Leifiifi College PAGE

Term 2 Week 9
Talofa lava Faamalo le tatalo malo foi le tapuai lea ua maea suega o le afa tausaga viia le alofa o le Atua. Ua maea foi le polokalame a le talent Quest a le fanau o se tasi o vaega o le polokalame o le Literacy.
O taeao le Zone A League 9 aside tournament e faatinoina i le Kolisi o Leifiifi e faaaoga ai malae e 2. E 5 Kolisi o le a tauva ai
1. Kolisi o Vaimauga,
2. Kolisi o Palalaua
3. Kolisi Sanele
4. Kolisi o Pesega
5 Kolisi o Leifififi
O au tauva U14, U16, U18 alii & tamaitai.
O le a galulue faatasi ai le Samoa Rugby League ma le Pulega a Uluaoga o le Zone A. Ua nao le pau ia o aoga ua avanoa e tauva ona o nisi aoga o loo fai suega ma o loo tuatuagia i a latou polokalame.
O lea la ua faailoa atu i fanau o le a malolo le level 9,10 & 11 i le fale ae nao le level 12 e fai a latou aoga ma au taaalo e auai mai taeao faatasi ma le FTT yr 10 na ua avatu a latou tusi o le a faatino la latou practical taeao.
E toe ae uma mai fanau i le aoga i le a*o Tofi e faaauau le aoga masani.
E maua le avanoa e afifio mai ai e matamata ma tapuaiga taaloga a fanau e totogi le ulufale i le lotoa.
E tatalo atu ai foi i matua , uo ma aumeamamae ina ia alofagia le saogalemu ma le toafilemu o taaloga a fanau, tapuai tausaafia ma amio aoaoina lelei aemaise lava fanau talavou e fia auai mai e maimoa.
Ia manuia tele lau tapuaiga .

Term 2 week 8
Talofa lava
O loo faaauau pea suega a fanau (Mid-Year Exam) ma e tasi le pepa suega o le a*o. E tuua le aoga i le 12:00 i le aoauli.
E taua tele le fesootai mai ma faailoa mai pe afai ua le auai mai lou alo i le aoga ina ia aua nei afaina suega o loo faataunuuina.
E faamanatu atu foi o le a*o Lulu 10/06/26 o le CAT ale Computer Studies mo le vasega 12. ma e manaomia lava fanau ina ia auai mai ai aua togi o le SSLC.
E faamanatu atu totogi o suega a fanau mo le SNJSC (Vasega 10) ma le SSLC ( vasega 12) e faatumu le form i le ofisa o le aoga ona faatoa totogi ai lea i luga i le ofisa o Aoga & Aganuu.
Ia manuia tele lau tapuaiga ao alo fanau i suega.
O le vaia*o ua tuanai na faamavae ai le aoga ma le susuga ia Mr Tumua Tala Leota o le faiaoga musika & HPE o le sports master foi a le aoga Ua faamanuiaina i le avanoa o le principal i le (Recreation) MSR (Ministry of Sports & Recreation) I le atoa ai o le 8 tausaga nma masina e 6 talu ona faiaoga i le tatou aoga. Faafetai matua mo le valevale alofa na tauaaoina mo le faiaoga. Faafetai foi i le alii faiaoga mo le auauna ia faamanuia tele le Atua i lou valaauina.

Term 2 week 6
Talofa lava malo le tatalo malo le tapuai ao alo fanau ma faiaoga i aoaoga.
Ia o lenei ua faamaea i le a*o le vaia*o 6 ua toe 5 vaia*o ona tuua foi lea mo lenei kuata. O le a*o Gafua le sisigafua ma e savavali foi le tatou aoga i le faamanatuina o lea faamoemoe taua o si o tatou atunuu. Ia e tapena lelei iai fanau ia mautinoa o lelei ofuaoga ma e sui mau foi le pine i luga o le o le ofutino, e nao le seevae lanumoana lava e faataga e le talia foi le sau o lou alo e leai se seevae. O le 5,30 e potopoto uma ai i Mulinuu e talia ai le amataina o polokalame uma .
O le a*o Lua e toe ae uma mai ai fanau ma toe amatalia ai aoga . O le a*o Tofi 4/6 e amata ai loa suega ma faaauau atu ai i le vaia*o 8. O le a*o Faraile 12/6/26 o le polokalame a le aoga ua taua o le talent quest o taumafaiga lava e atinae ai taleni a fanau ma faaalualu ai i luma le literacy. O le a faailoa atu lava polokalame mo isi vaia*o o totoe.
Ia ma le faamanatu masani lava mo le totogiina o pili osuega mo le vasega 10 ma le 12. Agai mai matua e faatumu le form ona faatoa susu atu ai i le ofisa e totogi le pili o lou alo.
O le a tuua le tatou aoga i le a*o i le 12.00 i le aoauli ona o nisi o tapenaga a faiaoga aemaise ina ia vave foi ona piki fanau ma taunuu saogalemu atu i aiga.
Ia manuia tele le aga atu i le faamanatuina o le tutoatasi o si otatou atunuu.

