Kaliwanagan National High School

𝗨𝗻𝗮𝗻𝗴 𝗔𝗿𝗮𝘄 𝗻𝗴 𝗣𝗮𝘀𝘂𝗸𝗮𝗻 | 𝗦.𝗬. 𝟮𝟬𝟮𝟲–𝟮𝟬𝟮𝟳

Malugod na tinatanggap ng Kaliwanagan National High School ang lahat ng mag-aaral sa pagbubukas ng Taong Panuruan 2026–2027.

Nawa’y maging daan ang taong ito sa mas makabuluhang pagkatuto, paghubog ng mabuting pagkatao, at pagkamit ng mga pangarap. Sa sama-samang pagtutulungan ng paaralan, mga magulang, at komunidad, patuloy nating isusulong ang de-kalidad na edukasyon para sa lahat.

Maligayang pagbubukas ng Taong Panuruan 2026–2027!

𝗗𝗮𝘆 𝟱 | 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲

Sa ikalimang araw ng Brigada Eskwela 2026, patuloy na naipamalas ang diwa ng bayanihan, pagkakaisa, at malasakit ng buong komunidad ng Kaliwanagan National High School.

Sa pakikiisa ng mga g**o, magulang, mag-aaral at iba pang stakeholders, naging matagumpay ang mga gawaing naglalayong ihanda ang paaralan para sa panibagong taong panuruan.

Kaakibat ng temang “Bayanihan sa Paaralan: Nagkakaisa para sa Kaayusan at Kaalaman,” ang bawat ambag, oras, at pagsisikap ay naging mahalagang bahagi sa pagpapanatili ng isang ligtas, maayos, at kaaya-ayang kapaligiran sa pagkatuto.

Taos-pusong pasasalamat sa lahat ng patuloy na sumusuporta at nakikibahagi sa mga gawain ng paaralan. Ang inyong dedikasyon at malasakit ay patunay na sa pagkakaisa, mas nagiging matatag at handa ang ating paaralan para sa kapakinabangan ng bawat mag-aaral.

𝗗𝗮𝘆 𝟰 | 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲

Ikaapat na araw ng sama-samang pagkilos, paglilingkod, at bayanihan para sa paghahanda ng Kaliwanagan National High School sa panibagong taong panuruan.

Maraming salamat sa lahat ng mga volunteer at stakeholders na patuloy na nagbibigay ng kanilang oras, lakas, at suporta. Tunay na sa pagkakaisa, nagiging posible ang mas maayos at mas handang paaralan para sa ating mga mag-aaral.

𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔 | 𝐃𝐚𝐲 𝟑

Patuloy na ipinapamalas ng mga g**o, magulang, mag-aaral, at mga katuwang ng paaralan ang diwa ng bayanihan sa ikatlong araw ng Brigada Eskwela 2026 sa Kaliwanagan National High School.

Sa pamamagitan ng sama-samang pagtutulungan at boluntaryong paglilingkod, unti-unting naihahanda ang paaralan upang matiyak ang isang ligtas, malinis, at kaaya-ayang kapaligiran para sa pagbubukas ng klase.

Lubos ang aming pasasalamat sa lahat ng nakiisa at patuloy na sumusuporta sa mga gawain ng paaralan. Ang inyong oras, pagsisikap, at malasakit ay mahalagang ambag sa paghubog ng mas maayos na kinabukasan para sa ating mga mag-aaral.

𝐒𝐚𝐦𝐚-𝐬𝐚𝐦𝐚 𝐩𝐚𝐫𝐚 𝐬𝐚 𝐌𝐀𝐓𝐀𝐓𝐀𝐆 𝐧𝐚 𝐏𝐚𝐚𝐫𝐚𝐥𝐚𝐧, 𝐌𝐀𝐓𝐀𝐓𝐀𝐆 𝐧𝐚 𝐊𝐨𝐦𝐮𝐧𝐢𝐝𝐚𝐝, 𝐚𝐭 𝐌𝐀𝐓𝐀𝐓𝐀𝐆 𝐧𝐚 𝐊𝐢𝐧𝐚𝐛𝐮𝐤𝐚𝐬𝐚𝐧.

𝐌𝐎𝐍𝐈𝐓𝐎𝐑𝐈𝐍𝐆 𝐎𝐅 𝐒𝐂𝐇𝐎𝐎𝐋 𝐏𝐑𝐄𝐏𝐀𝐑𝐄𝐃𝐍𝐄𝐒𝐒 𝐎𝐍 𝐋𝐄𝐀𝐑𝐍𝐈𝐍𝐆 𝐑𝐄𝐒𝐎𝐔𝐑𝐂𝐄𝐒

Lubos na nagpapasalamat ang Kaliwanagan National High School sa SDO Monitoring Team sa matagumpay na pagsasagawa ng pagsusuri sa kahandaan ng paaralan sa mga kagamitang panturo at pampagkatuto.

