SHFMU "Kadri Beba" Ribar i Madh

19 qershor 2026 - Ribar i Madh

Ceremoni festive për përfundimin e vitit shkollor të klasave përgatitore

Me emocione, buzëqeshje dhe shumë gëzim, nxënësit e klasave përgatitore shënuan përfundimin e vitit shkollor 2025/2026 me një ceremoni festive të organizuar nga edukatoret e shkollës sonë, Blerina Kozhani dhe Kaltrina Terpeza
Në prani të prindërve, fëmijët prezantuan programe të larmishme artistike, duke treguar talentin, zhvillimin dhe përkushtimin e tyre gjatë këtij viti. Kjo festë ishte një moment i veçantë për të kurorëzuar një periudhë të rëndësishme të rrugëtimit të tyre edukativo-arsimor.
I përgëzojmë të gjithë fëmijët për sukseset e arritura dhe u urojmë shumë mbarësi në hapin e radhës. Fatosat tanë të vegjël i pret shtatori në bankat e klasës së parë, me ëndrra të reja dhe sfida të bukura në rrugën e dijes. 🌟📚

Suksese të gjithëve! 🎓👏

Me respekt!
Nehat Tërpeza
Drejtor i shkollës

19 qershor 2026 - Ribar i Madh
Mirënjohje për suksesin e nxënësve tanë

Sot, në ambientet e shkollës sonë, u ndanë mirënjohje për ekipin e nxënësve fitues në lëndën e gjuhës gjermane, të cilët me përkushtimin, kreativitetin dhe punën e tyre të palodhshme arritën të shkëlqejnë në Panairin P-GJASHTË, duke u renditur në vendin e parë.
Ky sukses është dëshmi e talentit dhe angazhimit të nxënësve tanë, si dhe e mbështetjes së vazhdueshme të mësimdhënëses, Majlinda Sejdiu.

I përgëzojmë nxënësit për këtë arritje të merituar dhe u dëshirojmë suksese të reja në të ardhmen.

Me respekt!
Nehat Tërpeza
Drejtor i shkollës

18 qershor 2026 - Ribar i Madh

Vizitë edukative e inspiruese në Bibliotekën Kombëtare dhe Panairin e Librit

Sot, nxënësit e klasave të VI-ta të shkollës sonë zhvilluan një vizitë edukative në Bibliotekën Kombëtare “Pjetër Bogdani” në Prishtinë. Gjatë kësaj vizite, ata patën mundësinë të njihen nga afër me historinë, fondin bibliotekar, shërbimet dhe rëndësinë që ka biblioteka në ruajtjen dhe promovimin e dijes dhe kulturës.
Më pas, nxënësit vizituan Panairin e 26-të të Librit, i cili po mbahet në Pallatin e Rinisë. Aty ata u njohën me botime të ndryshme, autorë, shtëpi botuese dhe tituj të rinj, duke nxitur interesimin për leximin dhe pasurimin e njohurive.
Kjo vizitë ishte një përvojë e vlefshme edukative dhe kulturore, e cila kontribuon në zhvillimin e shprehive të leximit, zgjerimin e horizonteve të dijes dhe kultivimin e dashurisë për librin tek nxënësit tanë. 📚✨

Falenderojmë kujdestarët e klasave të VI-ta, Ilir Berbatin e Fetije Gashi-Kozhani për angazhimin e tyre me nxënësit e shkollës sonë.

Me respekt!
Nehat Tërpeza
Drejtor i shkollës

18 qershor 2026 - Ribar i Madh

Aktivitete vetëdijësuese kundër diskriminimit

Në kuadër të fushatës vetëdijësuese kundër diskriminimit, mësimdhënësja e gjuhës angleze, Dielleza Kamberi-Gashi, ka zhvilluar një sërë aktivitetesh dhe lojërash edukative me nxënësit e klasave V, VII dhe VIII-të
Përmes këtyre aktiviteteve, nxënësit patën mundësinë të bashkëpunojnë, të shkëmbejnë ide dhe të përcjellin mesazhe të rëndësishme për respektin, barazinë, pranimin e dallimeve dhe bashkimin mes të gjithëve. Aktivitetet u zhvilluan në një atmosferë pozitive dhe gjithëpërfshirëse, duke kontribuar në ngritjen e vetëdijes për rëndësinë e një shoqërie pa diskriminim.
Së bashku ndërtojmë një mjedis më të drejtë, më të respektueshëm dhe më gjithëpërfshirës për të gjithë.

Me respekt!
Nehat Tërpeza
Drejtor i shkollës

16 qershor 2026 - Ribar i Madh

🎨 Aktivitet artistik në kuadër të projektit “Kundër Diskriminimit: Bashkë përmes Sportit dhe Edukimit”

Sot, grupi i piktorëve të shkollës sonë zhvilloi një aktivitet simbolik në hapësirat e shkollës, duke përcjellë përmes artit mesazhe të bashkëpunimit, respektit të ndërsjellë dhe gjithëpërfshirjes. Punimet e realizuara pasqyrojnë vlerat e tolerancës dhe rëndësinë e krijimit të një mjedisi pa diskriminim.
Ky aktivitet u realizua në kuadër të projektit “Kundër Diskriminimit: Bashkë përmes Sportit dhe Edukimit”. Shprehim mirënjohjen tonë të veçantë për organizatën PL4Y International, e cila mundësoi zhvillimin e këtij aktiviteti duke mbuluar të gjitha shpenzimet për pajisjet dhe materialet e nevojshme të atelesë së arteve. Falë mbështetjes së tyre, nxënësit tanë patën mundësinë të shprehin kreativitetin dhe mesazhet pozitive përmes artit.
Mirênjohës dhe falenderues jemi edhe ndaj mêsimdhënësit të Artit Figurativ, Fatlum S. Kadriu , i cili gjatë këtyre muajve ka kontribuar në realizimin e këtij projekti.

Me respekt!
Nehat Tërpeza
Drejtor i shkollës