Hargeisa Technical Institute

𝗪𝗮𝗳𝘁𝗶 𝗦𝗮𝗿𝗲 𝗼𝗼 𝘂𝘂 𝗛𝗼𝗴𝗴𝗮𝗮𝗺𝗶𝗻𝗮𝘆𝗼 𝗦𝗮𝗳𝗶𝗶𝗿 𝗞𝘂-𝘅𝗶𝗴𝗲𝗲𝗻𝗸𝗮 𝗝𝗮𝗿𝗺𝗮𝗹𝗸𝗮 𝗶𝘆𝗼 𝗛𝗮𝘆𝗮𝗱𝗱𝗮 𝗚𝗜𝗭 𝗼𝗼 𝗕𝗼𝗼𝗾𝗮𝘀𝗵𝗼 𝗸𝘂 𝗬𝗶𝗺𝗶𝗱 𝗠𝗮𝗰𝗵𝗮𝗱𝗸𝗮 𝗙𝗮𝗿𝘀𝗮𝗺𝗮𝗱𝗮 𝗚𝗮𝗰𝗮𝗻𝘁𝗮 𝗲𝗲 𝗛𝗮𝗿𝗴𝗲𝘆𝘀𝗮

Maanta waxaa Machadka Farsamada Gacanta ee Hargeysa booqasho rasmi ah ku yimid wafti sare oo uu hoggaaminayey Safiir Ku-xigeenka Jarmalka, iyo Hayadda GIZ, kuwaas oo u yimid inay u kuurgalaan hawlaha waxbarasho iyo tababarrada xirfadeed ee ka socda machadka.

Waftiga waxaa si diirran u soo dhaweeyey Maamulaha Machadka, Mr. Xasan Xuseen Nuux, iyo Agaasimaha Waaxda Farsamada Gacanta ee Wasaaradda Waxbarashada iyo Sayniska, Mr. Maxamed Cumar (Gaas).

Intii ay booqashadu socotay, waftigu waxay kormeer ku mareen qaybaha kala duwan iyo hoolalka ay ardaydu ku qaataan waxbarashada iyo tababarrada farsamada gacanta. Sidoo kale, waxay xog-waraysi la yeesheen masuuliyiinta machadka, iyagoo warbixin ka dhagaystay horumarka, fursadaha iyo caqabadaha ka jira waxbarashada farsamada gacanta.

Waftigu waxay ammaan u jeediyeen maamulka, macallimiinta iyo ardayda machadka dadaalka ay ugu jiraan horumarinta xirfadaha dhalinyarada iyo tayeynta waxbarashada farsamada gacanta.

Ugu dambayn, booqashadu waxay ku soo dhammaatay jawi wanaagsan, iyadoo la adkeeyey muhiimadda iskaashiga iyo taageerada lagu horumarinayo waxbarashada farsamada gacanta, si loo kobciyo xirfadaha dhalinyarada loona abuuro fursado shaqo oo waara.

𝐀𝐫𝐝𝐚𝐲𝐝𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝐞𝐞 𝐇𝐚𝐫𝐠𝐞𝐲𝐬𝐚 𝐠𝐚𝐚𝐫 𝐚𝐡𝐚𝐚𝐧 𝐐𝐚𝐲𝐛𝐭𝐚 𝐃𝐞𝐜𝐨𝐫𝐚𝐫𝐢𝐨𝐧-𝐤𝐚 𝐨𝐨 𝐪𝐚𝐚𝐝𝐚𝐧𝐚𝐲𝐚 𝐦𝐢𝐝 𝐤𝐚 𝐦𝐢𝐝 𝐚𝐡 𝐱𝐢𝐢𝐬𝐚𝐝𝐚𝐡𝐚 𝐏𝐫𝐚𝐜𝐭𝐢𝐜𝐚𝐥 𝐤𝐚 𝐞𝐞 𝐦𝐚𝐚𝐥𝐢𝐧 𝐥𝐚𝐡𝐚 𝐚𝐡.

