Ang Daluyan

𝐊𝐚𝐡𝐚𝐧𝐝𝐚𝐚𝐧 𝐬𝐚 𝐒𝐚𝐤𝐮𝐧𝐚, 𝐏𝐢𝐧𝐚𝐥𝐚𝐤𝐚𝐬 𝐧𝐠 𝐌𝐖𝐂𝐈𝐒 𝐚𝐭 𝐋𝐃𝐑𝐑𝐌𝐎 𝐬𝐚 𝐍𝐒𝐄𝐃
𝘔𝘨𝘢 𝘮𝘢𝘨-𝘢𝘢𝘳𝘢𝘭 𝘢𝘵 𝘨𝘶𝘳𝘰 𝘯𝘢𝘬𝘪𝘪𝘴𝘢 𝘴𝘢 𝘦𝘢𝘳𝘵𝘩𝘲𝘶𝘢𝘬𝘦 𝘥𝘳𝘪𝘭𝘭 𝘣𝘪𝘭𝘢𝘯𝘨 𝘱𝘢𝘨𝘩𝘢𝘩𝘢𝘯𝘥𝘢 𝘴𝘢 𝘭𝘪𝘯𝘥𝘰𝘭 𝘢𝘵 𝘪𝘣𝘢 𝘱𝘢𝘯𝘨 𝘦𝘮𝘦𝘳𝘩𝘦𝘯𝘴𝘪𝘺𝘢.

Balita nina: Athea Borondia at Jasmin Sofocado

Matagumpay na isinagawa ng Meycauayan West Central Integrated School (MWCIS), katuwang ang Local Disaster Risk Reduction and Management Office (LDRRMO) Meycauayan Rescue, ang Nationwide Simultaneous Earthquake Drill (NSED) ngayong Hunyo 18, 2026, ganap na alas-9 ng umaga, bilang bahagi ng pagpapalakas ng kahandaan ng komunidad ng paaralan sa panahon ng sakuna.

Pinangunahan nina G. Jerick Q. De Guzman at Dr. Edgar Allan R. Calora ang naturang aktibidad, katuwang ang mga g**o at kawani ng paaralan upang matiyak ang maayos, maayos, at ligtas na pagsasagawa ng drill.

Sa unang warning signal, nanatili sa loob ng mga silid-aralan ang mga mag-aaral at g**o upang isagawa ang wastong “Duck, Cover, and Hold” procedure. Pagsapit ng ikalawang signal, maayos na lumikas ang mga mag-aaral mula sa Elementarya hanggang sa AM shift ng Junior High School, kabilang ang mga nasa Grade 8 at Grade 10, sa gabay ng kanilang mga g**o.

Matapos ang paglikas, nagtungo ang mga mag-aaral at g**o sa field ng paaralan na nagsilbing evacuation area ng MWCIS. Dito isinagawa ang mga susunod na bahagi ng drill dahil mas ligtas ang lugar at malayo sa mga gusali, puno, at iba pang estrukturang maaaring pagmulan ng debris sakaling magkaroon ng lindol.

Sinubaybayan at sinuri ang aktibidad ng mga kinatawan ng LDRRMO Meycauayan Rescue sa pangunguna ni Team Leader Rod Carlo Temblique. Nakiisa rin sa aktibidad ang mga Mother Leaders ng St. Francis Gasak, mga kawani ng City Hall, at ilang miyembro ng Sangguniang Kabataan.

Sa kasagsagan ng drill, dalawang mag-aaral mula Grade 8 ang nakaranas ng pagkahilo dahil sa matinding init ng panahon. Agad silang nabigyan ng paunang lunas at kinakailangang atensiyong medikal ng mga g**o at miyembro ng rescue team.

Matapos ang aktibidad, nagsagawa ng ebalwasyon ang LDRRMO at mga g**o upang talakayin ang mga dapat pang pagbutihin sa pagpapatupad ng mga emergency procedure. Binigyang-diin din ang kahalagahan ng palagiang pagdadala ng pito at Student ID upang mapadali ang pagkilala at pagtukoy sa mga mag-aaral sakaling magkaroon ng emerhensiya.

