹𝗶 𝗻𝗴 𝗧𝗮𝗺𝗮 𝗮𝘁 𝗻𝗮𝗻𝗴 𝗧𝗮𝗺𝗮, 𝗠𝗮𝘀𝗮𝗴𝗮𝗻𝗮𝗻𝗴 𝗕𝘂𝗸𝗮𝘀 𝗮𝗻𝗴 𝗡𝗮𝗴𝗯𝗮𝗯𝗮𝗱𝘆𝗮

Dumating na tayo sa panahong kinakailangan nating pumili ng mga lider na magsisilbing boses, lakas, at katuwang ng bawat mag-aaral. Maaaring mabigat ang responsibilidad na ito, ngunit hindi ito magiging mahirap kung pagbabatayan natin ang kakayahan, integridad, dedikasyon, at tunay na hangarin ng bawat kandidato na maglingkod sa kapisanan.

Sa pagbubukas ng botohan, nawa’y maging mapanuri at responsable tayo sa ating pagpili. Higit sa mga pangako at magagandang salita, suriin natin ang kanilang mga plano, prinsipyo, at kahandaang tumugon sa pangangailangan ng ating komunidad. Ang bawat boto ay may kakayahang humubog sa direksiyon ng ating organisasyon at sa kinabukasan ng mga programang magbibigay-serbisyo sa mga mag-aaral.

Dumating na tayo sa pagkakataong kailangan nating pumili, ngunit ito ay hindi magiging mahirap kung alam nating iboboto natin ang mga karapat-dapat na mamuno at maglingkod bilang mga opisyal para sa susunod na termino ng DAMLAY PUP–Sta. Mesa. Gamitin natin ang ating karapatan nang may pananagutan, sapagkat sa ating mga kamay nakasalalay ang pagpapatuloy ng isang kapisanang may malasakit, pagkakaisa, at makabuluhang paglilingkod para sa lahat ng ka-FL.

“𝘚𝘢 𝘱𝘢𝘨𝘴𝘪𝘬𝘥𝘰 𝘯𝘨 𝘥𝘢𝘮𝘥𝘢𝘮𝘪𝘯, 𝘬𝘪𝘬𝘪𝘣𝘰 𝘢𝘯𝘨 𝘮𝘢𝘭𝘢𝘺.”

𝗧𝗮𝗽𝗼𝘀 𝗻𝗮 𝗮𝗻𝗴 𝗣𝗮𝗴𝗸𝗶𝗹𝗮𝘁𝗶𝘀!

Opisyal nang nagtapos ang panahon ng kampanya ng mga kandidato para sa susunod na termino ng DAMLAY. Sa mga nagdaang araw, naipahayag ng bawat kandidato ang kanilang mga adhikain, plataporma, at mga paninindigan para sa kapakanan ng kapisanan at ng mga mag-aaral ng BSEDFL. Naging daan ang kampanya upang mas makilala ng mga botante ang mga nagnanais mamuno at maglingkod sa susunod na akademikong taon.

Habang papalapit ang araw ng halalan, nawa’y magsilbing gabay ang mga naging talakayan, presentasyon, at pangako ng mga kandidato sa matalinong pagpili ng mga lider na tunay na magtataguyod ng interes at kapakanan ng bawat ka-FL. Ang pagtatapos ng kampanya ay hindi lamang hudyat ng pagtatapos ng pangangampanya, kundi simula rin ng responsableng pagdedesisyon ng bawat botante para sa kinabukasan ng DAMLAY.

“𝘚𝘢 𝘱𝘢𝘨𝘴𝘪𝘬𝘥𝘰 𝘯𝘨 𝘥𝘢𝘮𝘥𝘢𝘮𝘪𝘯, 𝘬𝘪𝘬𝘪𝘣𝘰 𝘢𝘯𝘨 𝘮𝘢𝘭𝘢𝘺.”

𝗠𝗨𝗟𝗜𝗡𝗚 𝗣𝗔𝗚𝗦𝗜𝗟𝗜𝗣 𝗦𝗔 𝗛𝗨𝗦𝗔𝗬 𝗔𝗧 𝗚𝗔𝗟𝗜𝗡𝗚, 𝗟𝗔𝗞𝗔𝗦-𝗟𝗢𝗢𝗕 𝗡𝗔 𝗣𝗔𝗚𝗧𝗨𝗚𝗢𝗡 𝗦𝗔 𝗠𝗚𝗔 𝗛𝗜𝗡𝗔𝗜𝗡𝗚!

Muli nating tingnan ang mga naging kaganapan sa Live Kampanya ng DAMLAY Eleksyon 2026 na nagpakita ng galing at kahandaan ng bawat kandidato. Kanilang ipinamalas ang mga natatanging husay sa pagsagot ng mga katanungan na sumisimbolo sa kanilang kahandaan upang tahakin ang panibagong yugto ng samahan.

