The PUP Social Studies Guild

𝘽𝘼𝙆𝘼𝙎: 𝘽𝙖𝙮𝙖𝙣, 𝘼𝙧𝙖𝙡, 𝙆𝙖𝙨𝙖𝙮𝙨𝙖𝙮𝙖𝙣, 𝘼𝙩 𝙎𝙖𝙡𝙖𝙮𝙨𝙖𝙮 — 𝙋𝙖𝙜𝙡𝙖𝙡𝙖𝙠𝙗𝙖𝙮 𝙨𝙖 𝘼𝙩𝙞𝙣𝙜 𝙉𝙖𝙠𝙖𝙧𝙖𝙖𝙣

𝐊𝐀𝐁𝐀𝐍𝐀𝐓𝐀 𝟒𝟕: 𝐅𝐫𝐞𝐝𝐞𝐫𝐢𝐜𝐤 𝐁𝐚𝐫𝐛𝐚𝐫𝐨𝐬𝐬𝐚 𝐝𝐫𝐨𝐰𝐧𝐬 𝐢𝐧 𝐒𝐚𝐥𝐞𝐩𝐡 𝐑𝐢𝐯𝐞𝐫

Noong ika-10 ng Hunyo taong 1190, sa kasagsagan ng Ikatlong Krusada (Third Crusade), nalunod si Emperador Frederick I Barbarossa (naghari mula 1155–1190) ng Banal na Imperyong Romano sa Ilog Saleph habang pinamumunuan niya ang kaniyang hukbo patungong Jerusalem. Bilang kasapi ng Hohenstaufen, nakilala siya sa bansag na *Barbarossa* o “Pulang Balbas.”

Bago siya lumahok sa Ikatlong Krusada noong 1189, kinilala si Barbarossa bilang isa sa pinakamakapangyarihang pinuno sa Europa. Bukod sa pagiging Emperador ng Banal na Imperyong Romano, nagsilbi rin siyang Hari ng Italya, Hari ng Alemanya (na noon ay nangangahulugan ding Hari ng mga Romano), at Hari ng Burgundy. Pinamunuan niya ang ilan sa mga kahariang ito mula 1152 hanggang sa kaniyang kamatayan noong 1190, o halos apatnapung taon.

Noong 1189, mahigit isang dekada matapos ang kaniyang hindi matagumpay na kampanya sa Italya, nakipagsanib-puwersa siya sa dalawa sa pinakatanyag na pinuno ng kaniyang panahon: si Philip Augustus ng Pransiya at si Richard the Lionheart ng Inglatera. Layunin ng tatlong monarko na pamunuan ang Ikatlong Krusada upang mabawi ang Jerusalem mula sa mga Muslim na pinamumunuan ni Saladin, na muling sumakop sa lungsod mula sa mga Kristiyano noong 1187.

Sa kasamaang-palad, bago pa man makarating si Frederick sa Banal na Lupain, nalunod siya sa isang ilog sa lugar na ngayon ay bahagi ng Turkiye. Ang kaniyang pagkamatay ay naging isang matinding dagok sa mga Crusader. Dahil nawalan ng pinuno, nagkaroon ng takot at kaguluhan sa hanay ng mga Aleman na sundalo sa ilalim ng kaniyang pamumuno. Marami ang tumakas sa hukbo, at may ilan pang nagpakamatay dahil sa kawalan ng direksiyon at pag-asa.

Higit pa rito, dahil magkaribal sina Philip at Richard, nawala rin ang isang mahalagang tagapamagitan na maaaring nakapag-ayos ng kanilang mga hindi pagkakaunawaan. Bilang resulta, ang nalalabing bahagi ng Ikatlong Krusada ay halos napasailalim sa pamumuno ni Richard. Bagama’t nakapagtamo siya ng ilang tagumpay, nabigo pa rin ang pangunahing layunin ng krusada—ang muling mapasakamay ng mga Kristiyano ang Jerusalem.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kyla Mariz De Rama
✍️: Alvin Barios