Sa kabuuan, naging maayos at organisado ang pagsasagawa ng NSED sa MWCIS. Sa tulong ng mga g**o, kawani ng paaralan, at mga katuwang na ahensiya, natiyak ang kaligtasan ng mga mag-aaral sa buong proseso ng drill. Layunin ng naturang aktibidad na higit pang palakasin ang kahandaan, disiplina, at kamalayan ng komunidad ng paaralan sa tamang pagtugon sa mga sakuna at emerhensiya.

𝗜𝗖𝗬𝗠𝗜: 𝐎𝐩𝐢𝐬𝐲𝐚𝐥 𝐧𝐚𝐧𝐠 𝐬𝐢𝐧𝐢𝐦𝐮𝐥𝐚𝐧 𝐧𝐠 𝐌𝐞𝐲𝐜𝐚𝐮𝐚𝐲𝐚𝐧 𝐖𝐞𝐬𝐭 𝐂𝐞𝐧𝐭𝐫𝐚𝐥 𝐈𝐧𝐭𝐞𝐠𝐫𝐚𝐭𝐞𝐝 𝐒𝐜𝐡𝐨𝐨𝐥 𝐚𝐧𝐠 𝐁𝐫𝐢𝐠𝐚𝐝𝐚 𝐄𝐬𝐤𝐰𝐞𝐥𝐚 𝟐𝟎𝟐𝟔 𝐧𝐠𝐚𝐲𝐨𝐧𝐠 𝐇𝐮𝐧𝐲𝐨 𝟏 𝐬𝐚 𝐭𝐞𝐦𝐚𝐧𝐠 “𝐁𝐚𝐲𝐚𝐧𝐢𝐡𝐚𝐧 𝐬𝐚 𝐏𝐚𝐚𝐫𝐚𝐥𝐚𝐧: 𝐍𝐚𝐠𝐤𝐚𝐤𝐚𝐢𝐬𝐚 𝐩𝐚𝐫𝐚 𝐬𝐚 𝐊𝐚𝐚𝐲𝐮𝐬𝐚𝐧 𝐚𝐭 𝐊𝐚𝐚𝐥𝐚𝐦𝐚𝐧.”

Pinangunahan nina Punongg**o IV Dr. Egar Allan R. Calora at Gng. Sabrina A. Catacutan, Overall Chairperson, ang pagbubukas ng programa. Sa kabila ng maulang panahon, naging matagumpay ang pagsisimula ng Brigada Eskwela dahil sa pakikiisa ng mga g**o, magulang, at iba pang katuwang ng paaralan.

Ang Brigada Eskwela ay isasagawa hanggang Hunyo 5 bilang paghahanda sa pagbubukas ng Taong Panuruan 2026–2027 sa Hunyo 8.

Mga larawan kuha ni Ykho M. Giron

Enrollment, ano, tara?

Muling magbubukas ang MWCIS para sa pagpapatala ng mga mag-aaral para sa Taong Panuruan 2026–2027. Inaanyayahan ang mga bagong mag-aaral, transferees, balik-aral, at mga magpapatuloy ng kanilang pag-aaral na makiisa sa enrollment na gaganapin sa Hunyo 1–5, 2026.

Simulan ang panibagong taon ng pagkatuto, pagtuklas, at pag-abot ng mga pangarap. Kita-kits sa MWCIS! ✨

📢 PAUNAWA
🎒📚 READY NA BA?

Ang Enrollment para sa School Year 2026–2027 ay magsisimula sa Hunyo 1–5, 2026.

⏰ 8:00 ng umaga – 5:00 ng hapon
📅 Lunes hanggang Biyernes

Inaanyayahan ang lahat ng mag-aaral, kasama ang kanilang mga magulang o tagapag-alaga, na magpatala sa itinakdang petsa. Mangyaring tiyakin na kumpleto ang mga kinakailangang dokumento upang mapadali ang proseso ng enrollment.
Maraming salamat po.