Taos-pusong pasasalamat kay 𝐌𝐚’𝐚𝐦 𝐒𝐡𝐞𝐫𝐚𝐥𝐲𝐧 𝐌. 𝐀𝐥𝐥𝐚𝐬, 𝐏𝐡𝐃 sa kanyang naging pamumuno bilang dating Monitoring EPS In-Charge ng KNHS, at malugod na pagbati at pagtanggap kay 𝐒𝐢𝐫 𝐋𝐨𝐫𝐝𝐞𝐧𝐧𝐢𝐬 𝐓. 𝐋𝐞𝐨𝐧𝐚𝐫𝐝𝐨, 𝐏𝐡𝐃 bilang bagong Monitoring EPS In-Charge.

Ang inyong gabay at suporta ay malaking ambag sa patuloy na pagpapabuti ng kalidad ng paghahandang pang-akademiko ng paaralan.

Maraming salamat po.

𝐇𝐄𝐀𝐋𝐓𝐇 𝐓𝐀𝐋𝐊 | 𝐉𝐮𝐧𝐞 𝟑, 𝟐𝟎𝟐𝟔

Bilang bahagi ng patuloy na pagtataguyod ng kalusugan at kalinisan sa paaralan, nagsagawa ng Health Talk ang Kaliwanagan National High School para sa mga mag-aaral.

Tinalakay ni Nurse Ana Rosa D. Panahon, DOH Nurse mula sa City Health Office, ang mahahalagang paksa tungkol sa kahalagahan ng deworming, wastong kalinisan ng katawan, pag-iwas sa dengue, tamang paghuhugas ng kamay at pagsisipilyo, gayundin ang pagsasagawa ng classroom monitoring at checking.

Layunin ng gawaing ito na mapalawak ang kaalaman at kamalayan ng mga mag-aaral hinggil sa pangangalaga ng kanilang kalusugan upang maisulong ang isang ligtas, malinis, at malusog na kapaligiran sa pag-aaral.

Lubos na nagpapasalamat ang Kaliwanagan National High School sa 𝐂𝐢𝐭𝐲 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 at kay 𝐍𝐮𝐫𝐬𝐞 𝐀𝐧𝐚 𝐑𝐨𝐬𝐚 𝐃. 𝐏𝐚𝐧𝐚𝐡𝐨𝐧 sa pagbabahagi ng mahalagang kaalaman para sa kapakanan ng ating mga mag-aaral.

𝐒𝐀𝐌𝐀-𝐒𝐀𝐌𝐀𝐍𝐆 𝐏𝐀𝐆𝐇𝐀𝐇𝐀𝐍𝐃𝐀 𝐏𝐀𝐑𝐀 𝐒𝐀 𝐏𝐀𝐆𝐁𝐔𝐁𝐔𝐊𝐀𝐒 𝐍𝐆 𝐊𝐋𝐀𝐒𝐄

Taos-pusong nagpapasalamat ang Kaliwanagan National High School kina Hon. Ricardo Canoza, Punong Barangay ng Barangay Kaliwanagan, at Hon. Regina Canoza sa kanilang patuloy na suporta at aktibong pakikiisa sa mga programa at gawain ng paaralan.

Lubos naming pinahahalagahan ang kanilang pamumuno sa isinagawang pagpupulong kaugnay ng Brigada Eskwela, na nagpatibay sa ugnayan ng paaralan at komunidad tungo sa mas maayos at handang pagbubukas ng klase.

Ang kanilang walang sawang suporta at malasakit ay patunay ng diwa ng bayanihan para sa kapakanan ng ating mga mag-aaral at ng buong komunidad.

Maraming salamat po sa inyong patuloy na pakikipagtulungan at dedikasyon sa paglilingkod. Nawa’y manatiling matatag ang ugnayan ng paaralan at Barangay Kaliwanagan para sa ikauunlad ng edukasyon.

Mabuhay po kayo!

𝗗𝗮𝘆 𝟮 | 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲 💚🏫

Patuloy ang diwa ng bayanihan sa ikalawang araw ng Brigada Eskwela 2026 sa Kaliwanagan National High School.

Maraming salamat sa inyong walang sawang suporta, oras, at malasakit. Ang bawat ambag, gaano man kaliit, ay malaking hakbang tungo sa mas ligtas, mas maayos, at mas kaaya-ayang kapaligiran sa pagkatuto.

Sama-sama nating ipagpatuloy ang bayanihan para sa kinabukasan ng bawat mag-aaral!