UP DOST Scholars' Association

Pagbati sa lahat ng 𝗨𝗣 𝗗𝗢𝗦𝗧 𝗦𝗔 members na matagumpay na naitawid ang 𝗜𝗸𝗮𝗹𝗮𝘄𝗮𝗻𝗴 𝗦𝗲𝗺𝗲𝘀𝘁𝗿𝗲 ng A.Y. 2025–2026! 💙💛

Bagaman hindi nasusukat ng mga numero ang tunay na halaga ng inyong mga pagsusumikap, nararapat lamang na kilalanin at ipagdiwang ang mga tagumpay na inyong nakamit. Kaya bilang pagpupuri, binabati namin kayo, lalong-lalo na ang mga Academic Achievers.

Academic achievers? More like academic weapons. 📚⚡

Nawa’y ipagpatuloy ang pag-alab ng puso sa karunungan ng may dangal, tapang, at dedikasyon. Lagi’t lagi para sa bayan.

Padayon, mga Iskolar ng Bayan!

𝗣𝗼𝘄𝗲𝗿𝗶𝗻𝗴 𝗛𝗼𝗽𝗲, 𝗢𝗻𝗲 𝗖𝗼𝗺𝗺𝘂𝗻𝗶𝘁𝘆 𝗮𝘁 𝗮 𝗧𝗶𝗺𝗲

Far-flung communities are often the last to receive assistance during disasters, leaving many without access to communication and essential services. For many families, staying connected can mean faster rescue, relief, and recovery.

Through Bangon Mindanao Network, we aim to provide 14 portable solar-powered charging stations to vulnerable barangays in General Santos City. These devices will be deployed to provide reliable source of power for communication and emergency coordination when communities need it most.

With a fundraising goal of ₱70,000, we can help ensure that communities remain connected during emergencies and recovery efforts.
Every contribution brings us closer to a more resilient and disaster-ready Mindanao.

Join us in this initiative and be part of the movement to power hope and strengthen communities. ⚡

𝗞𝗮𝗹𝗮𝘆𝗮𝗮𝗻𝗴 𝗣𝗶𝗻𝗮𝗽𝗮𝗻𝗴𝗮𝗿𝗮𝗽

Ngayong araw ginugunita ang ika-128 Anibersaryo ng kalayaan ng Pilipinas. Noong ikaw-12 Hunyo 1898 unang iwinagayway ang watawat ng Pilipinas sa Kawit, Cavite kasabay ng pagpapahayag ng kasarinlan ng bansa mula sa pananakop ng mga Kolonistang Espanyol.

Hindi malilimutan na ang panandaliang pagtamasa sa inaasam na kalayaan na ito ay muling ipinagkait nang lumusob ang noo’y umuusbong na puwersang imperyalista na Estados Unidos. Ang kanilang marahas na paggapi sa ating kasarinlan ay pilit na tinabunan ng mapagbalatkayong mga programa na nagpapangako ng pag-unlad.

At ngayon, bagaman “malaya” sa puntong may lokal na pamahalaang pinamumunuan ng mga Pilipino, mananatiling huwad ang kalayaang ito hangga’t patuloy ang panghihimasok ng mga imperyalistang puwersa gaya ng Tsina at Estados Unidos sa ating ekonomiya, politika, edukasyon, at maging sa mga kabuhayan.

Sa kasalukuyan, isang nakapangangambang kasunduan ang nabuo sa pagitan ni Marcos Jr. at ng Estados Unidos. Ang Pax Silica ay programang pinangungunahan ng imperyalistang U.S. upang makamit ang seguridad nito sa supply ng semi-conductors na kinakailangan sa pagbuo ng mga AI-systems at maging sa pagbuo ng mga kagamitang pandigma. Sa loob ng kasunduang ito ay ang pagbibigay ng 1,600 ektaryang lupa sa U.S.-Israel upang pagtayuan ng AI-native investment acceleration hub. Sa paglagda nito, nalalantad ang bansa sa mas malawak na operasyon ng pagmimina at land grabbing na siyang kakamkam ng ating mga likas na yaman gaya ng nickel, copper, chromite, at cobalt. Dahil sa kasalatan sa pambansang industriya, marahil ay magiging madali ang pananamantala ng mga industriyalisadong bansa. Ang Pilipinas ang ituturing na supplier ng hilaw na materyales habang mananatili pa rin sa mga dambuhalang korporasyon at makapangyarihang bansa ang pinakamalaking kita.