𝐊𝐀𝐁𝐀𝐍𝐀𝐓𝐀 𝟒𝟓: 𝐒𝐈𝐗-𝐃𝐀𝐘 𝐖𝐀𝐑 𝐁𝐄𝐆𝐈𝐍 🪖

𝗔𝗟𝗔𝗠 𝗠𝗢 𝗕𝗔? 🤔

Noong 𝗛𝘂𝗻𝘆𝗼 𝟱, 𝟭𝟵𝟲𝟳 , nagsimula ang tinaguriang 𝗦𝗶𝘅-𝗗𝗮𝘆 𝗪𝗮𝗿 𝗼 𝗔𝗻𝗶𝗺 𝗻𝗮 𝗔𝗿𝗮𝘄 𝗻𝗮 𝗗𝗶𝗴𝗺𝗮𝗮𝗻 sa pagitan ng Israel at ilang bansang Arab tulad ng Egypt, Jordan, at Syria. Isa ito sa pinakamabilis ngunit pinakamabigat na digmaan sa kasaysayan ng Middle East dahil sa loob lamang ng anim na araw, tuluyang nabago ang politika, hangganan, at relasyon ng mga bansa sa rehiyon.

Nagsimula ang digmaan matapos magsagawa ang Israel ng preemptive strike laban sa mga paliparang militar ng Egypt. Dahil dito, agad na humina ang kakayahan ng mga bansang Arab na lumaban sa himpapawid, dahilan upang mabilis na umabante ang hukbo ng Israel sa iba’t ibang lugar. Sa pagtatapos ng digmaan, nasakop ng Israel ang Sinai Peninsula, Gaza Strip, West Bank, East Jerusalem, at Golan Heights.

Hindi lamang ito simpleng labanan tungkol sa teritoryo. Malaki ang naging epekto nito sa buhay ng milyun-milyong tao, lalo na sa mga Palestino na muling napilitang lumikas at mawalan ng tahanan. Mas lalong tumindi ang tensyon sa pagitan ng Israel at mga bansang Arab, habang lumakas naman ang panawagan ng mga Palestino para sa sariling pagkakakilanlan at kalayaan.

Nagwakas ang digmaan sa pamamagitan ng ceasefire na suportado ng United Nations at kalaunan ay nabuo ang UN Resolution 242 na nananawagan ng pangmatagalang kapayapaan sa rehiyon. Ngunit hanggang sa kasalukuyan, marami pa ring isyung hindi tuluyang nareresolba tungkol sa lupa, soberanya, at karapatan ng mga mamamayan.

Ang Six-Day War na ito ay nananatiling isa sa pinakamahalagang kabanata sa kasaysayan ng Middle East dahil ang epekto nito ay patuloy pa ring nakikita sa kasalukuyang relasyon ng Israel, Palestine, at mga bansang Arab.

🖼️: Kyla Mariz De Rama
✍️: Ryza Jezel Dio

𝘽𝘼𝙆𝘼𝙎: 𝘽𝙖𝙮𝙖𝙣, 𝘼𝙧𝙖𝙡, 𝙆𝙖𝙨𝙖𝙮𝙨𝙖𝙮𝙖𝙣, 𝘼𝙩 𝙎𝙖𝙡𝙖𝙮𝙨𝙖𝙮 — 𝙋𝙖𝙜𝙡𝙖𝙡𝙖𝙠𝙗𝙖𝙮 𝙨𝙖 𝘼𝙩𝙞𝙣𝙜 𝙉𝙖𝙠𝙖𝙧𝙖𝙖𝙣

𝐊𝐀𝐁𝐀𝐍𝐀𝐓𝐀 𝟒𝟓: 𝐏𝐚𝐠𝐬𝐢𝐬𝐢𝐦𝐮𝐥𝐚 𝐧𝐠 𝐔𝐧𝐚𝐧𝐠 𝐃𝐢𝐠𝐦𝐚𝐚𝐧𝐠 𝐎𝐩𝐢𝐮𝐦 💨🪹🪄

Noong ika-3 ng Hunyo, sa bayan ng Humen sa Tsina, isang lugar na minsang naging sentro ng paglaban sa mapanirang kalakalan ng opyo, nagsimula ang mga pangyayaring nagbukas ng bagong kabanata sa kasaysayan ng bansa. Ang Humen ay hindi lamang isang simpleng bayan kundi isang simbolo ng pagtatanggol ng Tsina sa kaniyang soberanya at kapakanan laban sa lumalawak na impluwensiya ng mga dayuhang kapangyarihan. Noong panahon ng Unang Digmaang Opyo, naging malinaw ang tensyon sa pagitan ng Tsina at mga bansang Kanluranin na naghahangad ng mas malawak na akses sa kalakalan. Ang tunggaliang ito ay hindi lamang usapin ng ekonomiya kundi usapin din ng kapangyarihan, impluwensiya, at pagkontrol sa direksiyon ng pandaigdigang kalakalan. Ang mga pangyayaring naganap sa Humen ay nagsilbing paalala kung paano maaaring baguhin ng mga desisyong pampolitika at pangekonomiya ang kapalaran ng isang bansa at ng mga mamamayan nito (CalendarZ, n.d.). 👳‍♀️🧨

