AHMP Oudleerlingbond

Ons nooi julle hartlik uit om saam te kom kuier......met jou Oud-Affie maats en kom maak selfs 'n paar nuwes.

Kies asb die "Oud-Affie Lapa" opsie wanneer jy bespreek

AFFIE WILDSFEES, 2026

Die wagtyd is verby. Kaartjies vir die Affie Wildsfees is nou beskikbaar!

Saterdag 22 Augustus by Harlequins Rugbyklub

Ricus Nel, Adam Tas en Die Piesangskille

Ons sien uit na ’n dag vol Affie-gees, musiek, lekker kos en saamkuier.

Koop jou kaartjies by die volgende skakel: https://itickets.co.za/register/new/486343

OUD-AFFIE WEN COMRADES

Baie geluk aan oud-Affie George Kusche (matriek, 2016) wat vandag eerste oor die wenstreep van die 2026 Comrades Ultramarathon gehardloop het.

George het die "Op"-wedloop se 85,777 km in 'n nie-amptelike tyd van 5 ure, 16 minute en 6 sekondes voltooi. Dit verbeter die tyd van Leonid Shvetsov wat 5:24:29 gehardloop het aan 'n roete wat so 800m korter was in 2008.

George word die tweede oud-Affie wat met hierdie gesogte eerste plek wegstap. George Claassen (matriek, 1933, op 16-jarige ouderdom) het die "af"-wedloop in 1961 gewen.

Ons Orkes blink uit by die Pretoria Eisteddfod!

Baie geluk aan ons dogters wat 'n A++-toekenning by die Pretoria Eisteddfod verwerf het!

Ons is trots op hierdie prestasie. Ten spyte van hul akademiese verpligtinge en slegs een uur se oefening per week, het hulle met toewyding, passie en harde werk uitstekende resultate behaal.

'n Spesiale gelukwensing ook aan mnr. Eddie en die Waterkloof-orkes, wat as itemwenner aangewys is.

Julle is ware ambassadeurs van ons skool en bewys dat toewyding en deursettingsvermoë groot sukses kan oplewer.