𝐏𝐚𝐠𝐥𝐢𝐥𝐢𝐧𝐠𝐚𝐩 𝐧𝐠 𝐈𝐬𝐚𝐧𝐠 𝐃𝐚𝐥𝐮𝐛𝐡𝐚𝐬𝐚
Ni: Althea Borondia

Sa ilang taong paglilingkod,
Araw gabing dala-dala ang pagod.
Ngunit nananatili siyang matatag,
At sa kahit ano ma’y hindi nagpapatinag.

Pagka’t alam niya ang kaniyang halaga,
Dahil pinaghihirapan niya ng lubusan ang mga bagay na nais makuha.
Papasok at magtuturo ng napaka-aga,
Pagtuturo sa mga mag-aaral ang nagpapasaya sa kanya.

Sa gabi’y nakaharap sa kompyuter
Upang gampanan ang pagiging dalubhasang School Paper Adviser.
Mga mag-aaral ay itinuturing niyang parang tunay na mga anak,
Dedikasyo’y di mabubuwag kahit luha ma’y pumatak.

Ngunit hindi lahat ng kabanata sa buhay ay positibo,
Maraming beses na rin siyang muntikang sumuko.
Pero kahit tamaan pa man ng malalakas na bagyo,
Ay makikita pa rin natin siyang lumalaban at nakatayo.

Hindi mapapalitan ng sinuman,
Ang iyong pagmamahal na parang isang tunay na ina.
Ang pag-aalaga at pagdamay sa oras ng problema,
At pagsama sa laban kahit nahihirapan ka na.

Sa tatlumpu’t tatlong taon na ika’y nabubuhay,
Narito kami’t patuloy na umaalalay.
Nawa’y bigyan ka pa ng madaming lakas at pag asa,
At patuloy na magpakatatag sa kabila ng mga problema.

𝗣𝗮𝗴𝗯𝗮𝘁𝗶 𝗮𝘁 𝗣𝗮𝘀𝗮𝘀𝗮𝗹𝗮𝗺𝗮𝘁 𝘀𝗮 𝗺𝗴𝗮 𝗔𝘁𝗲 𝗮𝘁 𝗞𝘂𝘆𝗮 𝗻𝗴 𝗔𝗻𝗴 𝗗𝗮𝗹𝘂𝘆𝗮𝗻!

Kasabay ng pagtatapos ng taong panuruan 2025–2026 ay ang pagsisimula ng panibagong yugto para sa mga mamamahayag ng Ang Daluyan na naglipat-antas noong ika-31 ng Marso 2026.

Isang matagumpay na taon ang ating pinagsaluhan. Baunin ninyo ang aming taos-pusong pasasalamat sa pagbabahagi ng inyong talino, talento, at oras sa pagsusulong ng tapat at makatotohanang pamamahayag.

Kaisa ninyo ang buong patnugutan sa pagdiriwang ng inyong tagumpay. Ikinararangal naming kayo ay naging bahagi ng pagbuo at paghubog ng ating pahayagan.

Patuloy na maging DALUYAN ng kahusayan at katotohanan, JourKnows! ✨

NAILATHALA AT KINILALA NA!