Instrumento ito upang mapalalim ang pagkilatis at pagsusuri ng ating mga ka-FL kung sino ang karapat-dapat na iboto at ihalal nang sa gayon ay magkaroon ng matibay na pundasyon sa pagbuo ng isang maayos na kolaborasyon at magsimula ng progresibong paglalakbay ang DAMLAY.

Panatilihin natin ang nagniningas na determinasyon upang itaguyod ang adhikain ng DAMLAY at patuloy na isapuso ang mga aral na siyang magiging gabay sa pagtahak ng lalakaran ng kapisanan.

Muli, pagbati at pagpupugay sa tapang at lakas ng loob na tanggapin ang hamon taglay ang diwa ng pagkakaisa para sa ikauunlad ng organisasyon.

“𝘚𝘢 𝘗𝘢𝘨𝘴𝘪𝘬𝘥𝘰 𝘯𝘨 𝘋𝘢𝘮𝘥𝘢𝘮𝘪𝘯, 𝘒𝘪𝘬𝘪𝘣𝘰 𝘢𝘯𝘨 𝘔𝘢𝘭𝘢𝘺”

𝗛𝗔𝗡𝗗𝗔𝗡𝗚 𝗗𝗨𝗠𝗔𝗟𝗢 𝗣𝗔𝗥𝗔 𝗦𝗔 𝗣𝗔𝗚𝗦𝗨𝗟𝗢𝗡𝗚 𝗔𝗧 𝗣𝗔𝗚𝗕𝗔𝗕𝗔𝗚𝗢!

Bilang bahagi ng kampanya na binubuo ng mga Tagapayo, Komelek, Kandidato, at mga ka-DAMLAY, ating tingnan ang mga handang tumindig at makipagsapalaran sa hamon ng DAMLAY Eleksyon 2026. Ito ay pagbibigay-kilala sa mga magiging bahagi ng bagong termino upang maging gabay sa pagpili ng mga ihahalala at pagbuo ng progresibong kinabukasan ng kapisanan.

Kaya naman, malugod naming ipinakikilala ang mga dumalo at tumanggap ng hamon sa DAMLAY Eleksyon 2026 live Kampanya! Buksan ang isipan, kilatisin nang komprehensibo ang bawat kandidato, at makialam sa mga usaping panlipunan.

“𝘚𝘢 𝘗𝘢𝘨𝘴𝘪𝘬𝘥𝘰 𝘯𝘨 𝘋𝘢𝘮𝘥𝘢𝘮𝘪𝘯, 𝘒𝘪𝘬𝘪𝘣𝘰 𝘢𝘯𝘨 𝘔𝘢𝘭𝘢𝘺”

NGAYON | Live Kampanya 2026

Kasalukuyang ginaganap ng DAMLAY PUP Sta. Mesa ang Live Kampanya 2026 na pinagbuklod ng iisang layunin; ang kampanyang naging tanghalan ng pagmamahal sa wika, panitikan, kultura, at bayan. Hindi lamang ito pagpapakita ng talento kundi isang makapangyarihang pagpapahayag ng ating pagkakakilanlan bilang mga Pilipino. Bawat salitang binigkas ay nagpasigla sa kamalayang pambansa, at bawat galaw ay sumasalamin sa walang humpay na pakikibaka para sa pagpapanatili at pagpapayabong ng ating kultura at kasaysayan.

"Sa pagsikdo ng damdamin, kikibo ang malay"

𝗦𝗔𝗞𝗦𝗜𝗛𝗔𝗡 𝗔𝗡𝗚 𝗞𝗔𝗣𝗔𝗡𝗔-𝗣𝗔𝗡𝗔𝗕𝗜𝗞 𝗡𝗔 𝗟𝗜𝗩𝗘 𝗠𝗜𝗧𝗜𝗡𝗚 𝗗𝗘 𝗔𝗩𝗔𝗡𝗖𝗘!

Walang kukurap at walang aatras, dahil magaganap na ang hinihintay na matinding pagkilatis sa mga tumanggap ng hamon. Kilalanin ang mga tumatakbo sa pamamagitan ng pakikinig sa kanilang mga plataporma, at pag-usisa sa kanilang paninindigan at adhikaing para sa ikabubuti ng kapisanan. Huwag itong palampasin dahil kasama kayo sa proseso ng pagpili kung sino nga ba ang karapat-dapat sa posisyon.

Kaya ngayong ika-7 ng Hunyo, sa ganap na alas-dos ng hapon, lubos naming inaanyayahan ang bawat ka-FL na tunghayan ang sagupaan ng talino sa pagsagot sa ilang isyu at paninindigan ng mga kandidatong iluluklok. Sa pamamagitan ng Zoom aplikasyon, tayo ay dumalo at makiisa sa kampanyang ito!

“𝘚𝘢 𝘱𝘢𝘨𝘴𝘪𝘬𝘥𝘰 𝘯𝘨 𝘥𝘢𝘮𝘥𝘢𝘮𝘪𝘯, 𝘬𝘪𝘬𝘪𝘣𝘰 𝘢𝘯𝘨 𝘮𝘢𝘭𝘢𝘺.”