GHSS Gandigar Upper Dir

تمام والدین کی خدمت میں اطلاع ہے کہ گورنمنٹ سکولوں میں فرسٹ سمسٹر کے امتحانات جاری تھے، تاہم محرم الحرام کی تعطیلات کی وجہ سے امتحانات کی ڈیٹ شیٹ میں تبدیلی کی گئی ہے۔

نظرِ ثانی شدہ (Revised) ڈیٹ شیٹ آپ کے ساتھ شیئر کر دی گئی ہے۔ لہٰذا تمام والدین سے گزارش ہے کہ نئی ڈیٹ شیٹ کے مطابق اپنے بچوں کو امتحان کے لیے تیار کریں اور مقررہ تاریخوں پر ان کی حاضری یقینی بنائیں۔

جناب ضیاء الدین صاحب (کنٹرولر امتحانات) کی نگرانی اور سربراہی میں سکول ہذا کے 1st Term امتحان نہایت شفاف، منظم اور پُرامن ماحول میں منعقد ہوئے۔
امتحان کا انعقاد مکمل طور پر بورڈ پیٹرن کے مطابق کیا گیا، جہاں امتحانی قواعد و ضوابط پر سختی سے عمل درآمد کو یقینی بنایا گیا۔ طلبہ نے نظم و ضبط اور سنجیدگی کا مظاہرہ کرتے ہوئے امتحان میں حصہ لیا جبکہ تدریسی و انتظامی عملے نے اپنی ذمہ داریاں احسن انداز میں انجام دیں۔

انا للہ وانا الیہ راجعون
​"کل نفس ذائقة الموت"
​نہایت ہی افسوسناک خبر ہے کہ محترم ایوب (SST IT) سکول ہذا کی اہلیہ محترمہ اس فانی دنیا سے رخصت فرما گئی ہیں۔
​مرحومہ کا تعلق: گندیگار
​نماز جنازہ آج بمورخہ 20 مئی 2026، 4:00 بجے
​مقام لارے شہید گندیگار میں ادا کیا جائے گا۔۔
​اللہ پاک سے دعا ہے کہ وہ مرحومہ کی کامل مغفرت فرمائے، انہیں جنت الفردوس میں اعلیٰ مقام عطا کرے اور ایوب صاحب سمیت تمام پسماندگان کو یہ عظیم صدمہ برداشت کرنے کا حوصلہ اور صبرِ جمیل دے۔ آمین۔

لاسٹ ورکنگ ڈے پر پرنسپل صاحب کی زیر صدارت ایس ایس صاحبان کے ساتھ ایک تفصیلی اجلاس منعقد ہوا، جس میں آنے والا امتحان اور آئندہ تعلیمی سیشن کے حوالے سے اہم امور پر گفتگو کی گئی۔

اجلاس میں سالانہ امتحان کی تیاری اور شفاف انعقاد کو یقینی بنانے پر زور دیا گیا۔

طلبہ کی کارکردگی کو بہتر بنانے کے لیے موثر تدریسی حکمت عملیوں پر تبادلہ خیال کیا گیا۔

آئندہ تعلیمی سیشن کے لیے نصاب کی بروقت تکمیل، نظم و ضبط اور تعلیمی معیار کو مزید بہتر بنانے کے عزم کا اظہار کیا گیا۔

فرسٹ ائیر اور سیکنڈ ائیر کے طلبہ اپنے رولنمبر سلپ4/5/2026 کو عبدالباری سے حاصل کریں

آج سکول میں ہنگامی بنیادوں پر ایک اہم اجلاس کا انعقاد کیا گیا۔ پرنسپل صاحب نے اپنے خطاب میں قرآن پاک کی آیت "وذكرْ فان الذكرى تنفع المومنين" کا حوالہ دیتے ہوئے نصیحت اور رہنمائی کی اہمیت کو اجاگر کیا۔ اس کے ساتھ ساتھ حقوق العباد پر بھی خصوصی زور دیا گیا۔
اجلاس میں درج ذیل اہم نکات زیر بحث آئے
کورس کا تفصیلی جائزہ لیا گیا اور اس بات پر زور دیا گیا کہ سمسٹر کے مطابق کورس ہر صورت مکمل کیا جائے۔
بورڈ ڈیوٹی کے لیے صرف پرنسپل صاحب ہی اساتذہ کا انتخاب کریں گے، جبکہ آئندہ کے لیے بھی تفصیلی لائحہ عمل پیش کیا گیا۔
آمد، روانگی اور کلاس کے اوقات کی سختی سے پابندی کی ہدایت کی گئی اور اس معاملے میں کسی قسم کا سمجھوتہ نہ کرنے پر زور دیا گیا۔
کلاس ڈسپلن کو یقینی بنانے کی تاکید کی گئی۔
دوران تدریس وائٹ بورڈ کا استعمال لازمی قرار دیا گیا، ہوم ورک دینے کی ہدایت کی گئی اور کرسی پر بیٹھ کر پڑھانے سے سختی سے منع کیا گیا۔
سمسٹر میں ایک ماہ باقی رہ جانے کے پیش نظر کورس کی پیش رفت کو لازمی قرار دیا گیا۔
اساتذہ کو ہدایت دی گئی کہ اپنی ذاتی ضروریات جمعہ، ہفتہ اور اتوار کے دنوں میں مکمل کریں، جبکہ ایمرجنسی کی صورت میں
درخواست بھیجنے کا رواج ختم کرے۔۔پرنسپل صاحب سے رابطہ کریں۔
آخر میں ہدایت دیتے ہوئے کہا گیا کہ آج کا بچہ کل کا باپ ہے، اس سوچ کے ساتھ اس کی تربیت کی جائے۔ ویکینڈ پیریڈز میں اپنے پیریڈ سے بڑھ کر توجہ دینے کی بھی تاکید کی گئی۔
مزید برآں، مسٹر جمیل صاحب، مسٹر باچا خان صاحب اور مسٹر ضیاء الدین صاحب کو ڈسپلن کمیٹی کے ممبرز مقرر کیا گیا۔
نماز پر خصوصی توجہ دینے اور مارننگ اسمبلی کی سرگرمیوں میں ہر استاد کی شرکت کو یقینی بنانے کی ہدایت بھی جاری کی گئی۔
#ایڈمن فرمان احمد