Bilang organisasyon na binubuo ng mga siyentista at mga inhinyero, ang UP DOST Scholars’ Association ay naniniwala na ang agham at teknolohiya ay nararapat na isinusulong upang pagsilbihan ang sambayanan. Ito ay nagsisilbi sa pagpapabuti ng buhay at hindi sa pagpapalaki ng kita at pagpaparami ng kagamitang pandigma.

Ang araw na ito ay mananatiling tanda, isang hamon upang kamtan ang diwang mapagpalaya na taglay ng mga Pilipinong nauna sa atin. Buong lakas at buong paninindigan nating isulong ang agham na tunay na makamasa at makakalikasan. Hanggat patuloy ang panghihimasok ng mga imperyalista, pang-aabuso ng mga elitista, at kawalan ng karapatan, hindi mawawala ang banta sa ating kasarinlan. Mananatiling huwad ang kalayaan.

𝐈𝐬𝐤𝐨𝐥𝐚𝐫 𝐧𝐠 𝐀𝐠𝐡𝐚𝐦 𝐚𝐭 𝐓𝐞𝐤𝐧𝐨𝐥𝐨𝐡𝐢𝐲𝐚, 𝐥𝐚𝐧𝐬𝐚𝐠𝐢𝐧 𝐚𝐧𝐠 𝐦𝐠𝐚 𝐩𝐮𝐰𝐞𝐫𝐬𝐚𝐧𝐠 𝐢𝐦𝐩𝐞𝐫𝐲𝐚𝐥𝐢𝐬𝐭𝐚. 𝐈𝐬𝐮𝐥𝐨𝐧𝐠 𝐚𝐧𝐠 𝐚𝐠𝐡𝐚𝐦 𝐧𝐚 𝐦𝐚𝐤𝐚𝐦𝐚𝐬𝐚!

𝐏𝐀𝐆𝐁𝐀𝐓𝐈 𝐒𝐀 𝐌𝐆𝐀 𝐁𝐀𝐆𝐎𝐍𝐆 𝐈𝐒𝐊𝐎𝐋𝐀𝐑 𝐍𝐆 𝐀𝐆𝐇𝐀𝐌 𝐀𝐓 𝐓𝐄𝐊𝐍𝐎𝐋𝐎𝐇𝐈𝐘𝐀!

Isang taos-pusong pagbati mula sa 𝗨𝗣 𝗗𝗢𝗦𝗧 𝗦𝗰𝗵𝗼𝗹𝗮𝗿𝘀’ 𝗔𝘀𝘀𝗼𝗰𝗶𝗮𝘁𝗶𝗼𝗻 para sa mga pumasa sa 𝟮𝟬𝟮𝟲 𝗗𝗢𝗦𝗧-𝗦𝗘𝗜 𝗨𝗻𝗱𝗲𝗿𝗴𝗿𝗮𝗱𝘂𝗮𝘁𝗲 𝗦𝗰𝗵𝗼𝗹𝗮𝗿𝘀𝗵𝗶𝗽𝘀 𝗘𝘅𝗮𝗺𝗶𝗻𝗮𝘁𝗶𝗼𝗻!

Sa panahong kinahaharap ng bansa ang samu’t saring hamon—mula sa krisis sa edukasyon, lumalalang epekto ng pagbabago ng klima, hanggang sa paglaganap ng maling impormasyon—mas lalong nagiging mahalaga ang papel ng agham at teknolohiya sa paglilingkod sa mamamayan.

Bilang mga bagong iskolar, mahalagang tandaan na ang pribilehiyong ito ay higit pa sa pinansyal na suporta o pagkilala sa husay sa akademya. Ito ay isang pamumuhunan ng sambayanan sa kabataang may kakayahang mag-ambag sa pag-unlad ng bansa. Kaakibat nito ang responsibilidad na gamitin ang ating kaalaman at kakayahan upang tugunan ang mga suliraning kinakaharap ng ating mga komunidad.

Sa inyong pagpasok sa iba’t ibang larangan ng agham at teknolohiya, nawa’y manatili kayong mapanuri, makatao, at nakaugat sa pangangailangan ng sambayanan. Ang agham ay hindi lamang para sa mga laboratoryo at silid-aralan; ito ay para sa mga magsasaka, manggagawa, g**o, estudyante, at lahat ng Pilipino.

Mga bagong iskolar, mayroon na kayong mas malakas na boses at mas malawak na komunidad na handang sumuporta sa inyo. Gamitin natin ang ating edukasyon hindi lamang para sa pansariling tagumpay kundi para sa kolektibong pag-unlad ng bayan.