Term 3 week 4
Talofa lava
E manatu sa maua se a*o Tina fiafia ma le manuia et ina uma o le tatou Kolisi aemaise tatou paaga uo ma e masani , maua foi se a*o malolo lelei mai feau ma galuega aua se faasiliga malosi. E faafetaia ai le alofa o le Atua i lana tausiga ma lana leoleoga alofa ua tatou aulia mai ai lenei vaia*o fou i le manuia.

E faamanatu atu i matua pili o suega a fanau mo le vasega 10 (SNJSC) ma le vasega 12 (SSLC) lea ua amata ona totogi. Afai e te lei saini i se form o suega a lou alo mo ia vasega e 2 e tatau la ona e susu mai i le tatou ofisa e faatumu le form o lou alo a leai ua le mafai ona sue lou alo i ia suega. O le avanoa mulimuli lea ua tuuina atu mo lou alo e faatumu ai le form mo suega.
O le vaia*o 6 suega o le mid-year a fanau ma ua maea faailoa atu ai le timetable i fanau mo a latou tapenaga.

E savavali le tatou aoga i le sisiga fua e tapena lelei i ai ofuaoga o fanau ma e tasi lava le lanu o seevae tosotoso nao le lanu moana.

Ia manuia tele tiute ma faiva o faafeagai ai aemaise fonotaga a Ekalesia o usuia i lenei vaia*o.

Term 1 week 2
Talofa lava
E viia le alofa ma le agalelei o le Atua ua tatou aulia mai foi lenei kuata o aoaoga a le fanau.
Faafetai mo lau lagolago ao i ai fanau i taaloga i le taimi o tuuaga. E ui e lei faamanuiaina i latou i faailoga faapitoa ae faafetai i matua na taumulimuli ma maitauina le taumafaiga a fanau . Faafetai i le tapuaiga aemaise le tatalo ma le faamalosi i taumafaiga a fanau.
Faafetai faapitoa i le laulau a le PTA mo le faatupeina o taumafaiga a fanau. Ia faamanuia tele le Atua i soo se auaunaga ma le lagolago le faatuaoia i le mamalu o matua , uo ma aumeamamae a le kolisi.

O le kuata 2 e 11 vaia*o. ma o le a fatinoina kuega o le midyear i le vaia*o 7 & 8 - 5th Iuni - 13th Iuni 2026.

O lea ua tatala le MEC mo le totogiina o pili o suega a le vasega 10 & 12 Ua faapipii atu le pepa mai le MEC mo le silafia.

Ia manuia tele lau tapuaiga i le amataga o lenei kuata.
Ma le faaloalo lava

Talofa lava
E faamanatu atu o le a*o a taeao a*o Lua 31/03/2026 le a*o mulimuli mo taaloga lakapi 15 mo le Sone A. Ma e tuua foi le aoga i le 12.00 i le aoauli. Ua maea Netipolo ma ua nao le mixed team ua saofaga atu i le Champ of Champs i le a*o 8 & 9 o Aperila 2026.
O lakapi taitoafitu e sue siamupini faatasi i le a*o lea e faatino ai Netipolo. E nao le U16 alii e le tauva ai ao isi au uma e 5 e tausinio i lea a*o.
Faamolemole e fautuaina lava matua ma le au matamata ina ia matamata nonofo ma faaaloalogia faaiuga a laufali ma tafua. Ua maitauina lava le le taupulea o fanoga o nisi o au matamata aemaise lava tupulaga talavou ao faatinoina taaloga a fanau. Manatua e mafai ona faaleaogaina le taumafai a fanau pe a le tausisia e le au matamata tulafono ma agatausili mo taaloga a fanau.
Ia manuia tele lau tapuaiga

Term 1 week 6
Talofa lava
Na ona toe faamanatu atu lava o a*o Lua ma a*o Faraile lea e faatino ai taaloga lakapi ma Netipolo ma e tuua ai le aoga i ia a*o i le 12.00 i le aoauli.
O au nei e taaalo i le a*o a taeao mo le silafia
Netipolo i le malae Kolisi o Samoa

Lakapi U18 alii - LC vs Anoamaa College 12.00-1.30 Leififi College field
U14 alii LC vs Pesega College 12.00 -1.00 at Vaimauga College field
U16 alii LC vs Falealili College 2.40 - 3.50 at Pesega College Field 1.
U18 tamaitai LC vs Papauta Girls College 12.00 -1.30 at Pesega College field 2.
Ia manuia tele lau tapuaiga.

O le agaga faafetai ma le fiafia e faaleo i le Rotaract ma le latou faiga faapaaga ma le Samoa Netball Association ua foaiina mai ai e le Rotoract Club ni meaalofa mo le atinaeina o le Netipolo i le tatou Kolisi. Ua taulimaina le cooler vai, tray ma fagu e utu ai vai a teine taaalo, o seti bibs & netball uniform. Faafetai le fesoa*oani mai faafetai le lagolago mai i le tau atinaeina o taleni a fanau Faamanuia foi i le a*osi Netipolo a Samoa mo le fesoa*oani i faiaoga aua le koleniina o tamaitai aoga ina ia alualu pea i luma le fiafia e taaalo i le Netipolo.