Sa diwa ng 𝐓𝐀𝐏𝐀𝐓 at 𝐌𝐔𝐋𝐀𝐓 na 𝐏𝐀𝐆𝐒𝐔𝐋𝐀𝐓, buong lugod na isinasapubliko ng 𝐀𝐧𝐠 𝐃𝐚𝐥𝐮𝐲𝐚𝐧 ang ikaapat na elektronikong sipi ng pahayagan na kinilalang 𝐒𝐃𝐎 𝐂𝐢𝐭𝐲 𝐨𝐟 𝐌𝐞𝐲𝐜𝐚𝐮𝐚𝐲𝐚𝐧’𝐬 𝟐𝐧𝐝 𝐁𝐞𝐬𝐭 𝐒𝐜𝐡𝐨𝐨𝐥 𝐏𝐚𝐩𝐞𝐫 𝐢𝐧 𝐒𝐞𝐜𝐨𝐧𝐝𝐚𝐫𝐲 𝐅𝐢𝐥𝐢𝐩𝐢𝐧𝐨 𝐬𝐚 𝐧𝐚𝐠𝐝𝐚𝐚𝐧𝐠 𝟐𝟎𝟐𝟔 𝐒𝐜𝐡𝐨𝐨𝐥𝐬 𝐃𝐢𝐯𝐢𝐬𝐢𝐨𝐧 𝐏𝐫𝐞𝐬𝐬 𝐂𝐨𝐧𝐟𝐞𝐫𝐞𝐧𝐜𝐞 𝐆𝐫𝐨𝐮𝐩 𝐂𝐨𝐧𝐭𝐞𝐬𝐭 𝐟𝐨𝐫 𝐁𝐞𝐬𝐭 𝐒𝐜𝐡𝐨𝐨𝐥 𝐏𝐚𝐩𝐞𝐫𝐬.

Taglay ng bawat pahina ang diwa ng 𝑽𝑶𝑿 𝑫𝑰𝑺𝑪𝑰𝑷𝑼𝑳𝑨, 𝑫𝑰𝑼𝑹𝑵𝑨𝑹𝑰𝑨 𝑯𝑶𝑵𝑬𝑺𝑻𝑨. Tapat na tinig ng mga mag-aaral ang laman ng bawat artikulo. Katotohanan ang puhunan at katapatan ang gabay. Iyan ang tatak ng Ang Daluyan.

Tuluyang nailathala ang mulat na isyung ito dahil sa husay ng mga mag-aaral at g**o sa pangunguna nina Punong Patnugot Jerbin T. Acosta, Kawaksing Patnugot Kylle A. Consad, Tagapamanihalang Patnugot Althea Jasmin Borondia, at Punong Taga-anyo G. Wendell M. Reyes, katuwang ang Tagapayo ng Pahayagan Bb. Iana Pauline G. Bulaong at ang mga patnugot sa iba’t ibang seksyon.

Sa paggabay nina Punongg**o IV, Dr. Edgar Allan R. Calora at Gurong Tagapag-ugnay sa Filipino Bb. Eliza Mae A. Evangelista, patuloy na dumadaloy ang tinig ng kabataang mamamahayag.

Handa nang basahin ang buong isyu. I-click lamang ang link na ito:

https://tinyurl.com/AngDaluyan2026

Ipagmalaki ang galing ng mga mamamahayag na Kanluranin sapagkat ang mga 𝒏𝒂𝒎𝒖𝒍𝒂𝒕 𝒏𝒂 𝒎𝒈𝒂 𝒎𝒂𝒏𝒖𝒏𝒖𝒍𝒂𝒕 𝒂𝒚 𝒑𝒂𝒕𝒖𝒍𝒐𝒚 𝒏𝒂 𝒅𝒂𝒅𝒂𝒍𝒐𝒚, 𝒎𝒂𝒈𝒎𝒖𝒎𝒖𝒍𝒂𝒕, 𝒂𝒕 𝒉𝒊𝒏𝒅𝒊 𝒏𝒂 𝒎𝒖𝒍𝒊𝒏𝒈 𝒑𝒊𝒑𝒊𝒌𝒊𝒕.

𝐀𝐧𝐠 𝐧𝐚𝐌𝐔𝐋𝐀𝐓 𝐚𝐲 𝐡𝐢𝐧𝐝𝐢 𝐧𝐚 𝐦𝐮𝐥𝐢𝐧𝐠 𝐩𝐢𝐩𝐢𝐤𝐢𝐭!

