Sh.m.u Tetë Marsi

Njoftim

Ju njoftojmë se mbledhja komemorative për të ndjerin Sinan Shehu do të mbahet sot, më 18.06.2026, në Sallën e Asamblesë Komunale, me fillim në orën 11:00.

Me këtë rast do të kujtojmë jetën, veprën dhe kontributin e tij të çmuar.

I paharruar qoftë kujtimi për Sinan Shehun.

Me pikëllim të thellë morëm lajmin për ndarjen nga jeta të kolegut tonë të nderuar, Sinan Shehu mësimdhënës shumëvjeçar i shkollës sonë.
Përkushtimi, profesionalizmi dhe kontributi i tij i çmuar do të mbeten gjithmonë në kujtesën tonë. Humbja e tij është e madhe për familjen, kolegët, nxënësit dhe gjithë komunitetin shkollor.
Në këto çaste të vështira, i shprehim ngushëllimet më të sinqerta familjes, të afërmve dhe miqve të tij.

Qoftë i përjetshëm kujtimi për të.

Sot, nxënësit e shkollës sonë, kampionë në basketboll, patën kënaqësinë të vizitojnë kabinetin e Kryetarit të Komunës së Pejës, Gazmend Muhaxheri, i cili i priti dhe i përgëzoi për sukseset e arritura. Kjo pritje ishte një vlerësim për punën, përkushtimin dhe rezultatet e shkëlqyera që nxënësit tanë kanë treguar në basketboll, duke përfaqësuar me dinjitet shkollën dhe komunitetin tonë.
Falënderojmë Kryetarin për mikpritjen dhe mbështetjen ndaj të rinjve, ndërsa nxënësve tanë u urojmë edhe shumë suksese në garat e ardhshme.

Klasa4/1 Mësuese Lisa Gruda.
Duke ndërtuar kubin me fletë me ngjyra, nxënësit zhvillojnë aftësitë e tyre kreative dhe motorike.

Sot, në ambientet e shkollës sonë, u zhvillua një takim me përfaqësues të Hamilton House Publishers.
Në kuadër të bashkëpunimit me shkollën tonë, kjo shtëpi botuese dhuroi rreth 100 libra për fëmijë, të cilët do të pasurojnë bibliotekën shkollore dhe do të ndihmojnë në nxitjen e kulturës së leximit te nxënësit.
Falënderojmë përfaqësuesit e shtëpisë botuese për donacionin e çmuar dhe mbështetjen e tyre ndaj shkollës dhe nxënësve tanë.

Në shkollën tonë u mbajt me sukses Testi i Shkallës I, II dhe III. Procesi u zhvillua në mënyrë të rregullt dhe sipas planifikimit, me angazhimin e nxënësve dhe mësimdhënësve.
Urojmë suksese të gjithë nxënësve në rezultatet e tyre.