E faamanatu atu pea i matua o loo faatali atu lava forms a nisi o fanau na avatu e saini mai ai matua ina ia mafai ona sue lou alo i suega o le SNJSC & SSLC ia Novema. Ua manaomia l;e saini mai o forms faamolemole.

Ma le faaaloalo lava. Faafetai.

Talofa lava
E toe faamanatu atu o le a*o 06/03/2026 e faataunuuina ai taaloga a le fanau Lakapi & Netipolo.
Ma e maea uma vasega nei i le 11.30 ona malaga lea o le au o taaaalo i le malae Pesega (U18 tamaitai & U16 alii) O le U16 tamaitai i Vaimauga ao le U18 alii e taaalo i le tatou malae. O le Netipolo e faataunuuina i le malae a le Kolisi o Samoa.
Piki lou alo i le 12.00 i le aoauli.
E faailoa atu foi i matua o tamaitai o le U18 aemaise le au lakapi tamaitai tuai a le aoga o le toe faaauau le tatou taamilosaga a le SWRU i le a*o Toonai taimi masani 9.00 i le taeao. Tatou feiloai ai i le taeao o le a*o Toonai.
Faamanatu atu forms a fanau o le Vasega 10 & 12 ua manaomia ona saini matua ma toe faafoi mai ona e toe ave i luga i le MEC mo le tapenaina o suega a le fanau.
E iai nisi o fanau o loo maitauina o loo faaaoga a latou fake page i luga o upega tafailagai ma fai ai ni faaupuga faaoloataua aemaise o gagana le talafeagai e ono tutupu ai misaaga ma tauaimisa ai fanau E matua le taliaina ia ituaiga gagana le mafaufau ma le taupulea. Faamolemole matua sei silasila ane ma fautua ane i fanau ina ia faamuta lea amio e le faatagaina ma e le taliaina foi e le tatou sosaiete. Ia ola fiafia ma saogalemu fanau uma ma le auga e tasi ia manuia a latou aoga. E le o fanau uma ae e avea lava le toaitititi lea e afaina ai le suauu manogi. Tatou tapuaia taaloga a le fanau ia iu ma le manuia
Ia faamanuia le Atua i lau tapuaiga.

Term 1 Week 5
Talofa lava
E momoli le faamalo ma le agaga faafetai i matua uo ma aumeamamae aemaise le PTA o le tatou aoga i le lagolagoina ma le tapuaiga ao alo fanau a le Kolisi i le lakapi taitoafitu Sone A. E ui i le timu ma le louloua o le tau ae viia le Atua ua faamaeale faamoemoe
Iuga o taaloga
1. Tama U14 - tulaga 4
2 Tama U1`6 - tulaga 5
3. Tama U18 - tulaga 4
4. Teine U16 - siamupini - tulaga 1.
5. Teine U18 - tulaga 2.
Ma ua maea le faamoemoe Ma ua saofaga uma atu au i le suega siamupini e tauva ai ma isi sone vagana le U16 alii e leo faamanuiaina le taumafai. O le a faia lea faamoemoe i le vaia*o lona lua o le tuuaga Kuata 1. ( Aperila)

O le a*o Faraile o le vaia*o nei o le a amata ai foi le lakapi 15 mo tama & teine. Talosia le faamoemoe o nai fanau ina ia lagilelei le a*o Faraile . E amata ai foi le tauvaga Netipolo e faia lea i le kolisi o Samoa.
Ia manuia tele lau tapuaiga i lenei vaia*o.

O le agaga fiafia ma le faafetai i le tamalii ia Vaa Lauvao mai Ausetalia na malaga mai ma si ona alo tamaitai e tafafao ma asi mai nai ona aiga i Samoa nei.
Ua ia tauaaoina se meaalofa mo le Kolisi e ala lea ini togiga lakapi e 2. O le full set (jersey, totini ma le short) mo le U14 boys o loo taalo ai si ona nephew ia Solomona Viliamu e vasega 9 i le tatou Kolisi.
Faafetai i lau kalapu i Canberra Ausetalia mo le fesoa*oani O le tamalii ia Vaa sa aoga i le model school ao togiga meamata i le lotoa lea ua iai nei le tatou Kolisi, ao lei malaga atu ma ona tuaa ma aumau ai i Ausetalia. Lea ua ia foaiina ai ma lana Kalapu togiga e 2 e manatua ai pea le faleaoga ma le malae na aoga ai i a*o ao laititi.
O la matou tatalo ia faamanuia tele le Atua i lau susuga ma le aiga Ia faamanuia foi i lau kalapu lakapi i Ausetalia .
Ua matou taliaina ma le agaga faafetai le meaalofa ua tauaaoina.
Faafetai , Faafetai tele lava. Ia manuia le toe foi atu ai i atunuu o loo aumau ma galulue ai.