Bilang patuloy na pagtindig para sa 𝗠𝗔𝗟𝗔𝗬𝗔 at 𝗠𝗔𝗞𝗔𝗧𝗢𝗧𝗢𝗛𝗔𝗡𝗔𝗡𝗚 pamamahayag, inihahandog ng 𝐀𝐧𝐠 𝐃𝐚𝐥𝐮𝐲𝐚𝐧 ang 𝗶𝗸𝗮𝗮𝗽𝗮𝘁 𝗻𝗮 𝗱𝗶𝗵𝗶𝘁𝗮𝗹 𝗻𝗮 𝘀𝗶𝗽𝗶 na tampok ang mga 𝗶𝘀𝘆𝘂𝗻𝗴 𝗽𝗮𝗻𝗹𝗶𝗽𝘂𝗻𝗮𝗻 𝗮𝘁 𝗽𝗮𝗺𝗽𝗮𝗮𝗿𝗮𝗹𝗮𝗻 na tuwirang nakaaapekto sa mga mag-aaral.

Bawat pahina ay isinulat upang 𝗺𝗮𝗴𝗺𝘂𝗹𝗮𝘁 𝗻𝗴 𝗸𝗮𝗺𝗮𝗹𝗮𝘆𝗮𝗻 at maghatid ng 𝗱𝗶𝘄𝗮𝗻𝗴 𝘁𝗮𝗽𝗮𝘁 sa gitna ng mga umuusbong na 𝗸𝗮𝗵𝘂𝘄𝗮𝗱𝗮𝗻 𝗮𝘁 𝗸𝗮𝗯𝗮𝗹𝗶𝗻𝘁𝘂𝗻𝗮𝗮𝗻.

Ngayong ika-4 ng Marso 2026, halina’t saksihan ang 𝗽𝗮𝗴𝘀𝗮𝘀𝗮𝗽𝘂𝗯𝗹𝗶𝗸𝗼 ng 𝗽𝗮𝗻𝗶𝗯𝗮𝗴𝗼𝗻𝗴 𝗺𝘂𝗸𝗵𝗮 ng 𝐀𝐧𝐠 𝐃𝐚𝐥𝐮𝐲𝐚𝐧!

𝐈𝐬𝐚𝐧𝐠 𝐦𝐚𝐚𝐥𝐚𝐛 𝐧𝐚 𝐩𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐦𝐚𝐦𝐚𝐦𝐚𝐡𝐚𝐲𝐚𝐠 𝐧𝐠 𝐀𝐧𝐠 𝐃𝐚𝐥𝐮𝐲𝐚𝐧 𝐧𝐚 𝐧𝐚𝐠𝐰𝐚𝐠𝐢 𝐬𝐚 𝐢𝐬𝐢𝐧𝐚𝐠𝐚𝐰𝐚𝐧𝐠 𝟐𝟎𝟐𝟔 𝐂𝐥𝐮𝐬𝐭𝐞𝐫 𝐁𝐚𝐬𝐞𝐝 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬. 🎉

🥇𝑪𝒓𝒆𝒂𝒕𝒊𝒗𝒆 𝑷𝒂𝒊𝒏𝒕𝒊𝒏𝒈 𝑪𝒐𝒏𝒕𝒆𝒔𝒕
Unang Puwesto – Kylle A. Consad
Tagapagsanay: Bb. Romina S. Evangelista
DFOT Qualifier

🥇𝑷𝒐𝒑 𝑫𝒆𝒗–𝑷𝒐𝒑 𝑸𝒖𝒊𝒛
Unang Puwesto – Nikki C. Zamudio
Tagapagsanay: Bb. Geline T. Fajardo
DFOT Qualifier

🥇𝑫𝒐𝒌𝒚𝒖𝑾𝒆𝒏𝒕𝒐
Unang Puwesto
Ykho M. Giron
Luvi G. Binamira
Tagapagsanay: Bb. Iana Pauline G. Bulaong
DFOT Qualifiers