𝗔𝗿𝗱𝗮𝘆𝗱𝗮 𝗛𝗮𝗯𝗹𝗮𝗵𝗮 𝗲𝗲 𝗙𝗮𝘀𝗮𝗹𝗸𝗮 𝟰𝗮𝗮𝗱 𝗲𝗲 𝗤𝗮𝘆𝗯𝘁𝗮 𝗕𝗲𝗲𝗿𝗮𝗵𝗮 𝗼𝗼 𝗫𝗮𝗳𝗹𝗮𝗱 𝗦𝗮𝗴𝗼𝗼𝘁𝗶𝗻 𝗮𝗵 𝘂 𝗤𝗮𝗯𝘁𝗮𝘆 𝗠𝗮𝗰𝗮𝗹𝗶𝗺𝗶𝗶𝗻𝘁𝗮 𝗸𝘂𝗹𝗶𝘆𝗮𝗱𝗮 𝗕𝗲𝗲𝗿𝗮𝗵𝗮

Maanta waxaa Machadka Farsamada Gacanta ee Hargeysa ka qabsoontay xaflad sagootin ah oo ay soo agaasimeen hablaha ardayda fasalka 4aad ee ka qalinjabinaya sanadkan Kuliyada Beeraha.

Xafladdan ayaa ahayd mid ay ardaydu ku muujinayeen mahadnaq iyo sagootin ay u sameynayeen Machadka iyo Macallimiintoodii mudada dheer soo garab istaagay waxbarashadooda. Intii ay xafladdu socotay, waxaa loo jeedaiyay hadallo iyo dardaaranno ku wajahan ardayda ka baxaysa Machadka.

Waxaa halkaas dardaaran iyo talooyin qiimo leh ka jeediyay Madaxa Kuliyadda Beeraha, Abdiqasim Xaashi Wacays, kaas oo ardayda kula dardaarmay inay ka faa’iidaystaan aqoonta ay heleen, isla markaana ay door muuqda ka qaataan horumarinta beeraha iyo bulshada.

Sidoo kale, xubno ka tirsan maamulka Machadka ayaa hadallo dhiirrigelin iyo hambalyo isugu jira u jeediyay ardayda, iyagoo u rajeeyay mustaqbal wanaagsan iyo guulo waxbarasho iyo shaqo.

Machadka Farsamada Gacanta ee Hargeysa wuxuu hambalyo iyo duco u dirayaa dhammaan ardayda sanadkan ka qalinjabinaysa, wuxuuna u rajaynayaa guul iyo horumar mustaqbalka ah.

𝗔𝗿𝗱𝗮𝘆𝗱𝗮 𝗠𝗮𝗰𝗵𝗮𝗱𝗸𝗮 𝗙𝗮𝗿𝘀𝗮𝗺𝗮𝗱𝗮 𝗚𝗮𝗰𝗮𝗻𝘁𝗮 𝗲𝗲 𝗛𝗮𝗿𝗴𝗲𝘆𝘀𝗮 𝗴𝗮𝗮𝗿 𝗮𝗵𝗮𝗮𝗻 𝗤𝗮𝘆𝗯𝘁𝗮 𝗗𝗮𝘄𝗮𝗮𝗿𝗸𝗮 𝗼𝗼 𝗼𝗼 𝗾𝗮𝗮𝗱𝗮𝗻𝗮𝘆𝗮 𝗺𝗶𝗱 𝗸𝗮 𝗺𝗶𝗱 𝗮𝗵 𝘅𝗶𝗶𝘀𝗮𝗱𝗮𝗵𝗮 𝗣𝗿𝗮𝗰𝘁𝗶𝗰𝗮𝗹 𝗸𝗮 𝗲𝗲 𝗺𝗮𝗮𝗹𝗶𝗻 𝗹𝗮𝗵𝗮 𝗮𝗵.

𝗛𝗮𝗺𝗯𝗮𝗹𝘆𝗼 𝗗𝗵𝗮𝗺𝗺𝗮𝗮𝗻 𝗕𝘂𝗹𝘀𝗵𝗮𝗱𝗱𝗮 𝗦𝗼𝗺𝗮𝗹𝗶𝗹𝗮𝗻𝗱.