Makalipas lamang ang ilang taon, nilagdaan ng Estados Unidos at Tsina ang Treaty of Wangxia noong 1844, ang kauna unahang pormal na treaty sa pagitan ng dalawang bansa. Sa unang tingin, maituturing itong isang hakbang tungo sa mas malapit na pakikipag ugnayan at kooperasyon. Binuksan nito ang ilang daungan ng Tsina para sa mga mangangalakal na Amerikano at nagbigay ng mga karapatan sa mga mamamayang Amerikano na naninirahan o nakikipagnegosyo sa bansa. Gayunpaman, bahagi rin ito ng serye ng mga kasunduang nagbigay ng higit na kapakinabangan sa mga dayuhang bansa kaysa sa Tsina, dahilan upang maituring itong kabilang sa mga hindi pantay na kasunduan ng panahong iyon Ang Treaty of Wangxia ay naging mahalagang hakbang sa paglawak ng impluwensiya ng Estados Unidos sa Asya at naglatag ng pundasyon para sa mga susunod na diplomatikong ugnayan sa pagitan ng dalawang bansa. Ipinakita nito kung paano ginagamit ang diplomasya bilang kasangkapan hindi lamang para sa pagkakaunawaan kundi maging para sa pagpapalawak ng pambansang interes. Sa kabilang banda, naging bahagi rin ito ng mas malawak na karanasan ng Tsina sa pagharap sa mga dayuhang kapangyarihan sa ika 19 na siglo (Office of the Historian, n.d.). 📚💣

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kefu Reign Dacutanan
✍️: Asher Baroja

𝙎𝙖 𝙂𝙄𝙏𝙉𝘼 𝙣𝙜 𝙠𝙖𝙡𝙖𝙣𝙜𝙞𝙩𝙖𝙣, 𝙢𝙖𝙮 𝙢𝙖𝙠𝙪𝙡𝙖𝙮 𝙖𝙩 𝙥𝙖𝙜-𝙖𝙨𝙖𝙣𝙜 𝙈𝘼𝙆𝘼𝙆𝘼𝙈𝙏𝘼𝙉🌻✨🌈

Ang Pride Month ay isang makabuluhang pagdiriwang na nagbibigay-diin sa importansya ng pagkakapantay-pantay, pagtanggap, at pagrespeto sa karapatang pantao ng bawat bahagi ng makulay na komunidad ng LGBTQIA+.🌈 Tuwing sasapit ang buwan ng Hunyo, ipinapaalala nito ang makasaysayan at makulay nitong pakikibaka laban sa diskriminasyon, pang-aapi, at kung paano ang kanilang tapang ay nagbukas ng mas malawak na espasyo para sa kalayaan at pakilala. ✊

Sumiklab ang Pride Month bilang paggunita sa Stonewall Uprising noong Hunyo 1969 sa New York City, kung saan ang mga miyembro ng LGBTQIA+ ay matapang na nakikibaka laban sa malalang diskriminasyon at pang-aabuso. Hindi malilimutan ng bawat bahagi ng komunidad ang makasaysayang kaganapan na ito dahil nagbigay-daan ito noong Hunyo 1970, para sa isang malawak at organisadong kilusan upang isagawa ang kauna-unahang Pride March bilang pag-aalala sa nasabing pag-aalsa. 🎗️

Higit pa sa makulay na parada at masayang selebrasyon ang paggunita natin sa Pride Month, dahil ito ang nagsisilbing marka ng bawat isa na ang karapatang pantao ay para sa lahat. Ang magmahal, maging totoo sa sarili, at mamuhay nang walang walang takot mula sa lipunang ating ginagalawan ay siyang dapat natatamasa natin.

