Bait -ul-Rida online Quran Aqadmi

*عشرہ ذی الحجہ*
۔۔۔ اللہ رب العلمین نے "والفجر ولیال عشر" میں اس راتوں کی قسم کھا کر ان کی عظمت کو بڑھادیا ہے۔وہ ایام کہ جن میں اللہ رب العزت نے ذکر کی کثرت کی ترغیب دی یے (واذکرواللہ فی ایام معدودات ۔۔۔ )
الحمد للہ ہم نیکیوں کی کمائی کے سیزن میں داخل ہو ہیں ۔۔۔ یہ دن مٹی کو سونا بنانے والے دن ہیں ۔۔۔اسلام کے اہم اور عظیم ارکان (حج،قربانی) اس مبارک ماہ میں ادا کیے جاتے ہیں
ایک نیکی کئی گنا بڑھ کر اجر و ثواب کا باعث ہے ۔۔۔ہر رات لیلۃ القدر کے برابر ہے ۔۔۔ بعض حضرات نے ان دس راتوں کو رمضان المبارک سے افضل اور قیمتی قرار دیا ہے۔ اسلاف نے ان راتوں اور دنوں کا ایسے اہتمام کیا ہے جیسے اعتکاف میں عبادات کا اہتمام ہوتا ہے۔۔۔
احادیث نبویہ کے مطابق ہر دن کا روزہ سال بھر کے روزوں کے برابر ہے ۔۔۔ اور عرفہ کا روزہ ایک سال اگلے ایک سال پچھلے گناہوں کا کفارہ ہے۔۔۔ اور اس روز کثرت سے جہنم سے خلاصی دی جاتی ہے ۔۔۔نبی مکرم ﷺ نے ان ایام میں تسبیح (سبحان اللہ) ، تحمید (الحمد للہ) ،تکبیر (اللہ اکبر) ،تھلیل (لا الہ الا اللہ) کی کثرت کی تلقین فرمائی ہے۔
انہیں دنوں میں مناسک حج بھی ہے، احرام ،طواف کعبہ ،صفاء ومروہ کی سعی ، رمی جمرات ،وقوف عرفہ ،وقوف مزدلفہ ، منی میں قیام اور قربانی بھی، عرفہ کا روزہ بھی ، تکبیرات تشریق بھی عید کی رات بھی جس کی عبادت دلوں کی حیات ہے اس دن جس دن دل مردہ ہوں گے۔۔۔۔

ان قیمتی اور مبارک ایام و لیالی کی قدر کرنی چاہیے قیمتی بنانا چاہیے لغویات سے بچنا چاہیے معاصی سے بالکلیہ احتیاط کرنی چاہیے۔۔۔

تکبیرات کے یہ دن عجیب دن ہیں...

ایسے دن جن میں زمین سے زیادہ آسمان بولتا ہے۔
ایسے دن جن میں انسان کو اپنی چھوٹی حیثیت اور رب کی بے پایاں بڑائی کا احساس ہوتا ہے۔

اللَّهُ أَكْبَرُ، اللَّهُ أَكْبَرُ، اللَّهُ أَكْبَرُ
لَا إِلٰهَ إِلَّا اللَّهُ
وَاللَّهُ أَكْبَرُ، اللَّهُ أَكْبَرُ
وَلِلَّهِ الْحَمْدُ

جب انسان دل کی گہرائی سے "اللّٰہ اکبر" کہتا ہے تو صرف زبان نہیں ہلتی... دل کے اندر ایک تخت الٹتا ہے۔

انسان کو محسوس ہوتا ہے کہ اس کائنات میں اگر کوئی واقعی بڑا ہے تو صرف وہ ایک ہے۔

وہ جب رحمت کی چادر اوڑھتا ہے تو "رحمان" بن جاتا ہے۔
جب خطاؤں کو ڈھانپتا ہے تو "رحیم" بن جاتا ہے۔
مگر جب اپنی شان دکھاتا ہے تو پھر "اکبر" بن جاتا ہے۔

اللّٰہ اکبر...

