Rym Kamoun

"اليوم بالكش نهار النتائج بالاساماس ... ونحب نقلكم حاجة مهمّة برشة:
مهما كانت النتيجة، راهي ما تمثلكمش إنتوما.
المعدّل متاعك ما يحدّدش قيمتك، وورقة النتائج ما تختصرش سنين من التعب، السهر، المحاولات والدموع.
كان نجحت، فرح واستمتع باللحظة، راك تستحقها. وكان النتيجة ما جاتش كيما تمنّيت، تذكّر إلّي هاذي مرحلة موش نهاية الطريق.
في الحياة، فما برشة أبواب تتفتح، وبرشة فرص تستنّى فيك، وبرشة نجاحات ما عندها حتى علاقة بعدد في كشف الأعداد.
إنت أكثر من معدّل... أكثر من رتبة... وأكثر من نتيجة.
ارفع راسك، وخلي ثقتك في روحك أقوى من أي رقم.
اليوم يتعدّى... أما قيمتك وقدراتك وأحلامك يبقاو.
بالتوفيق ليكم الكل، وربي يفرّح كل قلب يستنّى في خبر يفرحو." ❤️🌷