𝙈𝙖𝙗𝙪𝙝𝙖𝙮 𝙖𝙣𝙜 𝙨𝙖𝙣𝙜𝙠𝙖𝙗𝙖𝙡𝙖𝙖𝙣! 𝘿𝘼𝙋𝘼𝙏 𝙈𝘼𝙔 𝘽𝘼𝙆𝙇𝘼! 𝙇𝙐𝙈𝘼𝘽𝘼𝙉 𝘼𝙏 𝘽𝙐𝙈𝙊𝙎𝙀𝙎 𝘼𝙉𝙂 𝙈𝙂𝘼 𝘽𝘼𝙆𝙇𝘼!✊ 🌈

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Lauren Abella
✍️: Arnela Mallari

Ang Maestro ng Liwanag: Pag-alala kay Fernando Amorsolo ✨

Alam niyo ba na si Fernando Amorsolo ang kauna-unahang ginawaran ng titulong Pambansang Alagad ng Sining? Mula 1892, ang kanyang pinsel ay nagsilbing saksi sa makulay na kasaysayan ng Pilipinas—mula sa ginto ng mga bukirin hanggang sa katatagan ng ating lahi matapos ang digmaan.
Higit sa sining, iniwan niya sa atin ang kakayahang makita ang liwanag at ganda sa gitna ng kapayakan. Ang kanyang mga obra ay hindi lamang nakasabit sa mga museo; ito ay nananatiling buhay sa ating pagkakakilanlan. 🖌️

Kaya ang kaniyang ambag sa larangan ng sining ay talagang hindi malilimutan ng bawat estudyante at ng mga g**o na nagbibigay buhay sa mga iniwan niyang sining para sa bansa at sa mga Pilipino. Muli, Maligayang Ika-133rd na Kaarawan, Fernando Amorsolo🥳

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Rainiel Manansala
✍️: Arnela Mallari

𝘽𝘼𝙆𝘼𝙎: 𝘽𝙖𝙮𝙖𝙣, 𝘼𝙧𝙖𝙡, 𝙆𝙖𝙨𝙖𝙮𝙨𝙖𝙮𝙖𝙣, 𝘼𝙩 𝙎𝙖𝙡𝙖𝙮𝙨𝙖𝙮 — 𝙋𝙖𝙜𝙡𝙖𝙡𝙖𝙠𝙗𝙖𝙮 𝙨𝙖 𝘼𝙩𝙞𝙣𝙜 𝙉𝙖𝙠𝙖𝙧𝙖𝙖𝙣

𝐊𝐚𝐛𝐚𝐧𝐚𝐭𝐚 𝟒𝟒: 𝐀𝐧𝐠 𝐒𝐩𝐚𝐧𝐢𝐬𝐡 𝐀𝐫𝐦𝐚𝐝𝐚 𝐧𝐚 𝐔𝐦𝐚𝐭𝐚𝐤𝐞 𝐤𝐚𝐲 𝐄𝐥𝐢𝐳𝐚𝐛𝐞𝐭𝐡 𝐈 🚢💥

Ang pagkatalo ng Spanish Armada noong 1588 ay itinuturing na isang mahalagang yugto sa kasaysayan ng Europa sapagkat hindi lamang nito napigilan ang planong pananakop ng Spain sa England, kundi nagbunga rin ito ng malawakang pagbabago sa balanse ng kapangyarihang pampolitika, panrelihiyon, at pandagat sa rehiyon. Sa ilalim ng pamumuno ni Philip II, inihanda ng Espanya ang isang napakalaking hukbong pandagat na binubuo ng humigit kumulang 130 sasakyang pandigma, na naglayong ihatid ang hukbo ni Alexander Farnese mula sa Flanders patungong Inglatera upang pabagsakin ang paghahari ni Elizabeth I, wakasan ang lumalakas na Protestantismo sa bansa, at pigilan ang patuloy na panghihimasok ng mga Ingles at Olandes sa mga interes ng Espanya sa Europa at sa mga kolonya nito sa Amerika. Gayunpaman, sa kabila ng lawak ng paghahanda at ng reputasyon ng Espanya bilang pangunahing kapangyarihang pandagat noong panahong iyon, hinarap ng Armada ang sunod sunod na suliraning estratehiko at operasyonal. Ang paghirang kay Alonso Pérez de Guzmán bilang komandante, sa kabila ng kaniyang kakulangan sa karanasang pandagat, ay nagbunga ng kahinaang pamumuno sa isang ekspedisyong nangangailangan ng mabilis at mahusay na pagpapasya sa gitna ng digmaan.

