Aros

Ons is trots op ons oud-Arries wat nou deel is van die Menlo-familie. Hou Aros se naam hoog en maak 'n verskil!

Het jy al vir Arrie ontmoet? Kom maak ‘n draai op kampus en kom groet vir Arrie!

Hy sal jou graag geselskap hou terwyl jy meer oor Aros uitvind, jou aansoek indien en die eerste tree op jou reis as ‘n roepingsgedrewe onderwyser gee.

Ons sien daarna uit om jou te ontmoet!

Steen vir steen word die droom ‘n werklikheid!

Ons ouditoriumprojek vorder mooi, en ons is opgewonde oor wat voorlê. Hierdie ruimte gaan nie net vir die Aros-gemeenskap waarde toevoeg nie, maar gaan ook ‘n plek van samekoms wees wat mense leer-, groei- en inspireringsgeleenthede sal bied.

Hou ons blad dop om te sien hoe die bouwerk steen vir steen vorder!

Die korrekte antwoord: C. o. 15A-rugbyspan.

Verduideliking:
Reël 7.2 in die Afrikaanse Woordelys en Spelreëls lui soos volg: “Indien die voorbepaling van ’n samestelling bestaan uit ’n woord of afkorting gevolg deur ’n syfer of simbool, word die woord of afkorting in die voorbepaling los van die syfer of simbool geskryf.” (Taalkommissie van die Suid-Afrikaanse Akademie vir Wetenskap en Kuns, 2017:34) Nog voorbeelde hier is: gr. 11-groep, graad 1-onderwyseres en vitamien E-tekort.

Was jy reg? Laat weet ons gerus!

Ons is opgewonde om die weeklikse taalvraag met julle te deel:

Watter een van die volgende skryfwyses is korrek?
(a) Die o.-15A-rugbyspan het Saterdag ’n oortuigende oorwinning behaal.
(b) Die o. 15A rugbyspan het Saterdag ’n oortuigende oorwinning behaal.
(c) Die o. 15A-rugbyspan het Saterdag ’n oortuigende oorwinning behaal.
(d) Die 0. 15A-rugbyspan het Saterdag ’n oortuigende oorwinning behaal.

Wat d**k julle is die korrekte antwoord? Laat weet ons in die kommentaar!

Gelukkige Jeugdag, Arries!

1 Timótheüs 4:12: "Laat niemand jou jonkheid verag nie, maar wees ’n voorbeeld vir die gelowiges in woord, in wandel, in liefde, in gees, in geloof, in reinheid.”

Mag julle vandag onthou dat julle jeug nie ’n beperking is nie, maar ’n geleentheid om met moed, integriteit en geloof ’n verskil te maak. Leef doelgerig, dien met oorgawe en wees die voorbeeld wat hoop in die wêreld bring.

Gelukkige Jeugdag aan elke Arrie wat reeds vandag besig is om môre se toekoms te vorm.

Het jy geweet?
Internasionale Speldag (International Day of Play) word jaarliks op 11 Junie gevier en dien as ‘n wêreldwye bewusmakingsinisiatief wat deur die Verenigde Nasies ingestel is om die belang van spel in kinders se ontwikkeling te beklemtoon.

In vroeëkinderjare-ontwikkeling is spel nie bloot ontspanning en pret nie, maar die manier waarop die jong kind hul leefwêreld verstaan. Wanneer ‘n kind bou, rolspel doen, sing, hardloop of selfs net sand ondersoek, leer hulle voortdurend. Spel is nie bloot “speeltyd” nie, maar ‘n noodsaaklike komponent van leer en ontwikkeling.

Spel dra by tot:
breinontwikkeling en probleemoplossing;
sosiale vaardighede soos samewerking en deel;
emosionele ontwikkeling en selfvertroue;
fisieke ontwikkeling (groot en fyn motoriese vaardighede); en
meer betekenisvolle en genotvolle leerervarings.

Kom ons bied kinders die ruimte, tyd en vryheid om te speel, want deur spel bou kinders aan ’n beter toekoms.

Ons Aros-personeel het ook met die spel hand bygesit ... Ons wonder hoe hul koördinasie was?

Die derdejaar-Verbruikerstudiestudente het onlangs hul praktiese eksamen op die Aros-kampus voltooi. Die eksamen het oor twee volledige dae gestrek, waartydens die eerste groep op 5–6 Junie en die tweede groep op 8–9 Junie deelgeneem het.

Tydens die eksamen moes studente gevorderde voedselproduksievaardighede, tegniese akkuraatheid en kreatiwiteit demonstreer deur ‘n verskeidenheid produkte te beplan, voorberei en aan te bied.

Hulle spyskaarte het die volgende ingesluit:
- focaccia met gekaramelliseerde appel en karamelsous
- Beierse roomtertjies met ‘n brosbroodkoekiekors
- ‘n temakoek bestaande uit sponskoek, malvalekkerfondant en Italiaanse botterroom

Verkies julle as onderwysers ‘n rooi gelpen of balpuntpen om die merkwerk mee te doen?

In hierdie week se taalwenk wys ons julle graag op die belangrike betekenisverskil tussen “e-pos” en “epos” in Afrikaans.

Het julle al ooit die verkeerde gebruik van dié twee woorde in Afrikaans teëgekom? Deel jul antwoorde met ons in die kommentaar!