𝐀𝐫𝐝𝐚𝐲𝐝𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝐞𝐞 𝐇𝐚𝐫𝐠𝐞𝐲𝐬𝐚 𝐠𝐚𝐚𝐫 𝐚𝐡𝐚𝐚𝐧 𝐚𝐫𝐝𝐚𝐲𝐝𝐚 𝐐𝐚𝐲𝐛𝐭𝐚 𝐈𝐧𝐭𝐞𝐫𝐢𝐨𝐫 𝐃𝐞𝐬𝐢𝐠𝐧-𝐤𝐚 𝐨𝐨 𝐪𝐚𝐚𝐝𝐚𝐧𝐚𝐲𝐚 𝐦𝐢𝐝 𝐤𝐚 𝐦𝐢𝐝 𝐚𝐡 𝐱𝐢𝐢𝐬𝐚𝐝𝐚𝐡𝐚 𝐏𝐫𝐚𝐜𝐭𝐢𝐜𝐚𝐥-𝐤𝐚.

𝗛𝗮𝘆’𝗮𝗱𝗱𝗮 𝗨𝗷𝗮𝗺𝗮𝗮 𝗔𝗳𝗿𝗶𝗰𝗮 𝗼𝗼 𝗕𝗼𝗼𝗾𝗮𝘀𝗵𝗼 𝗸𝘂 𝗧𝗶𝗺𝗶𝗱 𝗠𝗮𝗰𝗵𝗮𝗱𝗸𝗮 𝗙𝗮𝗿𝘀𝗮𝗺𝗮𝗱𝗮 𝗚𝗮𝗰𝗮𝗻𝘁𝗮 𝗲𝗲 𝗛𝗮𝗿𝗴𝗲𝘆𝘀𝗮

Machadka Farsamada Gacanta ee Hargeysa waxa booqasho ku yimid wafti ka socda Hay’adda Ujamaa Africa, hay’addaas oo soo agaasintay tababar ku saabsan Xirfadaha Nolosha (Life Skills) oo la siinayey ardayda machadka.

Booqashadan ayaa qayb ka ahayd xoojinta iskaashiga iyo taageerada horumarinta xirfadaha ardayda, gaar ahaan dhinacyada nolosha iyo shaqo-u-diyaargarowga.

Waftigu waxa ay sidoo kale indho-indhayn ku sameeyeen Hoosooyinka kala duwan ee ardaydu ku qaataan Gacan ka qabashada Farsamada Gacanta.

𝐌𝐚𝐚𝐦𝐮𝐥𝐚𝐡𝐚 𝐌𝐚𝐜𝐡𝐚𝐝𝐤𝐚 𝐅𝐚𝐫𝐬𝐚𝐦𝐚𝐝𝐚 𝐆𝐚𝐜𝐚𝐧𝐭𝐚 𝐞𝐞 𝐇𝐚𝐫𝐠𝐞𝐲𝐬𝐚 𝐨𝐨 𝐦𝐚𝐚𝐧𝐭𝐚 𝐤𝐚 𝐪𝐚𝐲𝐛 𝐠𝐚𝐥𝐚𝐲 𝐊𝐮𝐥𝐚𝐧𝐤𝐚 𝐖𝐚𝐝𝐚𝐚𝐠𝐚𝐡𝐚 𝐀𝐚𝐠𝐚 𝐓𝐚𝐦𝐚𝐫𝐭𝐚 𝐉𝐒𝐋.

Maanta, Maamulaha Machadka Farsamada Gacanta ee Hargeysa Mr Xasan Xuseen Nuux ayaa ka qayb galay Kulanka Wadaagaha Aaga Tamarta JSL.
Kulankan waxa ku wehelinayey Madaxa Qaybta Renewable Energy ee Machadka Farsamada Gacanta Hargeysa.
Kulankan oo ay soo agaasimtay Wasaarada Tamarta iyo Macdanta JSL.