Samantala, mahusay namang naorganisa ng Inglatera ang depensa nito sa pamumuno ni Charles Howard, katuwang si Francis Drake bilang Bise Admiral, kung saan pinakinabangan ng hukbong Ingles ang mas magagaan, mas mabilis, at higit na madaling imaniobrang mga barko upang paulit ulit na salakayin ang mas mabibigat na sasakyang Espanyol habang naglalayag ang mga ito sa English Channel. Ang kritikal na yugto ng labanan ay naganap noong gabi ng ika-28 ng Hulyo, 1588, nang magpadala ang mga Ingles ng walong fireships sa daungang kinalalagyan ng Armada sa Calais, isang taktikang nagdulot ng matinding kaguluhan sa hanay ng mga Espanyol at sumira sa kanilang organisadong pormasyon. Sinundan ito ng Battle of Gravelines noong ika-29 ng Hulyo, 1588, kung saan lalong napinsala ang Armada at napilitang umatras pahilaga. Sa huli, ang kombinasyon ng mahusay na estratehiya ng Inglatera, suporta ng mga kaalyadong Olandes, mga pagkukulang sa koordinasyon ng Espanya, at malalakas na bagyong sumalubong sa kanilang paglalayag pabalik sa Iberia sa paligid ng Scotland at Ireland ang tuluyang nagwasak sa malaking bahagi ng hukbong pandagat ng Espanya, kung saan mahigit isang katlo ng kanilang mga barko ang hindi na nakabalik.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kyla Mariz De Rama
✍️: Asher Jade Baroja

𝗘𝗶𝗱 𝗮𝗹-𝗔𝗱𝗵𝗮: 𝗣𝗮𝗴𝗽𝗮𝗽𝗮𝗵𝗮𝗹𝗮𝗴𝗮𝗻𝗴 𝗣𝗮𝗻𝗹𝗶𝗽𝘂𝗻𝗮𝗻 𝗧𝘂𝗻𝗴𝗼 𝘀𝗮 𝗣𝗮𝗴𝗸𝗮𝗸𝗮𝗶𝘀𝗮 𝗮𝘁 𝗣𝗮𝗴-𝘂𝗻𝗮𝘄𝗮

Sa bawat pagdiriwang ng Eid al-Adha, muling binibigyang-halaga ang diwa ng sakripisyo, pananampalataya, pagkakaisa, at malasakit sa kapwa—mga pagpapahalagang hindi lamang mahalaga sa pananampalatayang Islam kundi maging sa paghubog ng isang makatao at makabuluhang lipunan.

Bilang paggunita sa dakilang handog ng pananampalataya ni Propeta Ibrahim, ang Eid al-Adha ay nagsisilbing paalala na ang tunay na paglilingkod ay nasusukat hindi lamang sa ating mga salita kundi sa kahandaang magsakripisyo para sa kapakanan ng iba. Sa panahon ng patuloy na hamon sa lipunan, mahalagang pairalin ang diwa ng pagkakaisa at pag-unawa sa gitna ng ating pagkakaiba-iba bilang mamamayan.

Kaisa ng pagdiriwang na ito, ang PUP Social Studies Guild ay nakikiisa sa ating mga kapatid na Muslim sa pagdaraos ng isang makabuluhang Eid al-Adha. Nawa’y magsilbi itong inspirasyon sa bawat isa upang higit pang paigtingin ang paggalang sa kultura, pananampalataya, at karapatang pantao ng bawat Pilipino.

Bilang mga mag-aaral ng Araling Panlipunan at mga magiging tagapagmulat ng lipunan, tungkulin nating itaguyod ang inklusibo, mapayapa, at makatarungang komunidad kung saan ang pagkakaiba ay hindi nagiging hadlang kundi tulay tungo sa mas malalim na pagkakaisa. Eid Mubarak!

