Noor Ul Quran Online Academy

تین مشکلات اور تین حل

1- اگر آپ شہوت میں مبتلا ہیں تو اپنی نماز میں تجدیدِ نظر كریں ، ضرور نماز میں سستی کرتے ہوں گے۔

قرآن کریم میں باری تعالیٰ کا ارشاد ہے:
فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَات
پھر ان کے بعد ايسے نااہل لوگ آئے، جنہوں نے نماز کو ضائع کیا اور خواہشات کی پیروی کی ۔

2- اگر آپ عدم توفیق اور بدبختی کا شکار ہیں تو اپنی والدہ محترمہ کے ساتھ آپ کا سلوک درست نہیں ہے ، لہذا اپنی والدہ کے ساتھ اپنا سلوک درست کریں ۔

قرآن کریم میں باری تعالیٰ کا ارشاد ہے :
وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا
اور اپنی والدہ کے ساتھ حُسن سلوک کرنے والا بنایا ہے اور ظالم و بدبخت نہیں بنایا ۔

3- اگر آپ رزق کی تنگی اور زندگی کی مشکلات میں مبتلا ہیں تو قرآن کریم کے ساتھ اپنا تعلق اور رابطہ درست كریں ۔

قرآن کریم میں باری تعالیٰ کا ارشاد ہے :
وَمَنْ أَعْرَضَ عَنْ ذِكْرِی فَإِنَّ لَهُ مَعِيشَةً ضَنْكًا
اور جو میرے ذکر (قرآن ) سے اعراض کرے گا، اس کے لیے اس کی زندگی تنگ ہوجائے گی.

نماز کی پابندی، والدین کی خدمت اور قرآن سے مضبوط تعلق—یہ وہ قرآنی نسخے ہیں جو انسان کی دنیا و آخرت سنوار دیتے ہیں۔
اللّٰه تعالی ہم سب کو ان قرآنی ھدایات پر عمل پیرا ہونے کی توفیق عطا فرمائے.
آمین ثم آمین یارب العالمین۔

کاپی