𝙈𝙪𝙡𝙞, 𝙢𝙖𝙡𝙪𝙜𝙤𝙙 𝙣𝙖𝙢𝙞𝙣 𝙠𝙖𝙮𝙤𝙣𝙜 𝙗𝙞𝙣𝙖𝙗𝙖𝙩𝙞 𝙗𝙞𝙡𝙖𝙣𝙜 𝙢𝙜𝙖 𝙞𝙨𝙠𝙤𝙡𝙖𝙧 𝙣𝙜 𝙖𝙜𝙝𝙖𝙢, 𝙩𝙚𝙠𝙣𝙤𝙡𝙤𝙝𝙞𝙮𝙖, 𝙖𝙩 𝙗𝙖𝙮𝙖𝙣!

Para sa ating mga bagong iskolar ng agham, teknolohiya, at bayan, maaaring pakisagutan ang form na ito:

https://tinyurl.com/2026UPDOSTUGQualifiers
https://tinyurl.com/2026UPDOSTUGQualifiers
https://tinyurl.com/2026UPDOSTUGQualifiers

𝙂𝙖𝙢𝙞𝙩𝙞𝙣 𝙣𝙖𝙩𝙞𝙣 𝙖𝙣𝙜 𝙖𝙩𝙞𝙣𝙜 𝙢𝙜𝙖 𝙠𝙖𝙖𝙡𝙖𝙢𝙖𝙣 𝙨𝙖 𝙖𝙜𝙝𝙖𝙢 𝙖𝙩 𝙩𝙚𝙠𝙣𝙤𝙡𝙤𝙝𝙞𝙮𝙖, 𝙝𝙞𝙣𝙙𝙞 𝙡𝙖𝙢𝙖𝙣𝙜 𝙥𝙖𝙧𝙖 𝙨𝙖 𝙨𝙖𝙧𝙞𝙡𝙞, 𝙠𝙪𝙣𝙙𝙞 𝙥𝙖𝙧𝙖 𝙨𝙖 𝙗𝙖𝙮𝙖𝙣. 💙💛

𝗔𝗻𝗴 𝗹𝗮𝗯𝗮𝗻 𝗻𝗴 𝗺𝗴𝗮 𝗺𝗮𝗻𝗴𝗴𝗮𝗴𝗮𝘄𝗮 𝗮𝘆 𝗹𝗮𝗯𝗮𝗻 𝗻𝗴 𝗺𝗴𝗮 𝘀𝗶𝘆𝗲𝗻𝘁𝗶𝘀𝘁𝗮 𝗮𝘁 𝗶𝗻𝗵𝗶𝗻𝘆𝗲𝗿𝗼!

Ang agham at teknolohiya, mula sa isang konsepto ay kinakailangang hubugin at pandayin ng mga kamay ng uring manggagawa upang makamtan. Sa bawat disenyo at inobasyon, mababakas ang pawis at pagod ng mga manggagawang Pilipino. Kaya bilang mga Iskolar ng Agham at Teknolohiya, ang UP DOST Scholars’ Association ay mulat na kinikilala na ang aming edukasyon ay bunga ng buwis na kinakaltas sa kakarampot na sahod ng mga manggagawa, tsuper, at magsasaka.

Ang Mayo Uno sa Pilipinas ay hindi lang araw ng pagkilala sa uring manggagawa. Bagkus, ito ay nagbunga sa pakikibaka ng mga manggagawang Pilipino. Noong Ika-1 ng Mayo, 1903, humigit-kumulang sa 10,000 na manggagawa ang nagmartsa patungong Malacañang sa pangunguna ng Union Obrera Democratica Filipinas (UODF). Bitbit nila ang mga panawagan para sa makatarungan at nakabubuhay na sahod, at laban sa pang-aabuso at sa imperyalismong nagiging daan upang pagsamantalahan ng mga dayuhang korporasyon ang mga Pilipino.

Ngayon, 123 taon na ang nakalilipas mula noong unang iginiit ng mga manggagawa ang kanilang karapatan sa Malacañang, subalit patuloy pa rin ang pakikibaka para sa makatarungan at nakabubuhay na sahod. Sa kasalukuyan, ang umiiral na minimum wage sa National Capital Region ay ₱695 lamang. Malayo ito sa family living wage na tinukoy ng IBON Foundation na ₱1,266 kada araw para sa pamilyang may limang kasapi sa NCR. Ito ay manipestasyon ng malawakang panggigipit at pagkakait sa mga manggagawa ng kakayahang makamit ang mga pangangailangan ng kanilang mga pamilya.