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kyla Mariz De Rama
✍️: Kurt Morales

𝐏𝐀𝐆𝐃𝐈𝐑𝐈𝐖𝐀𝐍𝐆 𝐍𝐆 𝐏𝐀𝐍𝐀𝐍𝐀𝐌𝐏𝐀𝐋𝐀𝐓𝐀𝐘𝐀 𝐀𝐓 𝐒𝐀𝐊𝐑𝐈𝐏𝐈𝐒𝐘𝐎 🌙

Ngayong araw, sama-sama nating gunitain kasama ang ating mga kaibigang Muslim ang diwa ng pagkakapatiran at pagtulong sa kapwa. Isang paalala rin ito na ang pananampalataya ay nagsisilbing gabay sa ating pang-araw-araw na pamumuhay. Ipinagdiriwang ang Eid al-Adha bilang paalala ng pananampalataya, pagsunod, at malasakit sa bawat isa. ✨

Bigyang-pagpapahalaga at paggalang ang araw na puno ng pagbabahagi, pasasalamat, at pagninilay sa tunay na kahulugan ng sakripisyo at pagkakaisa. Nawa’y magsilbing inspirasyon ito upang higit pang mapalalim ang ating pag-unawa at pakikipagkapwa. Eid Mubarak sa ating lahat! 🤍

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Kyla Mariz De Rama
✍️: Stacey Kimberly Adriano

𝘽𝘼𝙆𝘼𝙎: 𝘽𝙖𝙮𝙖𝙣, 𝘼𝙧𝙖𝙡, 𝙆𝙖𝙨𝙖𝙮𝙨𝙖𝙮𝙖𝙣, 𝘼𝙩 𝙎𝙖𝙡𝙖𝙮𝙨𝙖𝙮 — 𝙋𝙖𝙜𝙡𝙖𝙡𝙖𝙠𝙗𝙖𝙮 𝙨𝙖 𝘼𝙩𝙞𝙣𝙜 𝙉𝙖𝙠𝙖𝙧𝙖𝙖𝙣

𝐊𝐚𝐛𝐚𝐧𝐚𝐭𝐚 𝟒𝟑: 𝐍𝐢𝐜𝐡𝐨𝐥𝐚𝐬 𝐈𝐈 – 𝐀𝐧𝐠 𝐇𝐮𝐥𝐢𝐧𝐠 𝐓𝐬𝐚𝐫 𝐧𝐠 𝐈𝐦𝐩𝐞𝐫𝐲𝐚𝐥 𝐧𝐚 𝐑𝐮𝐬𝐲𝐚

Sa loob ng halos tatlong daang (300) taon ng pamumuno ng dinastiyang Romanov, magwawakas ito sa ilalim ni Tsar Nicholas II, na kilala rin bilang Nikolay Aleksandrovich. Nagsisimula ang kanyang pamumuno sa Rusya noong 1894, ngunit sa paglipas ng panahon ay humihina ang tiwala ng mamamayan dahil sa mga suliraning pampulitika, kahirapan, at pagkatalo ng bansa sa Japan sa Digmaang Russo‑Japanese War.

Noong 1917, sa gitna ng nag-aalab na Rebolusyong Ruso, nagbibitiw siya sa trono, na nagtatapos sa mahigit tatlong siglong pamumuno ng Romanov. Pagkaraan nito, dinadakip at pinapatay siya at ang kanyang pamilya ng mga Bolshevik noong 1918, na nagbubukas sa bagong yugto ng Sobyet Rusya.

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️: Poga Tenorio Reyes
✍️: Angelo A. Albao

𝗣𝗔𝗚𝗕𝗔𝗧𝗜, 𝗠𝗚𝗔 𝗕𝗔𝗚𝗢𝗡𝗚 𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡!
✊💚

Isang mainit na pagbati at pagsalubong sa mga bagong iskolar ng bayan! Ang inyong paggiting at husay ang nagdala sa inyo rito sa lunduyan ng karunungan at pag-asa.🔥

Ang pagiging Iskolar ng Bayan ay hindi lamang isang titulo ng karangalan, kundi isang habambuhay na panata—panata na gamitin ang talino, talento, at kakayahan para sa paglilingkod sa sambayanan.🌟

Kaisa ninyo kami sa pagsisimula ng inyong makasaysayang kwento. Ika nga, Mula Sa’yo, Para sa Bayan! Welcome home, FreSShies!🏫

𝑺𝑼𝑴𝑼𝑺𝑼𝑳𝑶𝑵𝑮, 𝑺𝑼𝑴𝑰𝑺𝑰𝑩𝑶𝑳, 𝑨𝑹𝑨𝑳𝑰𝑵𝑮 𝑷𝑨𝑵𝑳𝑰𝑷𝑼𝑵𝑨𝑵!

🖼️&✍️: John William Bernal