🥇𝑷𝒊𝒏𝒂𝑺𝒂𝒚𝒂𝒘
Unang Puwesto
Enrico Pascual
Gerardo Delfin Barretto
Tagapagsanay: G. Aljon B. Valenzuela
DFOT Qualifiers

🥈𝑺𝒐𝒏𝒈𝒘𝒓𝒊𝒕𝒊𝒏𝒈 𝑪𝒐𝒏𝒕𝒆𝒔𝒕
Ikalawang Puwesto – Nazh Ivler Gonzales
Tagapagsanay: Gng. Monica Alison A. Luza

🥉𝑨𝒅𝒗𝒐𝒄𝒂𝒄𝒚 𝑷𝒊𝒕𝒄𝒉
Ikatlong Puwesto – Kurt Laurence R. Villanueva
Tagapagsanay: Bb. Shiena May A. Carullo

🥉𝑷𝒓𝒐𝒋𝒆𝒄𝒕 𝑴𝒂𝒌𝒂𝒃𝒂𝒏𝒔𝒂
Ikatlong Puwesto– Rhian Marie C. Pramoso
Tagapagsanay: Bb. Regene T. Torres

Ang inyong husay, talino, at talento ang patuloy na nagpapatingkad sa pangalan ng ating paaralan hindi lamang sa larangan ng pamamahayag bagkus maging sa sining.

Ang buong patnugutan ay lubos kayong ipinagmamalaki.👏👏👏

𝐏𝐚𝐝𝐚𝐲𝐨𝐧, 𝐃𝐚𝐥𝐮𝐲𝐚𝐧 𝐉𝐨𝐮𝐫𝐊𝐧𝐨𝐰𝐬! ✨

𝐃𝐢𝐠𝐢𝐭𝐚𝐥 𝐋𝐚𝐲𝐨𝐮𝐭𝐢𝐧𝐠, 𝐓𝐚𝐦𝐩𝐨𝐤 𝐬𝐚 𝐈𝐤𝐚𝐥𝐚𝐰𝐚𝐧𝐠 𝐀𝐫𝐚𝐰 𝐧𝐠 𝐏𝐫𝐨𝐣𝐞𝐜𝐭 𝐃𝐈𝐆𝐌𝐀
Balita nina: Althea Reileen Ragsac at Catherine Roberto.
Larawan kuha ni: Ccier Ian Ceriales

Isinagawa kahapon, ika-11 ng Pebrero 2026, ang ikalawang araw ng pagpapatuloy ng Project DIGMA o Dihital na Galaw ng mga Mamamahayag, na naglalayong palawakin ang kaalaman at kasanayan ng mga mag-aaral sa larangan ng digital journalism.

Tampok na tagapagsalita si G. Wendell M. Reyes, School ICT Coordinator at Head Layout Artist ng Ang Daluyan. Sa kaniyang talakayan, ibinahagi niya ang mahahalagang kaalaman sa Digital News Paper Layouting, kabilang ang wastong pag-aayos ng ulo ng balita, larawan, teksto, at paggamit ng angkop na disenyo upang maging malinaw, organisado, at kaaya-aya ang isang digital na pahayagan.

Matapos ang talakayan, isinagawa ang isang aplikasyon kung saan inatasan ang lahat ng kalahok na lumikha ng kani-kanilang sariling layout. Layunin nitong masukat ang kanilang pag-unawa at malikhaing kakayahan sa pagdidisenyo ng isang digital na pahayagan.

Sa pagtatapos ng programa, itinampok ang isang awarding session kung saan kinilala ang mga natatanging kalahok. Itinanghal na mga wagi sina Zander Pepanio, Kylle Consad, at Khloe Jade Caniete dahil sa kanilang kahusayan at malikhaing presentasyon ng layout.

Naging masigla at makabuluhan ang ikalawang araw ng Project DIGMA, lalo na sa awarding session na nagbigay inspirasyon sa mga batang mamamahayag na higit pang paghusayin ang kanilang kasanayan sa digital na pamamahayag.