Matatandaan nitong nagdaang Abril lamang ay nagkasa ng welga ang mga manggagawa ng Kowloon House sa West Avenue, Quezon City. Ito ay bunsod ng pagtanggi ng pamunuan sa ₱25 dagdag sahod at sa hindi nito pagbabayad sa service charge fee ng mga manggagawa na umabot na sa kalahating milyong piso. Bagaman ipinakita ng welga na ang organisado at nagkakaisang hanay ng mga manggagawa ay kayang mapaluhod ang mga ganid na nagkakait sa karapatan nila, hindi rito natatapos ang laban para sa makataong pagtrato sa mga manggagawa.

Sa kasalukuyan, patuloy ang panlulumpo sa kabuhayan ng higit na nakararaming Pilipino. Habang kinakaladkad ng gyerang agresyon ng US-Israel sa Iran ang mga manggagawang Pilipino patungo sa kahirapan, patuloy pa rin ang pagsisilbi ng pamahalaan sa interes ng mga dambuhalang korporasyon ng langis sa patuloy nitong pagpapatupad sa Oil Deregulation Law. Ramdam ng mga drayber at operator ng iba’t ibang anyo ng transportasyon ang dagok ng tumataas na presyo ng krudo. Pati ang mga karaniwang manggagawa ay hindi rin ligtas sa nagtataasang presyo ng bilihin at bayarin na sumisimot sa barat na minimum na pasahod.

Ang ganitong panggigipit ay umaabot din hanggang sa kanayunan. Hanggang ngayon, patuloy na sumisidhi ang malapyudal na pananamantala sa ating mga kababayan. Bukod sa sumisirit na presyo ng pataba at abono, ang malapyudal na pang-aalipin ng mga panginoong maylupa ang ilan sa mga pangunahing sanhi ng paghihirap ng ating mga magsasaka. Madalas silang sumasailalim sa “pakyawan” na isang porma ng kasunduan kung saan sumasahod ang mga magsasaka ng labis na mababang halaga para sa bulto-bultong trabahong walang anumang seguridad o benepisyo. Walang saysay ang anumang pananaliksik sa agrikultura kung ang mismong nagbubungkal ng lupa ay pinagkakaitan ng pag-aari nito at unti-unting pinapatay sa gutom ng mga panginoong maylupa at agri-corporations.

Ang UP DOST Scholars’ Association ay hindi mananatiling tahimik sa gitna ng krisis. Mariin naming kinokondena ang patuloy na pambubusabos sa uring manggagawa dulot ng kapabayaan ng estado. Kami ay nananawagang ipatupad ang national living wage at wakasan ang lahat ng anyo ng kontraktwalisayon, ibasura ang Oil Deregulation Law, at isulong ang pambansang industriyalisasyon at tunay na reporma sa lupa.

𝙂𝙖𝙢𝙞𝙩𝙞𝙣 𝙖𝙣𝙜 𝙖𝙜𝙝𝙖𝙢 𝙖𝙩 𝙩𝙚𝙠𝙣𝙤𝙡𝙤𝙝𝙞𝙮𝙖 𝙪𝙥𝙖𝙣𝙜 𝙗𝙪𝙢𝙪𝙤 𝙣𝙜 𝙥𝙖𝙢𝙗𝙖𝙣𝙨𝙖𝙣𝙜 𝙞𝙣𝙙𝙪𝙨𝙩𝙧𝙞𝙮𝙖𝙣𝙜 𝙗𝙪𝙗𝙪𝙤 𝙣𝙜 𝙢𝙜𝙖 𝙩𝙧𝙖𝙗𝙖𝙝𝙤𝙣𝙜 𝙩𝙪𝙩𝙪𝙜𝙤𝙣 𝙨𝙖 𝙥𝙖𝙣𝙜𝙖𝙣𝙜𝙖𝙞𝙡𝙖𝙣𝙜𝙖𝙣 𝙣𝙜 𝙢𝙖𝙣𝙜𝙜𝙖𝙜𝙖𝙬𝙖𝙣𝙜 𝙋𝙞𝙡𝙞𝙥𝙞𝙣𝙤!

