Iqra Model High School Takht Bhai Mardan

اکبرخان یوسفزئی

تخت بھائی(نمائندہ ایکسپریس) اقراء ماڈل ہائی سکول تخت بھائی میں سالانہ امتحان کے اختتام پر تقریب تقسیم انعامات کی تقریب گلیکسی شادی ہال میں منعقد ہوئی۔سکول کے طلباء طالبات نے حمد. نعت. ملی نغمے. تقاریر اور ٹیبلو شوز پیش کئے۔سالانہ امتحان میں نمایاں پوزیشن لینے والے طلباء طالبات میں انعامات تقسیم کئے گئے۔تقریب کی مہمانان خصوصی مسلم لیگ ن کی صوبائی وائس پریذیڈنٹ سیدہ نازیہ شاہ۔ایڈیشنل اسسٹنٹ کمشنر منیزہ۔ڈسٹرکٹ ہیلتھ کوارڈینیڑ ضلع مردان ڈاکٹر روبینہ ریاض.ماہرین تعلیم ضیاء بی بی۔ شاہین بی بی اور سکول کے پرنسپل اکبرخان یوسفزئی نے اپنی کلاسوں میں نمایاں پوزیشن لینے والے طلباء طالبات میں انعامات تقسیم کئے۔تقریب میں طلباء کی ماوں نے کثیر تعداد میں شرکت کی۔تقریب سے مہمانان خصوصی نے خطاب کرتے ہوئے کہا کہ بچوں کی تعلیم و تربیت اساتذہ اور والدین کی مشترکہ ذمہ داری ہے۔ اپنے بچوں کی بہتر تعلیم و تربیت کرکے معاشرے کو مفید افراد فراہم کرنا ہم سب کی اولین ذمہ داری ہے۔انھوں نے کہا کہ پرائیویٹ تعلیمی ادارے فروغ تعلیم میں اہم کردار ادا کررہے ہیں۔لہذا ہمیں ان اداروں کے ساتھ تعاون کرناچاہئے۔بیسٹ سٹوڈنٹ آف دی ائر کا اعزاز کلاس سوم کی ہونہار طالبہ حورین بی بی دختر حاجی ملنگ نے حاصل کی۔

Annual Examination 2025 in Iqra Model High School Aslam Kalliy Takht Bhai.