وہ اتنا بڑا ہے کہ بڑے سے بڑے غرور کو چھوٹی سی چیز سے توڑ دیتا ہے۔

جس قوم کو اپنے ہاتھیوں پر ناز تھا، اُنہیں ابابیلوں کے ننھے پرندوں سے مروایا گیا.... کیونکہ اُس کی شان یہ نہیں کہ طاقت کو طاقت سے توڑے...
وہ غرور کو کمزوری سے توڑتا ہے۔

فرعون دریا میں ڈوبا۔
نمرود ایک مچھر سے ہارا۔
اور ابو جہل... وہ بدر کے میدان میں ایک کسان خاندان کے کم عمر لڑکوں کے ہاتھوں گرا۔

اُسے موت کا اتنا دکھ نہیں تھا جتنا اس بات کا تھا کہ وہ کسی سردار کے ہاتھوں نہ مرا۔

یہی تو "اللّٰہ اکبر" ہے...

وہ جب پکڑتا ہے تو انسان کی انا کو وہاں توڑتا ہے جہاں اُسے سب سے زیادہ تکلیف ہوتی ہے۔

کتنا سکون ہے اس بات میں کہ اس زمین پر انصاف ابھی زندہ ہے۔
کہ کوئی ہے جو تکبر کرنے والوں کو دیکھ رہا ہے۔
کوئی ہے جو خاموش رہ کر بھی فیصلہ لکھ رہا ہے۔

قرآن کھول کر دیکھیں...

جہاں سورۂ انفال ختم ہوتی ہے اور سورۂ توبہ شروع ہوتی ہے، وہاں "بسم اللہ الرحمٰن الرحیم" نہیں لکھی گئی۔

کیونکہ ہر مقام رحمت کا نہیں ہوتا۔
کچھ مقامات اعلانِ کبریائی کے بھی ہوتے ہیں۔

وہ صرف رحمان نہیں...
وہ اکبر بھی ہے۔

اور عجیب بات یہ ہے کہ اُس کے ننانوے ناموں میں "اکبر" بطور نام موجود نہیں۔ جیسے وہ اپنی بڑائی کو خود بھی چھپائے رکھتا ہو۔

مگر تین مقامات ایسے ہیں جہاں اُس کی کبریائی پوری شان سے ظاہر ہوتی ہے۔

ایک اذان میں...
جہاں دنیا کی ہر آواز کو خاموش کرکے کہا جاتا ہے:
اللّٰہ اکبر۔

ایک قربانی میں...
جہاں زندگی لیتے وقت انسان کو یاد دلایا جاتا ہے کہ جان دینے والا بھی وہی ہے۔

اور ایک میدانِ جنگ میں...
جہاں خوف کے مقابل صرف تکبیر کھڑی رہتی ہے۔

اللّٰہ اکبر...

یہ صرف ایک جملہ نہیں۔
یہ انسان کی انا توڑنے والا اعلان ہے۔
یہ دل کو سجدے میں گرانے والی صدا ہے۔
یہ وہ کلمہ ہے جس کے سامنے فرعون بھی چھوٹا ہے اور انسان کا غرور بھی۔

تکبر کسی کو زیب نہیں دیتا...
سوائے اُس ذات کے۔

اسی کو کبریائی سجتی ہے۔
اسی کو سجدہ سجتا ہے۔

تکبیرات کی کثرت کریں ،کوئی لمحہ ضائع نہ کرے ، ہم سال کے سب سے بہترین ،محبوب اور عظیم دنوں میں ہیں ۔۔۔
اللہ اکبر ، اللہ اکبر اللہ اکبر
لاالہ الااللہ
اللہ اکبر اللہ اکبر وللہ الحمد 🕋

✍️بیت الرداء اون لائن قرآن اکیڈمی 🤍

ہم صرف معلمات نہیں ہیں…
ہم دلوں کی تعمیر کرتی ہیں، جو دنیا سے پہلے اللہ کو پہچانتے ہیں 🤍

ہم بچے کو یہ سکھاتے ہیں کہ قرآن ایک سکون ہے،
اور محبت ایک عبادت ہے،
اور اللہ تک پہنچنے کا راستہ ایک نرم لفظ اور ایک محبت بھرا گلے لگانا ہے 🌸

بچہ شاید کوئی سبق بھول جائے…
لیکن وہ اس دل کو کبھی نہیں بھولے گا جس نے اسے اپنے اندر جگہ دی،
اور اس ہاتھ کو بھی نہیں جو اسے جنت کی طرف لے گیا ✨

اے اللہ! ہمیں ایسا اثر بنا دے جو کبھی مٹ نہ سکے،
اور ہمارے بچوں کو ایسے دل عطا فرما جو تیرے ساتھ اور تیرے کلام کے ساتھ جڑے رہیں 🤍📖

Celebrating my 2nd year on Facebook. Thank you for your continuing support. I could never have made it without you. 🙏🤗🎉