𝙎𝘾𝙄𝙀𝙉𝘾𝙀 𝘽𝙄𝙏𝙀𝙎
𝙁𝙡𝙮 𝙢𝙚 𝙩𝙤 𝙩𝙝𝙚 𝙈𝙤𝙤𝙣: 𝘼𝙣𝙜 𝙈𝙖𝙠𝙖𝙨𝙖𝙮𝙨𝙖𝙮𝙖𝙣𝙜 𝙋𝙖𝙜𝙗𝙖𝙡𝙞𝙠 𝙣𝙜 𝙏𝙖𝙤 𝙨𝙖 𝘽𝙪𝙬𝙖𝙣

Nitong nagdaang Abril 11, 2026, matagumpay na lumapag sa Karagatang Pasipiko ang Orion spacecraft lulan ang apat na astronaut ng Artemis II. Ang sampung-araw na misyong ito ang itinuturing na pinakamahalagang milestone sa space exploration sa nakalipas na 50 taon. Bakit nga ba naging usap-usapan ang misyong ito sa buong mundo, at ano ang mga rekord na naitala mula rito?

Ayon sa opisyal na ulat ng NASA, ang Artemis II ang kauna-unahang crewed mission na lumampas sa low Earth orbit mula noong Apollo 17 noong 1972. Gamit ang dambuhalang Space Launch System (SLS) rocket, matagumpay na naipadala ang Orion spacecraft palibot sa Buwan. Sa misyong ito, naitala ng apat na astronaut ang bagong rekord para sa pinakamalayong distansya na narating ng tao mula sa Daigdig—mahigit 406,771 kilometro (252,756 miles), na tumalo sa dating rekord ng Apollo 13.

Kilalanin ang mga mukha sa likod ng terminong “Moon Joy”:

𝗖𝗼𝗺𝗺𝗮𝗻𝗱𝗲𝗿 𝗥𝗲𝗶𝗱 𝗪𝗶𝘀𝗲𝗺𝗮𝗻 – Ang namuno sa operasyon at naging pinakamatandang tao na nakarating sa orbit ng Buwan.

𝗣𝗶𝗹𝗼𝘁 𝗩𝗶𝗰𝘁𝗼𝗿 𝗚𝗹𝗼𝘃𝗲𝗿 – Ang kauna-unahang Black astronaut na lumipad patungo sa Buwan.

𝗠𝗶𝘀𝘀𝗶𝗼𝗻 𝗦𝗽𝗲𝗰𝗶𝗮𝗹𝗶𝘀𝘁 𝗖𝗵𝗿𝗶𝘀𝘁𝗶𝗻𝗮 𝗞𝗼𝗰𝗵 – Ang unang babae na nakasama sa lunar mission.

𝗠𝗶𝘀𝘀𝗶𝗼𝗻 𝗦𝗽𝗲𝗰𝗶𝗮𝗹𝗶𝘀𝘁 𝗝𝗲𝗿𝗲𝗺𝘆 𝗛𝗮𝗻𝘀𝗲𝗻 – Ang unang non-US citizen (Canadian) na nakarating sa deep space.

𝗥𝗶𝘀𝗲 – Isang zero gravity indicator na mascot at dinisenyo ng isang Grade 3 student kalakip nito ang milyon-milyong mga pangalan na isinumite ng mga tao sa NASA.

𝘈𝘯𝘰 𝘢𝘯𝘨 𝘯𝘢𝘱𝘢𝘵𝘶𝘯𝘢𝘺𝘢𝘯 𝘯𝘨 𝘮𝘪𝘴𝘺𝘰𝘯𝘨 𝘪𝘵𝘰?

Sa loob ng halos 10 araw, sinubok ng mga astronaut ang mga kritikal na sistema ng Orion, kabilang ang life support at komunikasyon. Ayon sa inisyal na pagsusuri ng NASA nitong Abril 20, ang heat shield ng Orion ay naging matatag sa kabila ng matinding init habang muling pumapasok sa atmospera na mas mabilis nang 35 beses sa bilis ng tunog.

Ang tagumpay ng Artemis II ay hindi lamang isang pagbisita sa ating natural na satellite; ito ang nagsisilbing "green light" para sa Artemis III, kung saan nakaplano na ang muling pagtapak ng tao sa Buwan (lunar surface) sa susunod na taon.

Sa pagbabalik ng mga astronaut sa White House ngayong linggo upang makipagpulong sa pangulo, dala nila ang mensahe ng pag-asa at pagkakaisa. Ang Artemis II ay patunay na ang pangarap nating maabot ang kalawakan ay hindi na lamang science fiction, kundi isang realidad na unti-unti nating binubuo.

