Balochistan Teacher Forum

جیلیں، معطلیاں اور دھمکیاں عارضی ہیں،
مگر حاصل ہونے والے حقوق نسلوں تک یاد رہتے ہیں۔
اپنے ساتھیوں کو تنہا نہ چھوڑیں، کیونکہ متحد ملازمین کو کوئی شکست نہیں دے سکتا۔

حق اور اساتذہ کے حقوق کے لیے آواز اٹھانے پر ہمارے قائدین کی قربانیوں کو خراج تحسین پیش کرتے ہیں ان شاءاللہ انکی یہ جدوجہد کامیابی تک جاری رہے گی۔

حکومت بلوچستان نے بھی 25 اور 26 جون بروز جمعرات اورجمعہ کو عام تعطیل کا اعلان

*بلوچستان گرینڈ الائنس اعلامیہ*

آج بلوچستان گرینڈ الائنس (BGA) کی کور کمیٹی کا ایک اہم اجلاس زیرِ صدارت آرگنائزر بلوچستان گرینڈ الائنس، پروفیسر عبدالقدوس کاکڑ منعقد ہوا۔ اجلاس میں جاری احتجاجی تحریک کا تفصیلی جائزہ لیا گیا۔ تحریک کے مختلف پہلوؤں، موجودہ صورتحال اور آئندہ کے لائحہ عمل پر تفصیلی غور و خوض اور بحث و مباحثہ کے بعد درج ذیل فیصلے متفقہ طور پر کیے گئے:

*1۔ پورے بلوچستان میں لاک ڈاؤن جاری رہے گا۔* تمام ضلعی آرگنائزنگ کمیٹیوں کو سختی سے ہدایت کی گئی ہے کہ وہ لاک ڈاؤن کو مکمل طور پر کامیاب اور مؤثر بنانے کے لیے ضلعی سطح پر خصوصی کمیٹیاں تشکیل دیں۔ ملازمین کو یہ یقین دلایا جائے کہ وہ اس تحریک کے ساتھ وابستہ رہیں کیونکہ یہ تحریک صرف تنظیموں ہی نہیں بلکہ تمام ملازمین کے حقوق، وقار اور بقا کی تحریک ہے۔

*2۔ کوئٹہ کی اہمیت کے پیش نظر* فیصلہ کیا گیا کہ ضلعی سطح پر تحریک کے امور کو مزید مؤثر بنانے کے لیے کوئٹہ کی ضلعی آرگنائزنگ کمیٹی ازسرِ نو تشکیل دی جائے گی۔
3۔ اجلاس نے فیصلہ کیا کہ *پورے بلوچستان میں ضلعی آرگنائزنگ کمیٹیاں وفود کی صورت میں اپنے اپنے علاقوں کے عوامی نمائندوں* بشمول اراکینِ صوبائی اسمبلی، اراکینِ قومی اسمبلی، سینیٹرز اور وزراء سے ملاقات کریں گی۔ ان ملاقاتوں میں ملازمین کے ساتھ جاری ناروا سلوک، ظلم و جبر اور انتقامی کارروائیوں سے آگاہ کیا جائے گا، متعلقہ حکام سے اس کا نوٹس لینے کا مطالبہ کیا جائے گا، اور ملازمین کی جانب سے مجبوری کے تحت اختیار کیے جانے والے ممکنہ سخت اقدامات سے بھی آگاہ کیا جائے گا۔
4۔ اجلاس میں فیصلہ کیا گیا کہ *محرم الحرام کے بعد تحریک کے اگلے مرحلے میں مزید سخت اقدامات* کیے جائیں گے، جن کا باقاعدہ اعلان محرم الحرام کے بعد کیا جائے گا۔
5۔ اجلاس میں یہ بھی فیصلہ کیا گیا کہ *تحریک کو مزید مؤثر اور منظم بنانے کے لیے تمام تنظیمیں مالی معاونت 20 ہزار روپے فی الفور جناب عزت اللہ کے پاس جمع کروائیں* تاکہ تحریک کے انتظامی اور تنظیمی امور کو بہتر انداز میں چلایا جا سکے۔

اجلاس نے اس عزم کا اعادہ کیا کہ بلوچستان کے ملازمین کے جائز حقوق کے حصول، تنظیموں کے تحفظ اور ملازمین کے وقار کی بحالی تک جدوجہد ہر صورت جاری رکھی جائے گی۔

*جاری کردہ:*
*مرکزی میڈیا سیل*
*بلوچستان گرینڈ الائنس*

سکول بند، دفاتر بند، ملازمین جیلوں میں...
اور وزیراعلیٰ صاحب پنجاب اور اسلام آباد کے اخبارات میں اشتہار دے رہے ہیں کہ "بلوچستان کا عہد"! 😄
لگتا ہے بلوچستان کے عوام کو نہیں، پنجاب والوں کو قائل کرنا زیادہ ضروری ہے۔

بلوچستان گرینڈ الائنس کے احتجاج کے پیش نظر تمام دفاتر اور تعلیمی ادارے بند ہیں جو کھلے ہیں وہاں تعلیمی سلسلہ درس و تدریس کا سلسلہ منقطع ہے اور حکومت کا مقصد بھی یہی ہے

صرف بلوچستان والوں کے ساتھ ظلم ہو رہا ہے ۔۔