Caption by: Marcus James Tayo
Pub by: Medina Fe Palmera
Pub Template by: Christopher John Sumilang, Jhon Henson Jacalne

Haven’t registered yet for our free online CETs Review Sessions? Today is da day!

𝗔𝗿𝗮𝗟𝗮𝘆𝗮 signup form will accept responses until 𝟭𝟭:𝟱𝟵 𝗣𝗠 𝘁𝗼𝗱𝗮𝘆, 𝗔𝗽𝗿𝗶𝗹 𝟯𝟬, 𝟮𝟬𝟮𝟲. This program will consist of 10 sessions every Saturday (2-4 PM) from 𝗠𝗮𝘆 𝟬𝟮 𝘁𝗼 𝗝𝘂𝗹𝘆 𝟮𝟱, 𝟮𝟬𝟮𝟲.

Don’t miss your chance! Sign-up now using the link or scan the QR code below 🥸👇

𝓢𝓾𝓬𝓬𝓮𝓼𝓼𝓯𝓾𝓵𝓵𝔂 𝓲𝓷𝓽𝓮𝓰𝓻𝓪𝓽𝓮𝓭!

Last night, scholars gathered to navigate the complexities of multivariable calculus during our 𝗠𝗮𝘁𝗵 𝟮𝟯 𝗥𝗲𝘃𝗶𝗲𝘄 𝗦𝗔𝘀𝘀𝗶𝗼𝗻, in collaboration with the 𝗗𝗶𝗹𝗶𝗺𝗮𝗻 𝗟𝗲𝗮𝗿𝗻𝗶𝗻𝗴 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿.

Thank you to everyone who joined us at the Student Union Building! We hope this session left you feeling more confident and less "curled" up in stress.

Good luck with Math 23 LE 3, scholars!

Feeling like your study load is increasing at a ᴛʀɪᴘʟᴇ ʀᴀᴛᴇ? 🧊

Whether you’re stuck in Rectangular, Cylindrical, or Spherical coordinates, we’re here to help you integrate it all!

Join us for the 𝗠𝗮𝘁𝗵 𝟮𝟯 𝗥𝗲𝘃𝗶𝗲𝘄 𝗦𝗔𝘀𝘀𝗶𝗼𝗻 as we tackle Unit 3 together in partnership with the 𝗗𝗶𝗹𝗶𝗺𝗮𝗻 𝗟𝗲𝗮𝗿𝗻𝗶𝗻𝗴 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿. We’ll cover everything from Mass calculations to Line Integrals, ensuring you’re ready to face LE 3 with confidence.

📅 Date: April 20, 2026
⏰ Time: 06:00 PM - 08:00 PM
📍 Venue: Room 417, 4th Floor, Student Union Building

Don't let the workload curl you up in stress; let's solve it together! The registration link is in the comments.

𝔸𝕔𝕥𝕚𝕧𝕒𝕥𝕚𝕠𝕟 𝔼𝕟𝕖𝕣𝕘𝕪: 𝕃𝕠𝕨𝕖𝕣𝕖𝕕,
𝕌𝕟𝕕𝕖𝕣𝕤𝕥𝕒𝕟𝕕𝕚𝕟𝕘 𝕚𝕟 ℂ𝕙𝕖𝕞 ℂ𝕠𝕟𝕔𝕖𝕡𝕥𝕤: 𝕀𝕟𝕔𝕣𝕖𝕒𝕤𝕖𝕕!

The 𝗨𝗣 𝗗𝗢𝗦𝗧 𝗦𝗔, in partnership with the 𝗗𝗶𝗹𝗶𝗺𝗮𝗻 𝗟𝗲𝗮𝗿𝗻𝗶𝗻𝗴 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿 (𝗗𝗟𝗥𝗖), successfully conducted the 𝗖𝗵𝗲𝗺 𝟭𝟲 𝗟𝗘 𝟮 𝗥𝗲𝘃𝗶𝗲𝘄 𝗦𝗔𝘀𝘀𝗶𝗼𝗻 last Wednesday at Room 415, Student Union Building! A huge thank you to everyone who joined and to our volunteers for making the session a 𝙝𝙞𝙜𝙝𝙡𝙮 𝙛𝙖𝙫𝙤𝙧𝙖𝙗𝙡𝙚 one! 💥

Best of luck on your exams today! May your confidence level be as stable as a noble gas. 🧪